Популарни Библиски стихови од Римјаните 6

Сподели

Зашто, платата на гревот, е смрт, а Божјиот дар – вечен живот во Христос Исус, нашиот Господ.

Гревот нема да господари над вас, зашто вие не сте под Законот, туку под благодатта.

И така, ние се погребавме со Него преку крштевањето во смртта, за да мо­жеме, како што Христос воскресна од мртвите преку славата на Отецот, така и ние да зачекориме во нов живот.

и вашите телесни органи не предавајте му ги на гревот како орудија на неправедноста, туку препуштете Му се на Бога како оние што оживеале од мртвите, и вашите телесни органи предадете Му ги на Бога, ка­ко орудија на праведноста.

знаејќи дека нашиот стар човек е распнат со Него, за да биде умртвено гревовното тело, па да не му робуваме на гревот

Па така и вие сметајте се себеси мртви за гревот, а живи за Бога во Христос Исус, нашиот Господ.

И така, што да речеме? Да останеме ли во гревот, за да се умножи бла­годатта? Никако! Како ние, кои сме умреле за гревот, и натаму да живееме во него?

Не знаете ли дека, предавајќи се себеси некому како слуги за пос­луш­ност, му станувате слуги на тој што го слушате: или на гревот – кој води во смрт, или на послушноста – која води кон праведност?

Но, фала Му на Бога, иако бевте слуги на гревот, од сѐ срце го послушавте оној образец на учење, на кого се предадовте. И така ослободувајќи се од гревот, вие станавте слуги на праведноста.