Популарни Библиски стихови од Lʉka 23

Сподели

Yesʉ akatambʉla, “Tata leka kʉaaɨɨlya ʉmʉlandʉ kʉnsoko shanga alɨngile nɨakʉlɨtenda.” Sʉnga apolyo nɨalɨngi amalagɨɨlyo akatʉmɨla bʉnkʉlʉ bʉnkʉlʉ komolana ɨngʉo ang’wa Yesʉ.

Yesʉ akamʉsʉkɨɨlya, “Kʉlʉ kʉʉlʉ kʉʉɨla, lelo yɨyɨ ʉkʉtula palʉng’wɨ nʉ nene pang’ wi Itunda.”

Sʉnga akamʉɨla, “Ʉewe Yesʉ itungo nʉɨkingɨla Mʉʉtemi nʉako ʉkɨmbʉke nʉ nene.”

Yesʉ akakʉta, akalʉnga, “Tata nkolo ane namiika mʉmɨkono ako.” Naɨ wakondya kʉtambʉla itɨ, akasha.

Naɨ apikile nkɨka nitang’wa, “Ing’ang’a litwe,” Papo ai amʉbʉlagile ʉ Yesʉ palʉng’wɨ nɨantʉ awo nɨabɨɨlɨ niagazi, ʉng’wɨ mʉsalaba wakwe ipande nɨla kɨgoha nʉ mʉya mʉsalaba wakwe ipande nɨla nkɨgɨ.

Ai yainaa anga saa mʉtandatʉ ng’ʉng’wɨ, yikatula kitɨ mihɨɨ ɨhi kʉpikɨɨla saa kenda, kʉnsoko lyoa aɨ laleka kelya, nipazɨa naɨlɨkolɨ Mʉnyʉmba ang’wi Itunda likatamʉka pa katɨkati kʉpumɨɨla migʉlya kʉpikɨɨla pihɨ.

Papo ʉmankata naɨ wilolenkee aya natendekile akamʉkʉlya Itunda wazelʉnga, “Tai mʉntʉ ʉyʉ aɨ ʉkembetilwe ni Itunda.”