مزگینیا مەتتای 3
3
یوحەننایێ تافیركەر رێكێ ئامادە دكەت
(مەرقۆس 1:1-8؛ لوقا 3:1-18؛ یوحەننا 1:19-28)
1د وان رۆژان دا، یوحەننایێ تافیركەر ل چۆلێ یەهودیایێ دیار بوو، ئەوی رادگەهاند 2و دگۆت: «ل خۆ بزڤڕن، چنكو پاشایەتیا ئەسمانان یا نێزیك بووی.» 3یوحەننا ئەوە یێ ئیشایا پێغەمبەری بەحسێ وی كری و گۆتی:
«دەنگەك ل چۆلی گازی دكەت:
‹رێكێ بۆ خودانی ئامادە بكەن،
پەیادەڕێیان#3:3 پەیادەڕێ: رێكێن مرۆڤ ب پێیان تێڕا دەرباز دبیت. بۆ هاتنا وی راست بكەن.›»#3:3 ئیشایا 40:3
4یوحەننای جلكەكێ ژ پویرتێ حێشتران دكرە بەر خۆ و ناڤتەنگا خۆ ب قایشەكا كەڤلی گرێ ددا و خوارنا وی كولی و هنگڤینێ چۆلی بوون. 5هنگی خەلكێ ئورشەلیمێ و هەمی دەڤەرا یەهودیایێ و هەمی دەوروبەرێن رویبارێ ئوردن دەردكەفتن و بەرەڤ وی دچوون 6و دانپێدان ب گونەهێن خۆ دكر و ل سەر دەستێ وی د رویبارێ ئوردن دا دهاتنە تافیركرن#3:6 تافیركرن: ئانكو ژێرئاڤكرن كو نیشانە بۆ تۆبەكرنێ و پاقژبوونێ ژ گونەهان. ل فەرهەنگۆكێ بنێڕە. .
7دەمێ یوحەننای دیتی گەلەك ژ فەریسی و سەدوقیان#3:7 دوو رێبازێن ئایینی یێن جوهیانە. د فەرهەنگۆكێ دا بنێڕە فەریسی و سەدوقی. یێ دهێنە نك وی دا بهێنە تافیركرن، گۆتە وان: «هەی تێژكێن ماران، كێ هوین ئاگەهدار كرینە ژ تۆڕەبوونا بهێت بڕەڤن؟ 8بەرهەمەكێ وەسا بدەن كو هەژی لخۆزڤڕینێ بیت 9و د دلێ خۆ دا نەبێژن: ‹ئیبراهیم بابێ مەیە›، چنكو ئەز دبێژمە هەوە كو خودێ دشێت ژ ڤان بەران زاڕۆكان بۆ ئیبراهیمی دەربئێخیت. 10ئەڤە دەڤێ بڤری یێ ل سەر رەها دارێ هاتیە دانان. ئەڤجا هەر دارەكا بەرهەمەكێ باش نەدەت، دێ هێتە بڕین و بۆ ناڤ ئاگری هێتە هاڤێتن. 11ژ بۆ لخۆزڤڕینێ ئەز هەوە ب ئاڤێ تافیر دكەم، لێ ئەوێ پشتی من دهێت ژ من ب هێزترە، ئەز نە یێ هەژی هەلگرتنا پێلاڤا ویمە. ئەو دێ هەوە ب گیانێ پیرۆز و ئاگری تافیر كەت. 12ملهێبا#3:12 ئامیرەكە كو دەخل و دانی پێ ددەنە بای. وی یا د دەستی دا و دێ بێدەرا خۆ پاقژ كەت و گەنمێ خۆ د عومبارێ دا خڕڤە كەت، لێ كایێ دێ ب ئاگرەكێ ناڤەمریێت، سوژیت.»
تافیركرنا عیسایێ مەسیح
(مەرقۆس 1:9-11؛ لوقا 3:21-22؛ یوحەننا 1:29-34)
13هنگی عیسا ژ دەڤەرا جەلیل هاتە رویبارێ ئوردن و چوو نك یوحەننای، دا ل سەر دەستێ وی بهێتە تافیركرن. 14لێ یوحەننا رازی نەبوو و گۆت: «ئەز یێ پێدڤیمە ل سەر دەستێ تە بهێمە تافیركرن و تۆ یێ دهێیە نك من؟!» 15ئینا عیسای بەرسڤا وی دا و گۆتێ: «ڤێ گاڤێ رازی ببە! چنكو هۆسا باشە كو هەر تشتێ خودێ دڤێت#3:15 هەر تشتێ خودێ دڤێت: دەق و دەق: ‹هەر راستداریەكێ›.، ئەم وی ب ج‍‌ھ بینین.» وێ گاڤێ یوحەننا رازی بوو. 16پشتی عیسا هاتیە تافیركرن، ئێكسەر ژ ئاڤێ دەركەفت و ژ نشكەكێ ڤە ئەسمان بۆ وی ڤەبوو و دیت گیانێ خودێ وەكو كووترەكێ هاتە خوار و ل سەر وی دادا 17و دەنگەكی ژ ئەسمانان گۆت: «ئەڤەیە كوڕێ من یێ خۆشتڤی، ئەوێ دلێ من پێ خۆش بووی!»
Селектирано:
مزگینیا مەتتای 3: BHD
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
All rights reserved.