Популарни Библиски стихови од Lʉka 22

Сподели

“Ʉewe Tata, anga ʉloeligwe, lwago ʉlʉ lʉleke kʉnihanga, shanga kʉʉlowa wane, ingɨ ʉlowa wako wʉwo ʉtʉlike.”

Ingi ʉnene nʉkʉlompee ʉewe ʉhʉɨɨlɨ wako ʉleke kʉkepa. Nʉewe anga ʉnsʉkile, ʉakamatɨshe anyandʉgʉ ako.”

Sʉnga Yesʉ akahola mʉkate, akamʉlʉmba Itunda, akaʉega, akaapa itʉmi wazelʉnga, “Ʉwʉ ingɨ mʉɨlɨ wane nʉʉpumigwe kʉnsoko anyu. Tendi ʉʉ mʉze mʉnkɨmbʉkile.”

Naɨ akondya kʉlya akatenda ʉʉ akahola kikombe kadibai, wazelʉnga, “Dibai ɨyɨ mʉkikombe ingɨ ilago nipya nɨlɨkitʉng’wa mʉsakami ane nɨkʉhunʉka kʉnsoko anyu.

Yesʉ naɨ ʉkolɨ mʉʉwai ʉkʉlʉ, akalongoleka kʉlompa, akatʉla puma litutu nʉlɨhangaa sakami lɨkatonya pihɨ.

Ingi ʉnyenye ileke kʉtula itɨ, itɨ gwa ʉyʉ nʉmʉkʉlʉ wanyu, ʉtakɨwe watule mʉniino kʉkɨla mɨhi, nʉyʉ nɨmʉtongeeli ʉtakɨwe watule anga mʉtʉʉng’wa.

Yesʉ akamʉsʉkɨɨlya, “Petelo kʉʉila, ʉtikʉ nʉa lelo ɨyɨ nsambalʉme ɨze ɨkɨlɨ kʉkʉnkʉla, ʉewe ʉkʉtula wanihita nkʉa itaatʉ kɨna shanga ʉnɨngile.”