HOSEA 3
3
Hosea tüsho Müthülünkhi Liberü
1 Atungpuhnü I ki thalo, “ Yüang, Israel mihtsürünü püpü thrünpuhbo tüsho akungkhi yikhap kilim rhololo she Atungpuhnü arü muzhokhi nangde amuzhorü larü tüsho müzammüram liberü nü yamkhünbe ki muzholoang.”
2Jumonü inü shotoyinchi 15 tüsho barli khahngak 150nü alibe thulo. 3Tüsho inü alibe ki tha, “ I lung nimung ashang labah; nünü püpü thrürü kheak yüliyüra, müzammüram müthsübeah, tüsho I nü lung labah.” 4Hanangde Israel mihtsürünü kim ashang kiulongthsürü yungsho limberü mülade, shuhmülanga kingaünkhi yungsho amüsüh lung dungjingbo mülade, sangthsübo yungsho müchitpü mejakbo mülade alabah. 5Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.
Селектирано:
HOSEA 3: YIMCBSI
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.