Популарни Библиски стихови од मत्ती 5

Сподели

काङ्काये पनि भाङ खाङडे पाठिये माकपो। बुरु ज़ी:मला स्यान्टैरंलाई उज्यालो गटाकं वार्डे भाङलाई डियाटोटं नैसिये। ऐझैडेज़ जेसं लेव उज्यालो पनि यहुडीरंकाम उरुका मीराई याङा:कं ओचम्किकं होकाम यहुडीरंकाम उरुका मीराई जे जेडोव चाव ये:न र:ङनेलेरं, होकाम स्वर्गटं लेने जेबाबु परमेस्वरलो ओमहिमा डोनेलेरं।

जे के प्रिठीबीला उज्यालोरं ची। डान्डाटं झैसिव सहर मामोसिडुये।

यायुङ चोखो लेवरं भाग्यमानिरं ची, कडालेकं नोराई परमेस्वरलाई र:ङने लेरं।

सहि ये:न डोनेलो लागिटं आतिनेरं भाग्यमानिरं ची, कडालेकं नोरं सोन्टोको टानेलेरं।

हैनि पनि ङा जेलाई हैङाडाच्यो, जेसुतरलाई मया डोच्यो, होकाम जेलाई डुखं यानेराई यालागिटं प्रार्ठना डोड्याच्योरं।

“आत्मालं करेनेरं भाग्यमानिरं ची, कडालेकं स्वर्गटा राज्या नोराईज़।”

मीरंलाई मिलैनेरं भाग्यमानिरं ची, कडालेकं नोरं परमेस्वरलो ओज़ारं टानेलेरं।

सोगो डोनेरं भाग्यमानिरं ची, कडालेकं नोरं सान्ति डैने लेरं।

सहि ये:नलो ओलागिटं सहटैसिवनि:नेरं भाग्यमानिरं ची, कडालेकं स्वर्गटा राज्या नोराईज़।

डया डोनेरं भाग्यमानिरं ची, कडालेकं नोराई डया डैने लेरं।

भाग्यमानिरं ची जे के, मीराई जेलाई ङालागिटं जेबिरोड डोने सोनो डुखं योनेलेरं, ढुटैडे पाङडे जेबिरोडलं स्यान्टै किसिमला माचाव रो: पाङने लेरं। हो बेलाकं रेङच्यो, होकाम बनै खुसि टाच्यो, कडालेकं स्वर्गटं घ्योव इनाम डैनेजेले। कडालेकं आव नो मान्टिनावज़ जोस्यानाव जेङाडेङा अगमबक्तारंलाई पनि नोराई ऐझैडेज़ डुखं यायोवरं।

सहिडुनेरं भाग्यमानिरं ची, कडालेकं नोराई प्रिठीबीलं अढिकार डैने लेरं।

जे के प्रिठीबीला सापीरं ची, सापिलो ओडार यामा:खे भने होलाई फरि कैजैडे डारो झैने? नोके पाखाङ लाङडे मीराई याखङये सिडे ख्यानेकाम उरु कडि ओये:नज़ माले।

हैजैडेज़ स्वर्गटा लेने जेबाबु स्यान्टै रो:टं ठीकं ओलेव मान्टि जे पनि स्यान्टै रो:टं ठीकं टाव परिये।”

जे जेपाङ ‘हो’ याटाखे भने ‘हो,’ ‘माङ्क’ याटाखे भने ‘माङ्क’ ओटाकं। आकाम भ्या के सैतानङाम राये।”

“जे जेठोयोज़ ले, एटाव हैवार्सिव लेव, ‘मिलङलो ओपोलं मिलङ, सोनो हालो ओपोलं हा।’ हैनि पनि ङा जेलाई हैङाडाच्यो, डुस्टरासं समं-समं टाझैसिच्यो। जोये वो:रटा नबाङलाटं पो:ड्याने, होलाई टङटा नबाङला पनि ठाङड्यो।

हैजैडे वो:रटा नमिलङये नङलाई पाप डोव यापरि:ङसोनोखे भने नोलाई हाइडे ख्या, कडालेकं स्यान्टै नक्याङ नर्गलं नाने भन्डाके नक्याङटं टोबो नमिलंङ मालेव नङलाई चाव टाये। वो:रटा नकुइये नङलाई पाप डोव यापरि:ङसोनोखे भने नोलाई पल्डे ख्या, कडालेकं स्यान्टै नज्यु नर्गलं ओनाज्याव भन्डाके नक्याङटं टोबो नकुइ मालेव नङलाई चाव टाये।”