Lyfr y Psalmau 146
146
1Fy enaid, mawl dy Dduw di‐lyth,
Yr Arglwydd byth a folwyf;
2Molaf yr Arglwydd yn fy myw,
Canaf i’m Duw tra fyddwyf.
3Ar dywysogion na rowch gred,
Na chaffed dyn eich hyder;
Disgwyl am iachawdwriaeth trwy
Eu gallu hwy sydd ofer.
4Can’s pob rhyw ddyn, y doeth a’r ffol,
I’w lwch yn ol a ddychwel;
A dyna ’r dydd y syrth i gyd
Ei holl feddylfryd uchel.
5Gwyn fyd y dyn bo Duw yn borth,
Duw Iago ’n gymmorth iddo,
A’i hyder yn yr Arglwydd Ion,
Ac ynddo fo ’n gobeithio.
6Y nef, a’r ddaear lawr, a’r môr,
A’u lluoedd, Ior a’u ffurfiodd;
Drwy oesoedd trag’wyddoldeb hir
Y ceidw ’r gwir a dyngodd.
7I’r gorthrymmedig rhydd farn wir,
A bara i’r newynog;
Yr Arglwydd o’u cadwynau sydd
Yn rhoddi ’n rhydd yr euog.
8A’i lewyrch cannaid ein Duw Ior
Sydd yn goleuo ’r deillion;
Yr isel cyfyd ein Duw ni,
Efe sy ’n hoffi ’r cyfion.
9Y dïeithr a’r ymddifaid gwael
Gan ei law hael cynhelir,
A chwyn a cham y gweddwon gwel;
Dadymchwel ffordd yr anwir.
10Yr Arglwydd a deyrnasa byth,
Dy Dduw tragyfyth, Sïon;
O oes i oes mewn grym a hedd
Y saif ei sedd a’i goron.
Селектирано:
Lyfr y Psalmau 146: SC1850
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
Y Psallwyr gan y Parch. Morris Williams (Nicander). Cyhoeddwyd gan H. Hughes, Llundain 1850. Cafodd y testun ei ddigideiddio gan Gymdeithas y Beibl yn 2021.