Галатјаните 2
2
Сложност во Ерусалим. Единство на Црквата и христијанска слобода
1 #
Дела 4,36; 15,2; 2 Кор 2,13 И четиринаесет години подоцна пак се искачив во Ерусалим со Варнава, а го зедов со себе и Тит. 2#4,11; Фил 2,16Влегов по откровение и им го изложив на верните, посебно на највидните, Евангелието што го проповедам кај незнабошците, за да не трчам или за да не трчав попусто. 3Па дури ни Тит, кој беше со мене, иако Елин, не беше принуден да се обрезе, 4#1,7; Дела 15,1.24и тоа заради лажните браќа, кои дојдоа и се вовлекоа да ја гледаат нашата слобода, која ја имаме во Христос Исус, за да нѐ поробат, 5#2,14; Дела 15,23-29; Ефес 1,13ним ни за час не им дозволивме да нѐ покорат, за да остане во вас вистината на Евангелието. 6#5 Мојс 10,17; Дела 10,34; Рим 2,11; Јк 2,1; 1 Птр 1,17А, пак, оние за кои се мисли дека значат нешто – какви и да биле тие некогаш, мене ми е сеедно, Бог не го гледа човекот по лице – тие ништо не ми дадоа. 7#1,16; Дела 9,15; 22,21; Рим 1,5-6; 15,15-19Туку, напротив, кога видоа дека мене ми е доверено да го проповедам Евангелието на необрезаните, како на Петар – на обрезаните, 8зашто Оној, Кој дејствуваше врз Петар да врши апостолска служба меѓу обрезаните, дејствуваше и врз мене за апостолска служба меѓу незнабошците 9#1,19; Дела 12,17; 1 Кор 3,10и кога ја познаа благодатта што ми е дадена, Јаков, Кифа и Јован, кои беа сметани за столбови, ни ја подадоа мене и на Варнава раката за заедништво и се согласија ние да одиме кај незнабошците, а тие – кај обрезаните. 10#Дела 11,29-30; 1 Кор 16,1; 2 Кор 8–9Посакаа само да ги помниме сиромасите, за што се погрижив и точно да го исполнам.
Недоразбирање во Антиохија. Вистината на Евангелието и благодатта на верата
11 #
Дела 11,19-26
А кога дојде Кифа#2,11 Кифа е името кое Господ Исус му го дал на Симон, Јовановиот син, а значи карпа или камен. На грчки е Петар. во Антиохија, јас лично му се спротивставив, зашто беше заслужил осудување. 12#Дела 10,28; 11,3Имено, пред да пристигнат некои од Јаков, тој јадеше заедно со незнабошците; а кога дојдоа, почна да се снебива и да се двои, бидејќи се плашеше од обрезаните. 13Заедно со него лицемереа и другите Јудејци, така што со нивното лицемерие беше заведен дури и Варнава. 14#2,5А кога видов дека тие не постапуваат точно според Евангелската вистина, му реков на Кифа пред сите: „Кога ти, кој си Јудеец, живееш како незнабошците, а не како Јудејците, зошто тогаш незнабошците ги принудуваш да живеат јудејски?“ 15Ние сме родени како Јудејци, а не грешници од незнабошците. 16#Пс 142,2; Дела 15,10-11; Рим 3,20.28; 4,5; 9,30; 11,6; Ефес 2,8Но знаеме дека човекот не се оправдува преку делата на Законот, туку само преку верата во Христос Исус. Затоа и ние поверувавме во Исус Христос, за да се оправдаме преку верата во Христа, а не преку делата на Законот; зашто преку делата на Законот нема никој да се оправда. 17#Мт 11,19Ако, пак, барајќи да се оправдаме во Христос, и сами се најдовме грешници, не е ли тогаш Христос слуга на гревот? Тоа никако! 18Зашто, ако одново го градам она што сум го урнал, тогаш и сам станувам престапник; 19#Рим 6,4-11; 14,8преку Законот умрев за Законот, за да живеам за Бога. Се распнав заедно со Христос; 20#1,4; Јн 13,1; 17,23; Рим 8,10; Фил 1,21; 1 Тим 2,6; 1 Јн 3,16и јас веќе не живеам, туку Христос живее во мене. А тоа што сега живеам во тело, живеам со верата во Синот Божји, Кој ме возљуби и Себе се предаде за мене. 21Не ја отфрлам благодатта Божја; зашто ако праведноста се придобива преку Законот, тогаш Христос залудо умрел.
Селектирано:
Галатјаните 2: MK2006D
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Библиско Здружение на Р. Македонија 2006
© Bible Society of the Republic of Macedonia 2006