Sawmus 130
130
Nah wahepne Uhokri parak abet nuhawkan
1Kiyavwiye Uhokri, abetnewa nuwakemni nah kanum piw.
2Timapnaba nubiman, Kiyavwiye! Ataybiswanaba arimkanit namnihswan.
3Wake pis kehbe pahak kagta adahan ekkene uvathawni, pariye isahptewviyekam ariw mbeyne?
4Heneme pis bayahmina usuh ariw utaraksan. Inneki keh usuh ihpa piwn.
5Akak madikte nukamaxwan nah wahepne Kiyavwiye Uhokri parak abet nuhawkan. Nah kamaxwa avitit giwn.
6Nah wahap giwntak Kiyavwiye mpiy suwtat ku pariye wahepne hewkepka, Henewatbaki, mpiy suwtat ku pariye wahepne kamuw pes.
7 Nukebyuvwi izhaewyenevwi, kamaxwanabay givitit Kiyavwiye Uhokri, mmanawa gamnihra in inyewa. Ig avanenekwa ahegbet adahan amnihwiy.
8Ig amnihnek gihiyegavu izhaewyenevwi ariw madikte givathawnikis.
Селектирано:
Sawmus 130: pluPB
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2018, Wycliffe Bible Translators, Inc. All rights reserved.