Популарни Библиски стихови од Римјаните 12

Сподели

Не сообразувајте се со овој свет, туку преобразете се преку обновување на вашиот ум, за да можете да осознавате што е волјата Божја, што е добро, благоугодно и совршено.

Браќа, во името на Божјото милосрдие, ве молам, да ги принесете вашите тела во жртва жива, света и благоугодна на Бога, како ваше словесно служење.

радувајте се во надежта; во маката бидете трпеливи, а во молитвата – постојани

Не допуштај злото да те победи, туку победи го злото со добро.

Љубете се едни со други срдечно, со братска љубов; натпреварувајте се во почитувањето еден кон друг.

Љубовта нека биде нелицемерна; гнасете се од злото, прилепувајте се кон доброто.

Ако е можно, доколку тоа зависи од вас, бидете во мир со сите луѓе.

Самите не се одмаздувајте, возљубени, туку оставете му место на Божјиот гнев. Зашто е напишано: „Одмаздата е Моја, Јас ќе отплатам – вели Господ.“

Во усрдноста не бидете немарни; бидете со огнен дух; служете Му на Господ

Зашто, преку благодатта што ми е дадена, секому од вас му ка­жу­вам да не се вообразува во мислите повеќе одошто е потребно, туку нека размислува скромно, според мерката на верата што Бог секому му ја доделил.

Никому не враќајте зло за зло; грижете се да го правите тоа што е добро пред сите луѓе.

Меѓу себе бидете едномислени; не бидете надмени во мислите, туку нека ве водат скромните нешта; не сметајте се себеси за мудри.

Туку: „Ако твојот непријател е гладен, нахрани го; ако е жеден, напој го; зашто, правејќи го тоа, ти ќе му натрупаш жар на неговата глава“.

благословувајте ги оние што ве гонат; благословувајте ги и не ги про­колнувајте. Радувајте се со оние што се радуваат и плачете со оние што плачат!

помагајте им на светиите во нив­ни­те потреби; трудете се да бидете гостопримливи

Бидејќи, како што во едно тело имаме многу органи, но сите органи немаат иста улога, така и ние мнозината, сме едно тело во Христос, а секој поединечно сме органи еден на друг.