К Римлянам 14
14
Нанқихтыхпына̄н Ухпықа̄лгутын
1Упуӷатыху ю̄к ухпықилъыҳқыста̄ҳақ акулыхпысинилңуқ. А̄ҳтӣра̄ӷусиқыхпына̄н сяңўа̄ ухпықыхка̄ ылъқуӷутңатаңа налиӷмың анахутңатаңа. 2Ата̄сим югым ухпықа̄ ныӷьяҳқа̄нилюни алңунак нықмың. Иўырңа ю̄к ухпылъыҳқыста̄ҳақ ныӷақуқ нунивахсыӷаҳӣнаӷмың. 3Югым ныӷыхкаюгым алңунак нықмың, сӣваклъигу ю̄к нықаюк нунивахсыӷаҳӣнаӷмың. Югым ныӷыхкаюгым нунивахсыӷаҳӣнаӷмың, нанқихныӷилъигу ю̄к нықаюк алңунак нықмың, қаюҳлъяк Кияӷныӷым тугуклъӣма̄. 4Кинаңунилютын пӣқсин нанқихтилӷӣ китум қыпҳаҳтыңаның? Қыпҳаҳтым пилӣтистыңина̄н нанқихлъықа̄ пинитун пиматаңа налиӷмың сыӷлытун пиматаңа. Атанӷым қыпҳаҳтыңа пинитун пилъықуқ қаюҳлъяк Атанӷым каюсиӷьяқлъыгукаңа пинитун писқылъюку.
5Югым ухпықа̄ ата̄сиқ аӷнық мыгнунаӷатаӷаӷнилюку иляңитның аӷныӷның. Иляңан югым ухпықӣ қамахлъютың аӷныӷыт таўатылъкунъилюки. Тамаҳаӷми югым умьюгагни ата̄сӣҳтыңъўа̄ӷликык. 6Китум алңунак ухпықыхкумигу мыгнунаӷлюку аӷнық таўатын пӣқуқ қӯлваӷналюку Атанық. Китум алңунак ныӷыхкумигу алңунак нықа таўатын пӣқуқ қӯлваӷналюку Атанық, қаюҳлъяк игамсиқаюгвикақыхкаңа Кияӷнық нықмың. Китум алңунак ныӷьюнӷилъкумики иляңи нықыт таўатын пӣқуқ қӯлваӷналюку Атанық, игамсиқаюгвикақыхкаңалъю Кияӷнық. 7Уңуваңигатукут хўаңкунъун, туқуңигатукутлъю хўаңкунъун. 8Уңувакумта, Атаныӷмун уңуваңӯкут. Туқумакумта, Атаныӷмун туқулъықукут. Ынка̄м уңуваяӷңа̄мта налиӷмың туқуяӷңа̄мта Атанӷым пикӣлъю. 9Христос туқулюни, уңуваҳтыка̄гуқ Атанӷуналюни уңувалӷӣнунлъю, туқуканунлъю. 10Лъпыси, сяңан нанқихтақыстыки ухпықа̄лгутыси? Сяңанлъю сӣвакигастыки ухпықа̄лгутыси? Нықамиклъюку, қамахлъюта ныкывьяҳқа̄гукут сивуңакун Кияӷныӷым, лъңанун нанқихтысқылъюта. 11Акузитни Игақыхкани игақңа̄қ:
«Атанық пӣқ, қаюҳлъяк хўаңа уңувалӷӣңа Кияӷнық,
тамаҳаӷми ю̄к сыгысқуҳқӯлъықуқ хўаңамнун,
тамаҳаӷмилъю югым усюқылъықа̄ Кияӷнық».
12Ынка̄м қамахлъюта Кияӷныӷмун апыӷьяҳқақаҳпут сялъыҳпут, сяңанлъю таўатын пиматфут.
Ухпықа̄лгутын Сыӷлыҳқыстыхпына̄н
13Ынка̄ңам та̄қылъта нанқихтунъыӷмың. Йыӷлыги, умьюгапут ата̄сӣҳтылътыки ухпықа̄лгутфут на̄хтыстыфқа̄н налиӷмың сыӷлыҳқыстыхпына̄н пилътыху. 14Атаныҳқун Иисусыкун лӣсимакңўа̄ӷақа аваңитуқ ӣнӷуткамың нықмың. Иўырңа югым ухпықыхкумигу сяңўа̄ ӣнӷутка̄люку, та̄ўа лъңани ӣнӷутка̄гуқ. 15Ухпықа̄лгутын унӣӷмиқумакан сямың ныӷыхкаҳпының, та̄ўа пиниқнанӣма̄н. Ныӷыхкаҳпынун на̄фқыстыхпына̄н ухпықилъҳа Христосым туқуматкыхка̄. 16Ухпықыхкан пиниҳтуқ; акузиткыстыхпына̄н сыӷлыӷулюку. 17Қаюҳлъяк Кияӷныӷым Атаныҳпагулъҳани сяңўа̄т ныӷыхкапутлъю, мыӷыхкапутлъю мыгнунанӷитут. Укут мыгнунаҳтут: ылъқуӷутңалъық, ныкыхмылъық, қуялъықлъю; та̄кут Аглыӷналӷӣгның Таӷныӷагның пиңӯт. 18Та̄кут атуқлъюки қыпҳа̄тилӷӣм Христосымун, ыфқуҳлъықа̄ Кияӷнық, итагнақылъықа̄тлъю югыт.
19Ынка̄м атӯлътыху ныкыхмылъыңыстияҳқақ, кайымутутылъталъю ухпылъыҳтуҳтаӷаӷналюта. 20На̄фқыхпына̄н Кияӷныӷым қыпҳалъҳа апалъюқлъюку нықа. Қамахлъюни нықа ныӷьяҳқа̄гуқ, иўырңа анахутңа̄қ ныӷылъыҳқақ алңунак нықмың сыӷлыҳқыстияҳқақ китумың. 21Итагнаӷьяҳқа̄гуқ кымыкшахтунӷитылъық, винотунӷитылъық, сяңўа̄лъю алңунак на̄хтыстияҳқақ ухпықа̄лгутыхпысинун. 22Кияӷныҳӣнақлъю лӣсимаксяҳқақаҳси тама̄кут ухпықыхкаҳтын. Қуяқуқ ю̄к атуқныӷминики ухпықыхкани ылъқуӷутңанилюки сыӷлыӷниткыхпынаки. 23Иўырңа югым ныӷыхкани, ухпықыхкумигу анахутңанилюку, Кияӷныӷым нанқихлъықа̄ қаюҳлъяк пинӷилъкаңа сяңўа̄ ухпықыхкани. Сяңўа̄ алңунак ухпықыхкани анахутңанилюку атуқумакумигу сыӷлыҳқылъықуқ.
Селектирано:
К Римлянам 14: ess2
Нагласи
Сподели
Спореди
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2022, Wycliffe Bible Translators, Inc. All rights reserved.
К Римлянам 14
14
Нанқихтыхпына̄н Ухпықа̄лгутын
1Упуӷатыху ю̄к ухпықилъыҳқыста̄ҳақ акулыхпысинилңуқ. А̄ҳтӣра̄ӷусиқыхпына̄н сяңўа̄ ухпықыхка̄ ылъқуӷутңатаңа налиӷмың анахутңатаңа. 2Ата̄сим югым ухпықа̄ ныӷьяҳқа̄нилюни алңунак нықмың. Иўырңа ю̄к ухпылъыҳқыста̄ҳақ ныӷақуқ нунивахсыӷаҳӣнаӷмың. 3Югым ныӷыхкаюгым алңунак нықмың, сӣваклъигу ю̄к нықаюк нунивахсыӷаҳӣнаӷмың. Югым ныӷыхкаюгым нунивахсыӷаҳӣнаӷмың, нанқихныӷилъигу ю̄к нықаюк алңунак нықмың, қаюҳлъяк Кияӷныӷым тугуклъӣма̄. 4Кинаңунилютын пӣқсин нанқихтилӷӣ китум қыпҳаҳтыңаның? Қыпҳаҳтым пилӣтистыңина̄н нанқихлъықа̄ пинитун пиматаңа налиӷмың сыӷлытун пиматаңа. Атанӷым қыпҳаҳтыңа пинитун пилъықуқ қаюҳлъяк Атанӷым каюсиӷьяқлъыгукаңа пинитун писқылъюку.
5Югым ухпықа̄ ата̄сиқ аӷнық мыгнунаӷатаӷаӷнилюку иляңитның аӷныӷның. Иляңан югым ухпықӣ қамахлъютың аӷныӷыт таўатылъкунъилюки. Тамаҳаӷми югым умьюгагни ата̄сӣҳтыңъўа̄ӷликык. 6Китум алңунак ухпықыхкумигу мыгнунаӷлюку аӷнық таўатын пӣқуқ қӯлваӷналюку Атанық. Китум алңунак ныӷыхкумигу алңунак нықа таўатын пӣқуқ қӯлваӷналюку Атанық, қаюҳлъяк игамсиқаюгвикақыхкаңа Кияӷнық нықмың. Китум алңунак ныӷьюнӷилъкумики иляңи нықыт таўатын пӣқуқ қӯлваӷналюку Атанық, игамсиқаюгвикақыхкаңалъю Кияӷнық. 7Уңуваңигатукут хўаңкунъун, туқуңигатукутлъю хўаңкунъун. 8Уңувакумта, Атаныӷмун уңуваңӯкут. Туқумакумта, Атаныӷмун туқулъықукут. Ынка̄м уңуваяӷңа̄мта налиӷмың туқуяӷңа̄мта Атанӷым пикӣлъю. 9Христос туқулюни, уңуваҳтыка̄гуқ Атанӷуналюни уңувалӷӣнунлъю, туқуканунлъю. 10Лъпыси, сяңан нанқихтақыстыки ухпықа̄лгутыси? Сяңанлъю сӣвакигастыки ухпықа̄лгутыси? Нықамиклъюку, қамахлъюта ныкывьяҳқа̄гукут сивуңакун Кияӷныӷым, лъңанун нанқихтысқылъюта. 11Акузитни Игақыхкани игақңа̄қ:
«Атанық пӣқ, қаюҳлъяк хўаңа уңувалӷӣңа Кияӷнық,
тамаҳаӷми ю̄к сыгысқуҳқӯлъықуқ хўаңамнун,
тамаҳаӷмилъю югым усюқылъықа̄ Кияӷнық».
12Ынка̄м қамахлъюта Кияӷныӷмун апыӷьяҳқақаҳпут сялъыҳпут, сяңанлъю таўатын пиматфут.
Ухпықа̄лгутын Сыӷлыҳқыстыхпына̄н
13Ынка̄ңам та̄қылъта нанқихтунъыӷмың. Йыӷлыги, умьюгапут ата̄сӣҳтылътыки ухпықа̄лгутфут на̄хтыстыфқа̄н налиӷмың сыӷлыҳқыстыхпына̄н пилътыху. 14Атаныҳқун Иисусыкун лӣсимакңўа̄ӷақа аваңитуқ ӣнӷуткамың нықмың. Иўырңа югым ухпықыхкумигу сяңўа̄ ӣнӷутка̄люку, та̄ўа лъңани ӣнӷутка̄гуқ. 15Ухпықа̄лгутын унӣӷмиқумакан сямың ныӷыхкаҳпының, та̄ўа пиниқнанӣма̄н. Ныӷыхкаҳпынун на̄фқыстыхпына̄н ухпықилъҳа Христосым туқуматкыхка̄. 16Ухпықыхкан пиниҳтуқ; акузиткыстыхпына̄н сыӷлыӷулюку. 17Қаюҳлъяк Кияӷныӷым Атаныҳпагулъҳани сяңўа̄т ныӷыхкапутлъю, мыӷыхкапутлъю мыгнунанӷитут. Укут мыгнунаҳтут: ылъқуӷутңалъық, ныкыхмылъық, қуялъықлъю; та̄кут Аглыӷналӷӣгның Таӷныӷагның пиңӯт. 18Та̄кут атуқлъюки қыпҳа̄тилӷӣм Христосымун, ыфқуҳлъықа̄ Кияӷнық, итагнақылъықа̄тлъю югыт.
19Ынка̄м атӯлътыху ныкыхмылъыңыстияҳқақ, кайымутутылъталъю ухпылъыҳтуҳтаӷаӷналюта. 20На̄фқыхпына̄н Кияӷныӷым қыпҳалъҳа апалъюқлъюку нықа. Қамахлъюни нықа ныӷьяҳқа̄гуқ, иўырңа анахутңа̄қ ныӷылъыҳқақ алңунак нықмың сыӷлыҳқыстияҳқақ китумың. 21Итагнаӷьяҳқа̄гуқ кымыкшахтунӷитылъық, винотунӷитылъық, сяңўа̄лъю алңунак на̄хтыстияҳқақ ухпықа̄лгутыхпысинун. 22Кияӷныҳӣнақлъю лӣсимаксяҳқақаҳси тама̄кут ухпықыхкаҳтын. Қуяқуқ ю̄к атуқныӷминики ухпықыхкани ылъқуӷутңанилюки сыӷлыӷниткыхпынаки. 23Иўырңа югым ныӷыхкани, ухпықыхкумигу анахутңанилюку, Кияӷныӷым нанқихлъықа̄ қаюҳлъяк пинӷилъкаңа сяңўа̄ ухпықыхкани. Сяңўа̄ алңунак ухпықыхкани анахутңанилюку атуқумакумигу сыӷлыҳқылъықуқ.
Селектирано:
:
Нагласи
Сподели
Спореди
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2022, Wycliffe Bible Translators, Inc. All rights reserved.