Yexejqel 38
38
Dmoi Gog ka Utux Tmninun
1Meyah kenan ka kari Utux Tmninun, rmnengo, 2“Laqi seediq! Pquri Gog dxeral Magog, kiya ka qbsuran paru Mesek ma Tubal ka kari pgeela su. 3Rngage, rmnengo so nii ka Utux Tmninun Bukung: Gog, qbsuran paru Mesek ma Tubal. Qtai! Mpknpais ku sunan ka yaku. 4Pbrnahun misu ka isu, dongun mu ka bkeluy su ma, desun mu kana ka isu, supi su, dapa dmay ma supi paapa dapa dmay. Mdoi qeerung heyi paru, qeerung heyi biciq ma hlmadac ma supi paru ka dheya. 5Ckceka daha we niqan seediq Paras, Kusu ma, Put. Madis qeerung heyi ma knbunuh bunuh qeerung ka kana daha. 6Dungal we seediq Gomer ma supi na, seediq Togamah pneeyah tgbaro theya riyung ma kana supi na, smnegul sunan kana ka dseediq qqlhangan nii.
7Asi namu ka psramal ka isu ma dsupi msseli isu hiya. Pgeela psramal ma, isu ka mpqlahang dheya. 8Bobo wada bsiyaq ali de skgulun su daha. Betaq qnhdean knkawas de mpkremux su dxeral dseediq qnduriq hlmadac pnseeli pneeyah dqqlhangan. Kiya ka bobo dgiyaq nlaxan nniqan bsiyaq riyung Israel. Dnudul peeyah qqlhangan ka dheya ma, mtbleyaq meeniq hiya ka dheya. 9Meeyah tgbaro kana ka isu ma, kana supi su ma, kana dseediq smnegul sunan. Mptena so bgihur paru meeyah miyuk ma, mntena so plabu knedux mubung dxeral.
10Rmnengo so nii ka Utux Tmninun Bukung: Ciida, meeyah naqah ka lhebun su ma, smmalu qnnaqah ooda, 11rmengo: Mosa ku lualang uka qnabil ma dseediq gaga tbleyaq meeniq hiya. Uka kana ka pnhradan daha, uka rhengun ma, uka bruhu tbleyaq meeniq hiya. 12Mprengac ku qyqeya glekan mu ma, qyqeya glekan mu we ngalun mu. Mpcebu ku dxeral nlaxan cuuxal ma gaga niqan seediq saya. Mpcebu ku dseediq gaga meeniq tgbaro breenux, kiya ka pnseeli peeyah qqlhangan ma mnangal tnbugan ma qyqeya. 13Mprengo sunan ka dmpsbaruy Seba, Dedan, Tarsis ma kana mbbeyax rkelic rudu: Qyqeya ka seeyah su gmeeluk ho? Meeyah su gmeeluk qyqeya, king ma ging ma, tnbugan, qyqeya ma, egu pusu qyqeya ka seeyah su gmeeluk ho?
14Laqi seediq! Keso rmengo ka kari pgeela su quri Gog. Rmnengo so nii ka Utux Tmninun Bukung: Tbleyaq meeniq ali ciida ka seediq mu Israel we mpkeela su ka isu. 15Maadis su hbaro ba seediq peeyah gaga su niqan tgbaro theya riyung. Mbeyax ma hbaro riyung supi ma, paapa dmay ka dheya. 16Gog! Meeyah su mccebu seediq mu Israel, mntena so plabu muubung bobo dxeral. Ali qnhdean, mpdudul ku sunan meeyah mccebu dxeral mu. Mpooda ku ptuura knrtaso mu meeniq berah doriq qqlhangan ciida, mpkeela yaku ka dheya. 17Rmnengo so nii ka Utux Tmninun Bukung: Uxe isu ka rnengo mu pnooda mu dmpgeela kari Israel tnqliyan mu peni? Mneeniq ali ciida, egu knkawas rmnengo kari pgeela, maadis ku isu meeyah mccebu seediq Israel ka dheya.
Pkdira Gog ka Utux Tmninun
18Rmengo ka Utux Tmninun Bukung: Mosa mccebu Israel ciida ka Gog we, meeyah seang mu peeyah muhing. 19Mprengo ku ckceka snhuur ma msqama tperuq seang mu: Ali ciida, mplgelu ka dxeral Israel. 20Ado qmnita dqeras mu mpkrkerang kana ka qcurux rcilung, qbheni karac, camac bbuyu, kkuwi mkkarang bobo dxeral ma, kana seediq bobo dxeral. Mpcilaq ka ddgiyaq, mptakur ka dkkdere, kana qnalang we mphurah kana. 21Mpskagul ku hlmadac mccebu Gog meeniq ddgiyaq mu. Mpdoi hlmadac phuqil mtswai daha ka seediq. Rnengo Utux Tmninun Bukung ka nii. 22Pooda mu mnarux punu ma psdara phuqil ka pkdira ku heya. Pyahun mu heya ma dsupi na ma, hbaro seediq smnegul heya ka nuhur, quyux huda, puniq ma, bengux mhada. 23Mptuura ku knparu ma knrtaso mu ma, mptuura ku yaku nanak meeniq doriq qqlhangan. Kiya ka mpkeela ka dheya, yaku ka Utux Tmninun.”
Селектирано:
Yexejqel 38: Stgdaya
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
The Bible Society in Taiwan, 2020
© 台灣聖經公會版權所有，2020