Судии 12:8-15

По него судија над Израел беше Есевон од Витлеем. Тој имаше триесет синови, а триесет ќерки од домот свој омажи, додека триесет ќерки зеде однадвор за сино­вите свои, и беше судија над Израел седум години. Есевон умре и беше погребан во Витлеем. По него судија над Израел стана Елон од племето Завулоново; тој упра­вуваше со Израел десет години. Умре и Завулонецот Елон и го погребаа во Ајалон, во земјата Заву­лонова. По него беше судија над Израел Ав­дон, син на Хилел од Пиратон. Тој имаше четириесет синови и триесет внуци, кои јаваа на седумдесет магариња; тој му судеше на Израел осум години. И умре Авдон, синот на Хилел од Пиратон, и беше погребан во родниот град, во земјата Ефремова, во гората Амаликова.