Kur 1
1
Okukanya n'okubonabonesibwa kw'Abaisiraeli omuri Misiri
1Aga nigo maziina ga batabani ba Isiraeli abaizire Misiri na Yakobo, buri omwe n'eka ye. 2Reubeeni, Simeoni, Leevi na Yuda; 3Isakaari, Zebuluuni, Benyamiini; 4Daani, Nafutaali, Gaadi na Asheri. 5Boona ab'oruzaaro rwa Yakobo bakaba bari abantu makumi mushanju; obariiremu Yosefu owaabaire atwire Misiri. 6Bwanyima Yosefu akafa, na beene ishe boona, n'ab'omu busingye obwo boona. 7Kwonka baijukuru ba Isiraeli baazaara, baayeyongyera munonga baakanya, kandi baaba ab'amaani gatakareebwaga, ekyarugiremu baijura egyo nsi.
8Bwanyima omuri Misiri hakeemamu omugabe owaabaire atarikumanya Yosefu. 9Yaagambira abantu be ati: Reeba Abaisiraeli barengyesereize kuba baingi, nibatukiza amaani. 10Nimwije tibacwere obwengye batakaakanya, nyentsya hakibaho orugamba bakakwatanisa n'abazigu baitu bakaturwanisa, haza bakacwa bakaruga omuri egi nsi. 11N'ahabw'ekyo akabataho abanyampara b'okubabonabonesa nibabeekoreza emitwaro erikuremeera. Baayombekyera Faraaho endembo Pitomu na Ramuseesi z'okuhunikamu. 12Kwonka ei baagarukiire kubabonabonesa, niyo baagarukiire kukanya n'okubuga hoona. Ekyo kyareetera Abanyamisiri Abaisiraeli kubaitsa obwoba. 13Abanyamisiri baakoresa Abaisiraeli emirimo y'amaani; 14baabahitsya n'aha kwetamwa, nibabakoresa emirimo erikubasaasa: nibabakaatisa obudongo n'okubabumbisa amatafaari, n'okubakoresa emirimo y'emiringo yoona omu Misiri. Haza emirimo egyo yoona bakaba bagibakoresa n'amaani.
15Bwanyima omugabe wa Misiri akagira abazaarisa Abaheburaayokazi, omwe aharibo orikwetwa Shifira, n'ondi orikwetwa Pua ati: 16Ku muraabe nimuzaaza Abaheburaayokazi, mwareeba omwana owaazaarirwa aha katebe ari omwojo mumwite, ku araabe ari omwishiki mumurekye agumeho. 17Kwonka abo bazaarisa ahabw'okutiina Ruhanga, tibarakozire nk'oku omugabe wa Misiri yaabaragiire, baareka aboojo baagumaho. 18Omugabe wa Misiri nikwo kweta abo bazaarisa akabagira ati: Mbwenu ekyo mukozire ki kureka abaana aboojo bakagumaho? 19Abazaarisa abo baagarukamu Faraaho bati: Manya Abaheburaayokazi ti nk'Abanyamisirikazi, ahabw'okuba bo beehangaana bazaara omuzaarisa atakabahikire. 20N'ahabw'ekyo Ruhanga yaakorera gye abo bazaarisa. Abantu baakanya, baaba ab'amaani munonga. 21Kandi ahabw'abazaarisa abo kutiina Ruhanga, nawe yaabaha oruzaaro baarugwamu enganda.
22Bwanyima Faraaho akaragiira abantu be boona ati: Omwana weena omwojo orizaarwa Abaheburaayo mumunagye omu Mugyera, kwonka ku ariba ari omwishiki mumurekye agumeho.
Okuzaarwa kwa Musa
Селектирано:
Kur 1: RKK2008
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kur 1
1
Okukanya n'okubonabonesibwa kw'Abaisiraeli omuri Misiri
1Aga nigo maziina ga batabani ba Isiraeli abaizire Misiri na Yakobo, buri omwe n'eka ye. 2Reubeeni, Simeoni, Leevi na Yuda; 3Isakaari, Zebuluuni, Benyamiini; 4Daani, Nafutaali, Gaadi na Asheri. 5Boona ab'oruzaaro rwa Yakobo bakaba bari abantu makumi mushanju; obariiremu Yosefu owaabaire atwire Misiri. 6Bwanyima Yosefu akafa, na beene ishe boona, n'ab'omu busingye obwo boona. 7Kwonka baijukuru ba Isiraeli baazaara, baayeyongyera munonga baakanya, kandi baaba ab'amaani gatakareebwaga, ekyarugiremu baijura egyo nsi.
8Bwanyima omuri Misiri hakeemamu omugabe owaabaire atarikumanya Yosefu. 9Yaagambira abantu be ati: Reeba Abaisiraeli barengyesereize kuba baingi, nibatukiza amaani. 10Nimwije tibacwere obwengye batakaakanya, nyentsya hakibaho orugamba bakakwatanisa n'abazigu baitu bakaturwanisa, haza bakacwa bakaruga omuri egi nsi. 11N'ahabw'ekyo akabataho abanyampara b'okubabonabonesa nibabeekoreza emitwaro erikuremeera. Baayombekyera Faraaho endembo Pitomu na Ramuseesi z'okuhunikamu. 12Kwonka ei baagarukiire kubabonabonesa, niyo baagarukiire kukanya n'okubuga hoona. Ekyo kyareetera Abanyamisiri Abaisiraeli kubaitsa obwoba. 13Abanyamisiri baakoresa Abaisiraeli emirimo y'amaani; 14baabahitsya n'aha kwetamwa, nibabakoresa emirimo erikubasaasa: nibabakaatisa obudongo n'okubabumbisa amatafaari, n'okubakoresa emirimo y'emiringo yoona omu Misiri. Haza emirimo egyo yoona bakaba bagibakoresa n'amaani.
15Bwanyima omugabe wa Misiri akagira abazaarisa Abaheburaayokazi, omwe aharibo orikwetwa Shifira, n'ondi orikwetwa Pua ati: 16Ku muraabe nimuzaaza Abaheburaayokazi, mwareeba omwana owaazaarirwa aha katebe ari omwojo mumwite, ku araabe ari omwishiki mumurekye agumeho. 17Kwonka abo bazaarisa ahabw'okutiina Ruhanga, tibarakozire nk'oku omugabe wa Misiri yaabaragiire, baareka aboojo baagumaho. 18Omugabe wa Misiri nikwo kweta abo bazaarisa akabagira ati: Mbwenu ekyo mukozire ki kureka abaana aboojo bakagumaho? 19Abazaarisa abo baagarukamu Faraaho bati: Manya Abaheburaayokazi ti nk'Abanyamisirikazi, ahabw'okuba bo beehangaana bazaara omuzaarisa atakabahikire. 20N'ahabw'ekyo Ruhanga yaakorera gye abo bazaarisa. Abantu baakanya, baaba ab'amaani munonga. 21Kandi ahabw'abazaarisa abo kutiina Ruhanga, nawe yaabaha oruzaaro baarugwamu enganda.
22Bwanyima Faraaho akaragiira abantu be boona ati: Omwana weena omwojo orizaarwa Abaheburaayo mumunagye omu Mugyera, kwonka ku ariba ari omwishiki mumurekye agumeho.
Okuzaarwa kwa Musa
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The Bible with Apocrypha in Runyankore-Rukiga, new revised joint translation © The Bible Society of Uganda, 2008.