Повторени закони 19:15-21

Не е доволен еден сведок против човек за каква и да било вина, престап или некој грев, со кој згрешил: при сведочењето на двајца или тројца сведоци се донесува решение. Ако против некого излезе неправеден сведок, обвинувајќи го за престап, и обајцата, кои се судат, нека застанат пред Господ, пред свештениците и пред судиите, што ќе се најдат во тие денови; и судиите нека ги испитаат добро, па ако оној сведок е лажлив сведок и лажно сведочи против братот свој, направете му го она што го беше намислил да му го направи на братот свој: така исчистете го злото од вашата средина. И другите ќе чујат, па ќе се упла­шат, и нема во иднина да прават такво зло кај вас. Да не го поштеди окото твое: душа за душа, око за око, заб за заб, рака за рака, нога за нога.