Ɛ́séɖɔ̀ 24:16-18

Ké Bounɓoɔ̀ dĩ́ín-dĩ̀ìnɔ̀ dèìn ma ɖé toɖoɔ̀ dya dyi. Ɔ nì ma ɖé Éézùɖùɛ̀-nyɔ̀ ɓěɔ̀ dyéɖéín pū kà nyɛ nìà kɛɛ ɖé toɖoɔ̀ dya. Ní-kpòɔ̀ dè ma ɖé toɖoɔ̀ dú-hwìɛ̀ ɓó wé mɛ̀nɛ̌ìn-ɖò xwíníín, ké ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖaa, Bounɓoɔ̀ ɖá ma Mózè sɔ̀ìn ɖé ní-kpòɔ̀ mú. Ké Mózè gã̀ ma toɖoɔ̀ dyáuń dyi tee, ké ɔ pa ma ɖé ní-kpòɔ̀ mú. Ké ɔ nyu ma ɖé toɖoɔ̀ dya dyóɖóaún-wè kpáɖá-nyɔ sɔ̃́ kè máaún-hwùɖù kpáɖá-nyɔ sɔ̃́.