Kut 50
50
1Yosefu atyo ainamira ishe, amuririra kandi amunywegyera. 2Bwanyima Yosefu aragiira abaheereza be abafumu kwomya omutumbi gwa ishe. Abo bafumu boomya omutumbi gwa Isiraeli. 3Bamara ebiro makumi ana nibagwomya, ahabw'okuba kikaba nikyetengyesa ebintu bingi kugwomya. Haza Abanyamisiri baamara ebiro makumi mushanju nibamucurira.
4Ebiro by'okumucurira ku byahwaire, Yosefu yaagambira ab'eka ya Faraaho ati: Ku muraabe muunyiniire esaasi, naabeeshengyereza, mungambirire Faraaho muti: Yaakutumaho ati: 5Tata akandahiza naagira ati: Ndi haihi kufa; mbwenu oryanziika omu kituuro ki naayeshorogotororoire omu nsi ya Kanaani. N'ahabw'ekyo hati ninkweshengyereza onyikirize nzeyo nziikye tata, bwanyima ngarukye. 6Faraaho amugarukamu ati: Irooko, oziikye shoimwe nk'oku yaakurahiize.
7Yosefu atyo aza kuziika ishe. Agyenda n'abaheereza ba Faraaho boona b'abantu bakuru b'omu ka ye n'abakuru boona ab'omu nsi ya Misiri, 8otaireho n'abe'ka ya Yosefu boona na beene ishe n'ab'eka ya ishe; kureka abaana baabo n'amasyo gaabo g'entaama n'ag'ente nibyo byatsigaire omu nsi ya Misiri. 9Kandi okwo akazayo aine ab'ebigaari n'ab'aha mbaraasi, boona hamwe bari ekimbuuro kihango munonga.
10Ku baahikire aha ihuuriro rya Atadi, eriri seeri ya Yorudaani, baacurirayo nibaborooga, baine obujune bwingi munonga. Atyo Yosefu amara ebiro mushanju naacurira ishe. 11Abanyakanaani abazaarwa b'egyo nsi ku baabareebire nibacurira omuri eryo ihuuriro rya Atadi, baagira bati: Buzimazima oku n'okucura kw'Abanyamisiri okutarimu kwegiza! Ogwo mwanya nikyo baagweteire Abeli-Mizraimu;#50:11 Abeli-Mizraimu: Amakuru ngu omwanya ogu Abanyamisiri baacuriiremu. guri seeri ya Yorudaani.
12Batabani ba Yakobo batyo baamukorera nk'oku yaabaragiire; 13baamuheeka, baamutwara omu nsi ya Kanaani, baamuziika omu nyanga y'omu kibanja kya Makipeela. Egyo nyanga niyo Aburahamu yaabaire aguzire hamwe n'ekyo kibanja ahari Efurooni Omuhiiti, orubaju rwa burugwa-izooba bwa Mamure, kwetungira omwanya gw'okuziikamu abe.
14Yosefu ku yaaherize kuziika ishe, yaagarukayo Misiri na beene ishe n'abandi boona abaabaire bagyenzire nawe kuziika ishe.
Bakuru ba Yosefu okumutiina kubahoora
15Mbwenu bakuru ba Yosefu ku baareebire ishebo yaafa, baagira bati: Shana Yosefu ngugu akaatwanga, atuhoora naatutura eki twamukozire. 16Batyo baatuma ahari Yosefu nibamugira bati: Sho atakakabire, akatsiga yaaturagiira ati: 17Mugambire Yosefu muti: Naakweshengyereza osaasire bakuru baawe ebi baakushobeize n'ebi baakwitsize. Bati: Mbwenu nitukweshengyereza otusaasire ebyo bishobyo, itwe abaheereza ba Ruhanga wa sho. Yosefu ebyo ku baabimugambiire yaarira.
18Beene ishe boona baija baamutsimbira amaju nibamugira bati: Reeba itwe turi abairu baawe. 19Haza Yosefu abagira ati: Murekye kutiina! Mbwenu niinye Ruhanga owaakikozire? 20Manya imwe ekyanyu kikaba kiri okunkora kubi, kwonka ekya Ruhanga kiri eky'okukiihamu ebirungi. Akaikiriza ku kiba kityo, ngu abone kukiza amagara g'abantu baingi nk'oku hati kiri. 21N'ahabw'ekyo mutatiina. Niinyija kubaha eby'okubatunga imwe n'abaana baanyu. Atyo abahamiza, abagarura omutima omunda.
Okufa kwa Yosefu
22Yosefu nikwo yaatwire atyo omuri Misiri, we n'ab'eka ya ishe, akahitsya emyaka igana na ikumi y'obukuru. 23Yosefu ogwo yaarugaho yaareeba abaana ba Efuraimu ab'oruzaaro rwa kashatu, n'abaana ba Makiri mwene Manaase yaabeesiigirira kuba abe nk'abu ayezaariire. 24Mpaho Yosefu agira beene ishe ati: Ndi haihi kufa. Kwonka Ruhanga taribura kwija kubashuura akabaiha omuri egi nsi, akabatwara omu nsi ei yaarahiire kuha Aburahamu na Isaaka na Yakobo. 25Bwanyima Yosefu yaarahiza beene Isiraeli naabagira ati: Ruhanga ku ariija kubashuura, naimwe mwihe kunu amagufa gangye mugagyendane.
26Yosefu atyo afa ahikize emyaka igana na ikumi y'obukuru; nabo boomya omutumbi gwe, baguta omu shanduukye eziikwamu omuri Misiri.
Селектирано:
Kut 50: RKK2008
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kut 50
50
1Yosefu atyo ainamira ishe, amuririra kandi amunywegyera. 2Bwanyima Yosefu aragiira abaheereza be abafumu kwomya omutumbi gwa ishe. Abo bafumu boomya omutumbi gwa Isiraeli. 3Bamara ebiro makumi ana nibagwomya, ahabw'okuba kikaba nikyetengyesa ebintu bingi kugwomya. Haza Abanyamisiri baamara ebiro makumi mushanju nibamucurira.
4Ebiro by'okumucurira ku byahwaire, Yosefu yaagambira ab'eka ya Faraaho ati: Ku muraabe muunyiniire esaasi, naabeeshengyereza, mungambirire Faraaho muti: Yaakutumaho ati: 5Tata akandahiza naagira ati: Ndi haihi kufa; mbwenu oryanziika omu kituuro ki naayeshorogotororoire omu nsi ya Kanaani. N'ahabw'ekyo hati ninkweshengyereza onyikirize nzeyo nziikye tata, bwanyima ngarukye. 6Faraaho amugarukamu ati: Irooko, oziikye shoimwe nk'oku yaakurahiize.
7Yosefu atyo aza kuziika ishe. Agyenda n'abaheereza ba Faraaho boona b'abantu bakuru b'omu ka ye n'abakuru boona ab'omu nsi ya Misiri, 8otaireho n'abe'ka ya Yosefu boona na beene ishe n'ab'eka ya ishe; kureka abaana baabo n'amasyo gaabo g'entaama n'ag'ente nibyo byatsigaire omu nsi ya Misiri. 9Kandi okwo akazayo aine ab'ebigaari n'ab'aha mbaraasi, boona hamwe bari ekimbuuro kihango munonga.
10Ku baahikire aha ihuuriro rya Atadi, eriri seeri ya Yorudaani, baacurirayo nibaborooga, baine obujune bwingi munonga. Atyo Yosefu amara ebiro mushanju naacurira ishe. 11Abanyakanaani abazaarwa b'egyo nsi ku baabareebire nibacurira omuri eryo ihuuriro rya Atadi, baagira bati: Buzimazima oku n'okucura kw'Abanyamisiri okutarimu kwegiza! Ogwo mwanya nikyo baagweteire Abeli-Mizraimu;#50:11 Abeli-Mizraimu: Amakuru ngu omwanya ogu Abanyamisiri baacuriiremu. guri seeri ya Yorudaani.
12Batabani ba Yakobo batyo baamukorera nk'oku yaabaragiire; 13baamuheeka, baamutwara omu nsi ya Kanaani, baamuziika omu nyanga y'omu kibanja kya Makipeela. Egyo nyanga niyo Aburahamu yaabaire aguzire hamwe n'ekyo kibanja ahari Efurooni Omuhiiti, orubaju rwa burugwa-izooba bwa Mamure, kwetungira omwanya gw'okuziikamu abe.
14Yosefu ku yaaherize kuziika ishe, yaagarukayo Misiri na beene ishe n'abandi boona abaabaire bagyenzire nawe kuziika ishe.
Bakuru ba Yosefu okumutiina kubahoora
15Mbwenu bakuru ba Yosefu ku baareebire ishebo yaafa, baagira bati: Shana Yosefu ngugu akaatwanga, atuhoora naatutura eki twamukozire. 16Batyo baatuma ahari Yosefu nibamugira bati: Sho atakakabire, akatsiga yaaturagiira ati: 17Mugambire Yosefu muti: Naakweshengyereza osaasire bakuru baawe ebi baakushobeize n'ebi baakwitsize. Bati: Mbwenu nitukweshengyereza otusaasire ebyo bishobyo, itwe abaheereza ba Ruhanga wa sho. Yosefu ebyo ku baabimugambiire yaarira.
18Beene ishe boona baija baamutsimbira amaju nibamugira bati: Reeba itwe turi abairu baawe. 19Haza Yosefu abagira ati: Murekye kutiina! Mbwenu niinye Ruhanga owaakikozire? 20Manya imwe ekyanyu kikaba kiri okunkora kubi, kwonka ekya Ruhanga kiri eky'okukiihamu ebirungi. Akaikiriza ku kiba kityo, ngu abone kukiza amagara g'abantu baingi nk'oku hati kiri. 21N'ahabw'ekyo mutatiina. Niinyija kubaha eby'okubatunga imwe n'abaana baanyu. Atyo abahamiza, abagarura omutima omunda.
Okufa kwa Yosefu
22Yosefu nikwo yaatwire atyo omuri Misiri, we n'ab'eka ya ishe, akahitsya emyaka igana na ikumi y'obukuru. 23Yosefu ogwo yaarugaho yaareeba abaana ba Efuraimu ab'oruzaaro rwa kashatu, n'abaana ba Makiri mwene Manaase yaabeesiigirira kuba abe nk'abu ayezaariire. 24Mpaho Yosefu agira beene ishe ati: Ndi haihi kufa. Kwonka Ruhanga taribura kwija kubashuura akabaiha omuri egi nsi, akabatwara omu nsi ei yaarahiire kuha Aburahamu na Isaaka na Yakobo. 25Bwanyima Yosefu yaarahiza beene Isiraeli naabagira ati: Ruhanga ku ariija kubashuura, naimwe mwihe kunu amagufa gangye mugagyendane.
26Yosefu atyo afa ahikize emyaka igana na ikumi y'obukuru; nabo boomya omutumbi gwe, baguta omu shanduukye eziikwamu omuri Misiri.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The Bible with Apocrypha in Runyankore-Rukiga, new revised joint translation © The Bible Society of Uganda, 2008.