1 Paralipomienono 14

Davído Barjola dre Patýv ke Jerusalimo

1I bičhadiá Xiramo, Tiroskiro králi, ke Davído manušén te rakirén, i kiedrytko veš, i barunar'jen (kamienščyken), i kherá-keribnaskiren (plotniken), sob (kaj) te kerén léske kher. 2Kiéli udžindiá Davído, so čhudiá les Raj Devél kralísa pe Izrailjo, so sys ĥazdynó vučés léskiro kralipén, vaš léskire Izrailjoskire manušénge; 3to tedy lyjá Davído butýr džuvlién syr romnien dro Jerusalimo i bijándyne Davidostyr butýr čhavé i čhaja. 4I ĥáda, isyn lavá, savé bijándyne léstyr dro Jerusalimo: Samuso, Sovavo, Nafano, Solomóno, 5Jeviearo, Jelisua, Jelfaliéto, 6Nogaho, Nafiéko, Jafia, 7i Jelisama, Viejeliada, i Jelifaliéfo. 8I šundlé Filistimliáni, so pomakhno sys Davído dre kralíste pe saró Izrailjo, i ĥazdynépe saré Filistimliáni te rodén Davidós. I šundiá pal davá Davído, i gijá proti lénde. 9I Filistimliáni javné, i terdiné pe dólo Riefaimengiro. 10I phuciape Davído Rástyr-Devléstyr, rakirí: “Ci te džav mánge proti pe Filistimlianende, i ci otdesa Tu len dre miré vastá?” I phendiá léske Raj Devél: “Džá, i Me otdáva len dre tyré vastá.” 11I giné jone dro Vaal-Pieracymo, i domardiá len adáj Davído; i phendiá Davído: “Phagirdiá Devél vergén miren vastésa miresa, syr prokošybén panieskiro.” Paldavá i dyné lav dolé štetoske: Vaal-Pieracymo. 12I jačkirdé odój Filistimliáni péskire devloré, i priphendiá Davído, i xačkirdé jone len jagása. 13I nevéstyr (nevés) javné Filistimliáni, i terdiné pe dólo. 14I iščo (inké) phuciape Davído Devléstyr, i phendiá léske Devél: “Na džá mamúj pe lénde, risiev krig léndyr i džá ke jone bal'zamitkone vešeskire rigátyr; 15i kiéli šunesa glumo sýrby šagi (lamnia) pe bal'zamitkone-vešeskire vučipená, tedy džá dro maribén; pal-dová so vygijá Devél angíl túte, sob (kaj) te domarel Filistimlianengiro stáno (lod).” 16I kerdiá Davído, syr priphendiá léske Devél; i domardé jone Filistimlianengiro stáno, Gavaonostyr ke Gaziéro. 17I progijá lav Davidóskiro pir saré phuvjá, i Raj Devél kerdiá les syr dar vaš saré manušénge.

Селектирано:

1 Paralipomienono 14: ROMBALTR

Нагласи

Копирај

Спореди

Сподели

Дали сакаш да ги зачуваш Нагласувањата на сите твои уреди? Пријави се или најави се

maintained by the United Bible Societies for the Baltic Romani Mission

Дознај повеќе за Biblija - Pe Baltitko Romani čib (Romanes) 2019

1 Paralipomienono 14

Популарни Библиски стихови од
1 Paralipomienono 14

Библија:

Romani: Baltic

Верзија: Biblija - Pe Baltitko Romani čib (Romanes) 2019 - ROMBALTR