Популарни Библиски стихови од LUK 6

Сподели

Libape bandi basà, se Nzem uyi lipà. E, bè liyi wolo biavul, kitini kamboto, kumio mia bè, biani bia fwete kuliko. kuvul kwani likierela bè bani basà, yiyani yi lipà Nzem.

Mutindi mwese, mundu wa mboto utora mampeine mamboto munga mangindi ma ndé melé mamboto. Mundu wa mbi ukiera mampeine ma mbi munga mangindi ma ndé mukala ma mbi. Bubwani, mampeine mani tora mundu muswoka mpili ya mangindi mà welé ka mà ndé ku muteme wa ndé.

Kasi zolola ba mbene ba bè, likiere mamboto, lidefese akwena kusà kivuvu muku kufirili: Se lifutu labè liyikali lalinene, se bè liyikali bandi ba Nzem welé ku yolo, munga welé wa mboto kwelé bandi ampa bufurula matondo andi kwelé bandi ba mbi.

Nze fwete kali mu ngiebe, mpili yimwese Tara bisi wa ndie uwekela mundu wanswene ngiebe.

Loli sambisi bandi basà, se Nzem loka ndé uyi lisembese; Lo litswilili bandi basà nkani, se Nzem loka ndé uyi litswilili nkani; Li balololo bandi basà se Nzem uyi lilololo.

Kasi mè, mè lishama, kwelé be lingwela: zolola ba mbene ba bè, likiere mamboto kwelé bandi bani bu menga bè Sampulu bani businga nze, kali mu bisambi munga bandi buniokola nze.

Kiere munga bandi ba sà yanswene yani zola nze le bu kukierele.

Le mundu wa bolo mwese mubo labè mutami andi kulito, limuwetse wubwele se tami lani lasà. Le mundu wasiene kazaki ka nze, muwetse se wusiene kiposo ka nze. Lipe kimi kwelé mundu wanswene wani wa kulomo, se le mundu wasiene kimi ka nze, loku mulomo.

Yezu ulaba kulongo, se watwere le: é mute wa mboto loka wa ubora mbeing yambi. mpili mwese se, mute wa mbi loka wa ubora mbeing ya mboto.

Bandi buyeba mute mu mbeing ya ndé. mu mbandi, lokanze yibu mbeing ya figi ata mbeing ya vini mu nkà ya nganzi.