1е Иоанна 1
1
Акузин Уңувалъық
1Та̄на пӣнлиӷьюхўа̄лъыӷмың аюқылӷӣ: нагақуқаҳпут, ысҳақаҳпут хўаңкута катам ийымнъың, ысҳапакаҳпут, ся̄фтыкаҳпут ӣхымнъың, та̄наңӯқ Акузин уңувалъық. 2Та̄на уңувалъық ысҳаӷьяҳқа̄ҳтыстақңан ысҳақақаҳпут; ынка̄м хўа̄ а̄пҳаҳпутлъю, уңипақаҳпутлъю лъпысинун та̄на кынлыңилңуқ уңувалъық Атамысялӷӣ, ысҳаҳтыстыкақ хўаңкунъун. 3А̄пҳаҳпут лъпысинун сяңўа̄ ысҳақаҳпутлъю, нагаткаҳпутлъю илятысқылъюси хўаңкунъун, илятңалъымнъунлъю Атамун, Иӷныӷанунлъю Иисус Христосымун. 4Письмоткапут тама̄кут қуялъыҳпут ӣӷўӣсқылъюку.
Кияӷнық Ниӷугӯқ
5Уна уңипақ нагақуқаҳпут Иӷныӷаның Кияӷныӷым апыӷнақаҳпут лъпысинун, Кияӷныӷңуқ ниӷугӯқ, мамлылъықшахӣтуқ. 6Иўырңа илятңаникумта лъңанун нақам паниның мамлыгми кияҳтыңъулюта, иқлъыңиқңӯкут, атуқигатаҳпутлъю ипапиҳқылъық. 7Иўырңа ниӷугми кияҳтыкумта лъңан ниӷугмытылъҳатун та̄ўа илятңа̄кут илямнъун, а̄ўанлъю Иисусым, Кияӷныӷым Иӷныӷан, укмаңӣўӣлъю тамаҳа̄ның сыӷлыҳқылъымнъың.
8Сыӷлыҳқылъҳинъикумта пӯҳтыңъӯкут хўаңкунъың катам, ипапиҳқылъҳитукутлъю. 9Иўырңа а̄пқумтыки сыӷлыҳқылъыпут Кияӷныӷмун, сыӷывусяҳқақӣлъю сыӷлыҳқылъымнъың, укмаңиӷьяҳқақӣлъюлъю тамаҳа̄ның анахутаӷалъымнъың қаюҳлъяк ата̄сӣӷмытуқлъю, ылъқуӷулъюнилъю аюқылӷӣңӯқ. 10Сыӷлыҳқиганъикумта, Кияӷнық иқлъыңиқыстыңуҳлъықаҳпут, акузитаңилъю атуқңунӷитапут.
Селектирано:
1е Иоанна 1: ess2
Нагласи
Сподели
Спореди
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2022, Wycliffe Bible Translators, Inc. All rights reserved.