ܩܘܗܠܬ 10
10
1ܕܸܕܒܹ̈ܐ ܡܝܼܬܹ̈ܐ ܟܹܐ ܡܲܚܡܸܩܝܼ ܘܡܲܓܒܝܼ ܡܸܫܚܵܐ ܕܥܲܛܵܪܵܐ؛ ܗܲܕܟ݂ܵܐ ܚܲܕ݇ܟ̰ܵܐ ܣܲܟ݂ܠܘܼܬܵܐ ܒܘܼܫ ܝܲܩܘܼܪܬܵܐ ܝܠܵܗ̇ ܡ̣ܢ ܚܸܟ݂ܡܬܵܐ ܘܡ̣ܢ ܐܝܼܩܵܪܵܐ. 2ܠܸܒܵܐ ܕܚܲܟܝܼܡܵܐ ܠܝܲܡܝܼܢܹܗ ܝܠܹܗ، ܐܝܼܢܵܐ ܠܸܒܵܐ ܕܣܲܟ݂ܠܵܐ ܠܣܸܡܵܠܹܗ. 3ܘܐܘܼܦ ܒܐܘܼܪܚܵܐ ܟܲܕ ܣܲܟ݂ܠܵܐ ܚܵܕܹܪ ܗܵܘܢܹܗ ܚܣܝܼܪܵܐ ܝܠܹܗ، ܘܟܹܐ ܐܵܡܹܪ ܠܟܠ ܕܣܲܟ݂ܠܵܐ ܝܠܹܗ. 4ܐܸܢ ܟܲܪܒܵܐ ܕܫܲܠܝܼܛܵܐ ܐܵܣܩܵܐ ܥܲܠܘܼܟ݂، ܕܘܼܟܬܘܼܟ݂ ܠܵܐ ܫܵܒ݂ܩܹܬ، ܣܵܒܵܒ ܒܲܣܝܼܡܘܼܬܵܐ ܟܹܐ ܡܲܢܝܸܚܵܐ ܚܛܵܗܹ̈ܐ ܓܘܼܪܹ̈ܐ.
5ܐܝܼܬ ܒܝܼܫܬܵܐ ܕܚܙܹܐ ܠܝܼ ܬܚܘܿܬ ܫܸܡܫܵܐ، ܐܲܝܟ݂ ܚܸܠܛܵܐ ܕܦܵܠܹܛ ܡ̣ܢ ܩܵܕ݇ܡ ܫܲܠܝܼܛܵܐ: 6ܡܘܼܬܸܒ݂ܬܵܐ ܝܠܵܗ̇ ܣܲܟ݂ܠܘܼܬܵܐ ܒܪ̈ܵܘܡܹܐ ܪܵܒܵܐ، ܐܝܼܢܵܐ ܥܲܬܝܼܪܹ̈ܐ ܒܟܘܼܦܘܼܬܵܐ ܟܹܐ ܝܵܬܒ݂ܝܼ. 7ܚܙܹܐ ܠܝܼ ܪܹ̈ܓܵܘܵܬܹܐ ܥܲܠ ܣܘܼܣܵܘܵܬܹ̈ܐ، ܐܝܼܢܵܐ ܓܘܼܪ̈ܵܢܹܐ ܒܸܚܕܵܪܵܐ ܐܲܝܟ݂ ܪܹ̈ܓܵܘܵܬܹܐ ܥܲܠ ܐܲܪܥܵܐ.
8ܗ̇ܘ ܕܚܵܦܹܪ ܓܘܼܒܵܐ، ܓܵܘܘܼܗ̇ ܒܸܬ ܢܵܦܹܠ، ܘܗ̇ܘ ܕܬܵܪܹܥ ܓܘܼܕܵܐ، ܒܸܬ ܢܵܐܹܨ ܠܹܗ ܚܘܼܘܹܐ. 9ܗ̇ܘ ܕܦܵܪܹܡ ܟܹܐܦܹ̈ܐ، ܒܸܬ ܦܵܐܹܫ ܚܘܼܙܕܸܓܵܐ ܒܝܼܲܝܗܝ، ܗ̇ܘ ܕܟ̰ܵܠܹܦ ܩܲܝܣܹ̈ܐ ܒܸܬ ܗܵܘܹܐ ܒܩܹܘܲܢܕܹܢܘܿܣ ܒܝܼܲܝܗܝ. 10ܐܸܢ ܩܵܗܹܐ ܦܪܸܙܠܵܐ ܘܦܘܼܡܹܗ ܠܵܐ ܡܲܚܪܸܦ، ܗ̇ܝܓܵܗ ܒܘܼܫ ܚܲܝܠܵܐ ܓܵܪܲܓ ܦܵܐܹܫ ܡܘܼܦܠܸܚܵܐ، ܘܡܵܪܹܐ ܝܘܼܬܪܵܢܵܐ ܝܠܵܗ̇ ܠܟܲܫܝܼܪܘܼܬܵܐ ܚܸܟ݂ܡܬܵܐ. 11ܐܸܢ ܢܵܐܹܨ ܚܘܼܘܹܐ ܒܠܵܐ ܐܵܫܘܿܦܘܼܬܵܐ، ܠܲܝܬ ܝܘܼܬܪܵܢܵܐ ܠܡܲܪܩܸܕܵܢܵܐ ܕܚܘܼܘܹܐ. 12ܗܹܡܸܙܡܵܢܹ̈ܐ ܕܦܘܼܡܵܐ ܕܚܲܟܝܼܡܵܐ ܫܵܦܵܩܲܬ ܝܼܢܵܐ، ܐܝܼܢܵܐ ܣܸܦܘܵܬܹ̈ܐ ܕܣܲܟ݂ܠܵܐ ܟܹܐ ܒܵܠܥܝܼ ܠܹܗ. 13ܫܲܪܵܝܬܵܐ ܕܗܹܡܸܙܡܵܢܹ̈ܐ ܕܦܘܼܡܹܗ ܣܲܟ݂ܠܘܼܬܵܐ ܝܠܵܗ̇، ܘܚܲܪܬܵܐ ܕܦܘܼܡܹܗ ܫܹܐܕܵܢܘܼܬܵܐ ܒܝܼܫܬܵܐ. 14ܘܣܲܟ݂ܠܵܐ ܟܹܐ ܡܲܙܝܸܕ ܗܹܡܸܙܡܵܢܹ̈ܐ. ܠܹܐ ܝܵܕܥܝܼ ܒܲܪܢܵܫܵܐ ܡܘܿܕܝܼ ܒܸܬ ܗܵܘܹܐ، ܘܡܸܢܕܝܼ ܕܒܸܬ ܗܵܘܹܐ ܡ̣ܢ ܒܵܬ݇ܪܹܗ ܡܵܢܝܼ ܡܵܨܹܐ ܡܲܕܸܥ ܠܹܗ؟ 15ܥܲܡܠܵܐ ܕܣܲܟ݂ܠܹ̈ܐ ܟܹܐ ܡܲܓ̰ܥܹܐ ܠܹܗ ܗܵܕܵܐ ܕܠܹܐ ܝܵܕܹܥ ܕܵܐܟ݂ܝܼ ܐܵܙܹܠ ܠܡܕܝܼܢ݇ܬܵܐ. 16ܘܵܝ ܐܸܠܵܟ݂ܝ، ܝܵܐ ܐܲܪܥܵܐ، ܟܲܕ ܡܲܠܟܵܟ݂ܝ ܝܵܠܵܕ݇ܐ ܝܠܹܗ، ܘܓܘܼܪ̈ܵܢܵܟ݂ܝ ܒܨܲܦܪܵܐ ܟܹܐ ܐܵܟ݂ܠܝܼ. 17ܛܘܼܒ݂ܵܐ ܐܸܠܵܟ݂ܝ، ܝܵܐ ܐܲܪܥܵܐ، ܟܲܕ ܡܲܠܟܵܟ݂ܝ ܒܪܘܿܢܵܐ ܕܢܲܨܝܼܚܹ̈ܐ ܝܠܹܗ، ܘܓܘܼܪ̈ܵܢܵܟ݂ܝ ܒܙܲܒ݂ܢܵܐ ܟܹܐ ܐܵܟ݂ܠܝܼ، ܒܘܼܬ ܓܲܢ݇ܒܵܪܘܼܬܵܐ، ܘܠܵܐ ܒܘܼܬ ܫܬܵܝܬܵܐ. 18ܒܘܼܬ ܡܲܟܣܸܠܵܢܘܼܬܵܐ ܟܹܐ ܫܵܪܹܛ ܫܟܘܼܪܹܐ، ܘܒܘܼܬ ܪܸܦܝܘܼܬܵܐ ܕܐܝܼܕܵܬܹ̈ܐ ܟܹܐ ܕܵܠܹܦ ܒܲܝܬܵܐ. 19ܩܵܐ ܒܘܼܣܵܡܵܐ ܟܹܐ ܗܲܕܪܝܼ ܠܲܚܡܵܐ، ܘܚܲܡܪܵܐ ܟܹܐ ܡܲܚܕܹܐ ܚܲܝܹ̈ܐ، ܘܙܘܼܙܵܐ ܟܹܐ ܓ̰ܲܘܸܒ ܠܟܠ. 20ܐܘܼܦ ܒܚܝܼܵܠܘܼܟ݂ ܠܡܲܠܟܵܐ ܠܵܐ ܨܲܥܪܸܬ، ܘܒܬܵܘܵܢܵܐ ܕܕܡܵܟ݂ܘܼܟ݂ ܠܵܐ ܨܲܥܪܸܬ ܠܥܲܬܝܼܪܵܐ، ܣܵܒܵܒ ܛܲܝܪܵܐ ܕܫܡܲܝܵܐ ܒܸܬ ܠܲܒܸܠ ܩܵܠܵܐ، ܘܡܵܪܹܐ ܓܘܼܠܦܵܢܹ̈ܐ ܒܸܬ ܡܲܕܸܥ ܚܲܒܪܵܐ.
Селектирано:
ܩܘܗܠܬ 10: ABTAB
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Aramaic Bible Translation Assyrian Bible © 2025 Aramaic Bible Translation