Галатјаните 3
3
Изворот на дарот од Духот
1 #
6,14; 1 Кор 2,2 О неразумни Галатјани! Кој ве маѓепса (та не се покорувате на вистината) вас, пред чии очи Исус Христос беше јасно насликан распнат меѓу вас? 2#2,16; Дела 11,17Само ова сакам да го дознаам од вас: преку делата на Законот ли го добивте Духот или преку пораката на верата? 3Толку ли сте неразумни? Откако почнавте со Духот, со телото ли сега завршувате? 4#1 Кор 2,12; 12,4-11; 2 Кор 12,12Зарем залудо толку многу претрпевте? Да беше само залудо! 5Оној, пак, Кој ви Го дарува Духот и прави меѓу вас чудеса, преку делата на Законот ли го прави тоа, или преку пораката на верата?
Авраамовото ветување
6 #
1 Мојс 15,6; Рим 4,3 Така, Авраам Му поверува на Бога, и тоа му се сметаше за праведност. 7Знајте, пак, дека оние што се потпираат на верата, се синови Авраамови. 8#1 Мојс 12,3; 18,18; Дела 3,25И Писмото, предвидувајќи дека Бог преку вера ги оправдува незнабошците, однапред му благовести на Авраам: „Во тебе ќе бидат благословени сите народи.“ 9#Рим 4,16И така, оние што веруваат, се благословени заедно со верниот Авраам; 10#5 Мојс 27,26а сите оние, што се од делата на Законот, под клетва се. Зашто е напишано: „Проклет да е секој кој не исполнува постојано сѐ што е напишано во книгата на Законот!“ 11#Авак 2,4; Рим 1,17; Евр 10,38А дека преку Законот никој не се оправдува пред Бога, се знае, зашто „Праведниот ќе живее преку верата.“ 12#3 Мојс 18,5; Рим 10,5А Законот не е од верата, туку зборува: „Кој ќе ги исполни овие работи, тој ќе биде жив преку нив.“ 13#4,5; 5 Мојс 21,23; Рим 8,3; 2 Кор 5,21Христос нѐ откупи од проклетството на Законот, откако поради нас стана проклетство, бидејќи е напишано: „Секој да е проклет што виси на дрво!“, 14така што благословот даден на Авраам да дојде преку Исус Христос врз незнабошците, за да Го добиеме ветениот Дух преку верата.
Законот и ветувањето
15Браќа, зборувам како човек: и утврдениот човечки завет никој веќе не го растура ниту му додава нешто. 16#1 Мојс 12,7; 13,15; 17,8; 24,7; Мт 1,1; Рим 4,13Но ветувањата му беа дадени на Авраам и на семето негово. Не е речено: „И на семињата“, како за мнозина, туку како за еден: „И на семето твое“, кое е Христос. 17#2 Мојс 12,41Ова сакам да го кажам: Заветот што Бог го даде не може да биде обезвреден од Законот, кој е настанат четиристотини и триесет години подоцна, така што ветувањето би можело да ја изгуби силата. 18#Рим 4,14; 11,6Зашто, ако наследството е добиено по Законот, тоа веќе не е според ветувањето; а на Авраам Бог му го дари по ветување. 19#Дела 7,38.53; Рим 5,20; Евр 2,2Зошто е, пак, даден Законот? Тој е додаден поради престапите, додека не дојде семето, на кое се однесува ветувањето, и е предаден преку ангели, преку рака на посредник. 20#5 Мојс 6,4; Рим 3,30Но посредникот не може да биде само посредник на еден, а Бог е еден. 21#Дела 13,38-39; Рим 8,3Па така, Законот противен ли е на Божјите ветувања? Никако! Зашто, ако беше даден закон, што ќе можеше да животвори, тогаш навистина оправданието ќе произлегуваше од Законот. 22#Рим 11,32Но Писмото сите ги затвори под грев, па преку верата во Исус Христос да им се даде ветеното на оние кои веруваат. 23Пред да дојде верата, ние бевме под стража на Законот, заклучени за верата која требаше да се открие. 24#4,2; Рим 10,4И така, Законот беше за нас воспитувач да нѐ доведе до Христос, за да бидеме оправдани преку верата; 25а откако дојде верата, ние веќе не сме под раководство на воспитувач. 26#4,5; Јн 1,12; Рим 8,14Зашто сите сте синови Божји преку верата во Христос Исус; 27#Рим 13,14; Кол 3,10сите, што сте крстени во Христос, во Христос се облековте. 28#Рим 10,12; 1 Кор 12,13; Кол 3,11Нема веќе ни Јудејци, ни Елини, ни роб, ни слободен; нема машко – женско; зашто сите вие сте едно во Христос Исус. 29А, ако сте, пак, вие Христови, тогаш сте Авраамово семе, и по ветување наследници.
Селектирано:
Галатјаните 3: MK2006
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Библиско Здружение на Р. Македонија 2006
© Bible Society of the Republic of Macedonia 2006