Yona 2
2
Kusaba kwa Yona
1Yona b̯uyaali mu nda gya nsu̱, yaasabi̱ri̱ Mukama Ruhanga waamwe 2naakoba yati,
“B̯unyaali mu kizib̯u kyange,
nyaataagi̱i̱ri̱ Mukama, kandi yanzi̱ramwo.
Hakati̱ mu ki̱i̱na kya lu̱ku̱u̱,
nyaalu̱ki̱ri̱ ninkusaba onjune, waanyeetegeerya.
3Wangu̱mi̱ri̱ hakati̱ weitaka,
mali̱, mu ndi̱ha gyeitaka,
mu̱hwi̱ gwa meezi̱ gwanyeelogoleerya,
na bijanga byamu byensei̱, byandaba hakyendi̱.
4Mwomwo nyaateekeri̱i̱ze yati, ‘Nkakwombi̱gi̱ri̱ kuruga mu mei̱so gaamu,
ti̱ndi̱i̱ra kuwonaho Yeekaru, nnyu̱mba gyamu gi̱syanu̱.’
5Meezi̱ gaanyeelogoleerye, heehi̱ ku̱nzi̱ta,
ndi̱ha gyamereeri̱ ki̱mwei̱,
na bisubi bya mwitaka byanyeelyobi̱ri̱ ku mu̱twe.
6Nyaagi̱zi̱i̱ri̱ nyaadwa hansi wa nsahu za mwitaka,
hansi wa nsi ha nzi̱je zaagyo
zanki̱ngi̱reeni̱ biro na biro.
Bei̱tu̱ we Mukama Ruhanga wange,
waaju̱ni̱ri̱ b̯womi b̯wange waab̯utoola mu ki̱i̱na.
7B̯unyaali nindi heehi̱ kukaba,
nyei̱zu̱ki̱ri̱ we Mukama,
kandi nawe, weegwa kusaba kwange,
noli mu Yeekaru, nnyu̱mba gyamu gitongoole.
8“Bantu bahaamiira ku̱ramya bi̱si̱sani̱ bitali na mugasu,
beefeereza mbabazi̱ zaaku̱bbeeri̱ zaab̯u.
9Bei̱tu̱ gya, nkwi̱za kukuhongera kyonzira,
ndi̱ku̱hi̱i̱mi̱ra kyembu kyaku̱ku̱si̱i̱ma.
Nkwi̱za kukora kiki ki̱nyaarahi̱i̱ri̱,
kubba kujunwa kuruga hali Mukama.”
10Mwomwo Mukama yaaragira nsu̱, gyatunaka Yona ku mutanda.
Селектирано:
Yona 2: LUGUNGU
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2025, Wycliffe Bible Translators, Inc. All rights reserved.