К Римлянам 15
15
Ыфқуҳтыки Иляси, Ыфқуҳтыфқа̄фси Лъпысиның
1Хўаңкута ухпықилъыҳтуқани каюсӣсяҳқақапут ухпықилъыҳқыста̄ҳа̄т сыӷлылӣнӷата. Ыфқуҳсяҳқа̄нӷитукут хўаңкунъың. 2Итупилъ, тамаҳа̄мта ыфқуҳнақылътыху ухпықа̄лгутфут лъңан катам пиниҳқылъыҳқа̄нун, ухпықилъыҳтуҳтысқылъюку. 3Талўа Христос ыфқуҳсимаңитуқ лъңаның катам. Йыӷлыги игақыхка̄гуқ Акузитни Игақыхкани: «Югыт сыӷлықӯлӷӣт лъпынун, сыӷлықӯлъҳит тыкитақут хўаңамкун». 4Сивунӷани Акузитыт Игақыхкат игақыхка̄гут апыҳтуӷналюта. Нуқынъыҳтустӣлъю, кайымилъюлъю сиӷималъыңнаюкамта. 5Нуқынъыҳтулъҳылъю, кайымылъҳылъю Кияӷныҳта̄гук. Лъңан кияҳтыслъиси итагнақулъюси катам Христос Иисусым пилъҳатун. 6Та̄хкын қамахлъюси қырңаҳпыси ата̄систун усюқылъықаҳси Кияӷнық, Атаңа Атанымта Иисус Христосым.
Пинилӷӣт Уңипат Иудеянунлъю, Язычнигнунлъю Пиңӯт
7Тама̄кын апалъюқлъюку тугуклъӣтулъюси катам Христосым тугуклъиқаюгукаңиси лъпыси. Таўатын пикуфси югыт усюқылъықа̄т Кияӷнық. 8Амынқун Христос қыпҳаҳтыңуҳтыка̄лӷӣ Иудеянун лӣгикысқылъюки Кияӷнық ӣўлың ипапӣқуқ. Тама̄кын апалъюқлъюку Иудеит лӣсимакңўа̄ӷа̄т Кияӷныӷым пияҳқақӣ акықусяқыхкани сивунӷитнун. 9Христос тагика̄лӷӣлъю язычнигнун усюқысқылъюку Кияӷнық наңлъыхталъҳанун. Игақңа̄қ Акузитни Игақыхкани:
«Ынка̄ңам усюқылъықамкын акулңитни язычнигыт,
илягаҳлъықуңалъю усюқилъыӷмың атыҳпынун».
10Акузитни Игақыхкани игақңа̄қлъю хўатын:
«Язычнигни, қуятык малигулъюси Кияӷныӷым югитнун!»
11Алъя Акузитни Игақыхкани игақңа̄қ:
«Усюқитыху Атанық, қамахлъюси язычнигни;
усюқитыху, қамахлъюси югни!»
12Исаия пика̄гуқ:
«Киңунӷа Иессейем тагилъықуқ иглыӷунъалюки язычнигыт,
ынка̄м лъңакун сиӷималъықут».
13Кияӷныӷӯқ сиӷимастилӷӣ. Имиӷлиси қуялъыҳлъягмыңлъю, ныкыхмылъыӷмыңлъю ухпықылъыҳпысигун лъңанын. Та̄хкын сиӷималъыңатаӷаҳлъықуси аҳтуӷьяҳқа̄нӷилъҳакун Аглыӷналӷӣм Таӷныӷам.
Павелым Письмоткыхкаңа Қыпҳақани
14Ухпықа̄лгутымни, лӣсимакңўа̄ӷамси пинӣпихтуси югни. Лӣсимакақалъю лӣгикңўа̄ӷлюки аюқаси апыҳтӯсят Кияӷныӷмың аюқылӷӣт, ынка̄м апыҳтӯсяқлъыгўа̄си иляңитнун. 15Иўырңа тытулъңунаңа письмокақамси сямың иляңитның нықамикысқылъюси тама̄кын. Таўатын письмомаңа қаюҳлъяк Кияӷныӷым тунусиҳтуӷа̄ңа 16қыпҳаҳтыңулюңа Христос Иисусымун язычнигнун. Священнигыстун аюқақуңа уңипақинымни Пинилӷӣның Уңипа̄мың Кияӷныӷым язычнигнун. Таўатын уңипақӣқуңа лъңит тунусятун аюқысқылъюки тугуклъиӷьюгналӷӣ Кияӷныӷмун. Аглыӷналӷӣм Таӷныӷам аглыӷнаҳтыста̄ тунусяқ.
17Ынка̄м қука̄юхтақуңа қыпҳақамның Кияӷныӷмун Христос Иисусыкун. 18Акузиткысяҳқақанка Христосым апыӷӣқаҳӣнӣ хўаңамкун. Лъңаңӯқ язычнигның қа̄ткутыстилӷӣ Кияӷныӷмун уңипақилъымкунлъю, қыпҳақамкунлъю. 19Таўатын пика̄гуқ аҳтуӷьяҳқа̄нӷилъҳакун алъя̄ҳлъюхўаҳтилъҳыт, аҳтуӷьяҳқа̄нӷилъҳакунлъю Аглыӷналӷӣм Таӷныӷам. Уңипақңўа̄қақанка Пинилӷӣт Уңипат Христосымың аюқылӷӣт тамаҳа̄ни Иерусалимымың та̄гавырухлъяк Иллирикымун. 20Ӣўлың пиюкылъқысяӷақа уңипақналюки Пинилӷӣт Уңипат нунани нагақӯсигалңуӷни Христосымың. Таўатын пика̄гуңа қаюҳлъяк ныкыфтиюгунӷилңӯңа тумаңакун иляңан югым пӣнлиқа̄кун. 21Катам Акузитни Игақыхкани игақңалӷӣ хўатын:
«Тама̄кут сялин уңипа̄сигалңӯт лъңаның, ысҳаҳлъықа̄т, сялинлъю нагақӯсигалңӯт лъңаның, лӣгикылъықа̄т».
Павелым Ля̄лиҳнақылъҳа Римымун
22Тама̄кын апалъюқлъюку угляӷңа̄н лъпысинун пипагниңитақуңа қаюҳлъяк иляңитни нунани уңипақӣқылӷӣңа. 23Иўырңа ма̄тын апыӷӣӷақа қыпҳақақа ма̄ни. Углялӷӣни аюмиқулъыӷни лъпысинун пиюпихтақсяҳтуңа, 24ынка̄м сюнаңуқ ма̄тын ля̄лиҳфиклъямси Испаниямун пикаткылъюку. Ля̄лиӷутаҳтылъымта киңуңаның сюнаңуқ каюсиҳтыңъа аӷуляқнақыхкума Испаниямун. 25Иўырңа лъпысинун пивагилгама, Иерусалимымынъақақуңа каюсӣнъалюки Кияӷныӷым юги тама̄нлыңӯт. 26Ухпықат Македониямылңӯтлъю, Ахаиямылңӯтлъю қуякусиқлъюку тӯника̄гут манимың каюсӣнъалюки аклъюмалӷӣт акулңитнилңӯт Кияӷныӷым юган Иерусалимыми. 27Қуякусиқлъюку таўатын пика̄гут. Та̄кут язычнигыт асыңымӣт Иудеит қаюҳлъяк алъхыӷутка̄лӷӣт Кияӷныӷым қуястилъҳаның лъңитхун. Ынка̄м язычнигыт каюсиӷьяҳқақӣт Иудеит ухпықӣт Иерусалимымылңӯт туюӷлюки манимың. 28Хўа̄ кылъқынъақақа язычнигыт маниңат Иудеянун. Апыӷӣқумкун уна қыпҳақақ тӯнлюку мани лъңитнун, ля̄лиҳфиксяҳтуҳлъықамси, та̄хкын Испаниялъықуңа. 29Лӣсимакақа ка̄скума лъпысинун, пилгулъықуңа Христосым ӣңуна̄н қуястылъҳаның.
30Ухпықа̄лгутымни, Атанымтыхун Иисус Христосыкун, пиниқылъҳакунлъю Таӷныӷам, малигулъюси хўаңамнун юӷа̄ткыҳлъякаҳтыңъа Кияӷныӷмун каюсӣтысқылъюңа. 31Юӷаҳтык Кияӷныӷмун пақнӣҳсӣсқылъюңа ухпықа̄нӷилңуӷның Иудеями. Юӷа̄ткитыхулъю қыпҳақақа Иерусалимыми тугуклъиӷьюгнӣсқылъюку Кияӷныӷым югитнун. 32Та̄хкын Кияӷныӷым пиюкылъқыхкагу, лъпысинун пилъықуңа қуялъылиҳлъяглюңа, ынка̄м пиниӷью̄хнықихлъықуңа ля̄лиҳфикумалюси. 33Кияӷнық ныкыхмылъылитилӷӣ тамаҳаҳпысинилъи. Аминь.
Селектирано:
К Римлянам 15: ess2
Нагласи
Сподели
Спореди
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2022, Wycliffe Bible Translators, Inc. All rights reserved.
К Римлянам 15
15
Ыфқуҳтыки Иляси, Ыфқуҳтыфқа̄фси Лъпысиның
1Хўаңкута ухпықилъыҳтуқани каюсӣсяҳқақапут ухпықилъыҳқыста̄ҳа̄т сыӷлылӣнӷата. Ыфқуҳсяҳқа̄нӷитукут хўаңкунъың. 2Итупилъ, тамаҳа̄мта ыфқуҳнақылътыху ухпықа̄лгутфут лъңан катам пиниҳқылъыҳқа̄нун, ухпықилъыҳтуҳтысқылъюку. 3Талўа Христос ыфқуҳсимаңитуқ лъңаның катам. Йыӷлыги игақыхка̄гуқ Акузитни Игақыхкани: «Югыт сыӷлықӯлӷӣт лъпынун, сыӷлықӯлъҳит тыкитақут хўаңамкун». 4Сивунӷани Акузитыт Игақыхкат игақыхка̄гут апыҳтуӷналюта. Нуқынъыҳтустӣлъю, кайымилъюлъю сиӷималъыңнаюкамта. 5Нуқынъыҳтулъҳылъю, кайымылъҳылъю Кияӷныҳта̄гук. Лъңан кияҳтыслъиси итагнақулъюси катам Христос Иисусым пилъҳатун. 6Та̄хкын қамахлъюси қырңаҳпыси ата̄систун усюқылъықаҳси Кияӷнық, Атаңа Атанымта Иисус Христосым.
Пинилӷӣт Уңипат Иудеянунлъю, Язычнигнунлъю Пиңӯт
7Тама̄кын апалъюқлъюку тугуклъӣтулъюси катам Христосым тугуклъиқаюгукаңиси лъпыси. Таўатын пикуфси югыт усюқылъықа̄т Кияӷнық. 8Амынқун Христос қыпҳаҳтыңуҳтыка̄лӷӣ Иудеянун лӣгикысқылъюки Кияӷнық ӣўлың ипапӣқуқ. Тама̄кын апалъюқлъюку Иудеит лӣсимакңўа̄ӷа̄т Кияӷныӷым пияҳқақӣ акықусяқыхкани сивунӷитнун. 9Христос тагика̄лӷӣлъю язычнигнун усюқысқылъюку Кияӷнық наңлъыхталъҳанун. Игақңа̄қ Акузитни Игақыхкани:
«Ынка̄ңам усюқылъықамкын акулңитни язычнигыт,
илягаҳлъықуңалъю усюқилъыӷмың атыҳпынун».
10Акузитни Игақыхкани игақңа̄қлъю хўатын:
«Язычнигни, қуятык малигулъюси Кияӷныӷым югитнун!»
11Алъя Акузитни Игақыхкани игақңа̄қ:
«Усюқитыху Атанық, қамахлъюси язычнигни;
усюқитыху, қамахлъюси югни!»
12Исаия пика̄гуқ:
«Киңунӷа Иессейем тагилъықуқ иглыӷунъалюки язычнигыт,
ынка̄м лъңакун сиӷималъықут».
13Кияӷныӷӯқ сиӷимастилӷӣ. Имиӷлиси қуялъыҳлъягмыңлъю, ныкыхмылъыӷмыңлъю ухпықылъыҳпысигун лъңанын. Та̄хкын сиӷималъыңатаӷаҳлъықуси аҳтуӷьяҳқа̄нӷилъҳакун Аглыӷналӷӣм Таӷныӷам.
Павелым Письмоткыхкаңа Қыпҳақани
14Ухпықа̄лгутымни, лӣсимакңўа̄ӷамси пинӣпихтуси югни. Лӣсимакақалъю лӣгикңўа̄ӷлюки аюқаси апыҳтӯсят Кияӷныӷмың аюқылӷӣт, ынка̄м апыҳтӯсяқлъыгўа̄си иляңитнун. 15Иўырңа тытулъңунаңа письмокақамси сямың иляңитның нықамикысқылъюси тама̄кын. Таўатын письмомаңа қаюҳлъяк Кияӷныӷым тунусиҳтуӷа̄ңа 16қыпҳаҳтыңулюңа Христос Иисусымун язычнигнун. Священнигыстун аюқақуңа уңипақинымни Пинилӷӣның Уңипа̄мың Кияӷныӷым язычнигнун. Таўатын уңипақӣқуңа лъңит тунусятун аюқысқылъюки тугуклъиӷьюгналӷӣ Кияӷныӷмун. Аглыӷналӷӣм Таӷныӷам аглыӷнаҳтыста̄ тунусяқ.
17Ынка̄м қука̄юхтақуңа қыпҳақамның Кияӷныӷмун Христос Иисусыкун. 18Акузиткысяҳқақанка Христосым апыӷӣқаҳӣнӣ хўаңамкун. Лъңаңӯқ язычнигның қа̄ткутыстилӷӣ Кияӷныӷмун уңипақилъымкунлъю, қыпҳақамкунлъю. 19Таўатын пика̄гуқ аҳтуӷьяҳқа̄нӷилъҳакун алъя̄ҳлъюхўаҳтилъҳыт, аҳтуӷьяҳқа̄нӷилъҳакунлъю Аглыӷналӷӣм Таӷныӷам. Уңипақңўа̄қақанка Пинилӷӣт Уңипат Христосымың аюқылӷӣт тамаҳа̄ни Иерусалимымың та̄гавырухлъяк Иллирикымун. 20Ӣўлың пиюкылъқысяӷақа уңипақналюки Пинилӷӣт Уңипат нунани нагақӯсигалңуӷни Христосымың. Таўатын пика̄гуңа қаюҳлъяк ныкыфтиюгунӷилңӯңа тумаңакун иляңан югым пӣнлиқа̄кун. 21Катам Акузитни Игақыхкани игақңалӷӣ хўатын:
«Тама̄кут сялин уңипа̄сигалңӯт лъңаның, ысҳаҳлъықа̄т, сялинлъю нагақӯсигалңӯт лъңаның, лӣгикылъықа̄т».
Павелым Ля̄лиҳнақылъҳа Римымун
22Тама̄кын апалъюқлъюку угляӷңа̄н лъпысинун пипагниңитақуңа қаюҳлъяк иляңитни нунани уңипақӣқылӷӣңа. 23Иўырңа ма̄тын апыӷӣӷақа қыпҳақақа ма̄ни. Углялӷӣни аюмиқулъыӷни лъпысинун пиюпихтақсяҳтуңа, 24ынка̄м сюнаңуқ ма̄тын ля̄лиҳфиклъямси Испаниямун пикаткылъюку. Ля̄лиӷутаҳтылъымта киңуңаның сюнаңуқ каюсиҳтыңъа аӷуляқнақыхкума Испаниямун. 25Иўырңа лъпысинун пивагилгама, Иерусалимымынъақақуңа каюсӣнъалюки Кияӷныӷым юги тама̄нлыңӯт. 26Ухпықат Македониямылңӯтлъю, Ахаиямылңӯтлъю қуякусиқлъюку тӯника̄гут манимың каюсӣнъалюки аклъюмалӷӣт акулңитнилңӯт Кияӷныӷым юган Иерусалимыми. 27Қуякусиқлъюку таўатын пика̄гут. Та̄кут язычнигыт асыңымӣт Иудеит қаюҳлъяк алъхыӷутка̄лӷӣт Кияӷныӷым қуястилъҳаның лъңитхун. Ынка̄м язычнигыт каюсиӷьяҳқақӣт Иудеит ухпықӣт Иерусалимымылңӯт туюӷлюки манимың. 28Хўа̄ кылъқынъақақа язычнигыт маниңат Иудеянун. Апыӷӣқумкун уна қыпҳақақ тӯнлюку мани лъңитнун, ля̄лиҳфиксяҳтуҳлъықамси, та̄хкын Испаниялъықуңа. 29Лӣсимакақа ка̄скума лъпысинун, пилгулъықуңа Христосым ӣңуна̄н қуястылъҳаның.
30Ухпықа̄лгутымни, Атанымтыхун Иисус Христосыкун, пиниқылъҳакунлъю Таӷныӷам, малигулъюси хўаңамнун юӷа̄ткыҳлъякаҳтыңъа Кияӷныӷмун каюсӣтысқылъюңа. 31Юӷаҳтык Кияӷныӷмун пақнӣҳсӣсқылъюңа ухпықа̄нӷилңуӷның Иудеями. Юӷа̄ткитыхулъю қыпҳақақа Иерусалимыми тугуклъиӷьюгнӣсқылъюку Кияӷныӷым югитнун. 32Та̄хкын Кияӷныӷым пиюкылъқыхкагу, лъпысинун пилъықуңа қуялъылиҳлъяглюңа, ынка̄м пиниӷью̄хнықихлъықуңа ля̄лиҳфикумалюси. 33Кияӷнық ныкыхмылъылитилӷӣ тамаҳаҳпысинилъи. Аминь.
Селектирано:
:
Нагласи
Сподели
Спореди
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2022, Wycliffe Bible Translators, Inc. All rights reserved.