2 Тимотеј 4:9-18

Погрижи се да дојдеш кај мене ско­ро! Зашто Димас ме остави, бидејќи го засака сегашниот свет, и отиде во Солун; Крискент – во Галатија, Тит – во Далмација. Само Лука е со мене. Земи го Марко и доведи го со себе, зашто ми е нужен во службата! А Тихик го пратив во Ефес. Кога ќе дојдеш, донеси ја наметката што ја оставив во Троада, кај Карп и книгите, а особено пергаментите. Ковачот Александар ми направи големо зло. Ќе му врати Господ според делата негови! Од него пази се и ти, бидејќи тој не­обично многу се воспротиви на нашите зборови! При мојата прва одбрана никого не­маше кај мене: сите ме оставија. Нека не им се прими за грев! Но Господ беше со мене и ме зак­репна, та преку мене да се утврди Бла­говестието и да чујат сите незнабошци; и јас се избавив од устата на лавот. Господ ќе ме избави од секакво ло­шо дело и ќе ме запази за Своето небес­но царство. Нему слава во вечни векови. Амин!