Популарни Библиски стихови од Римјаните 1

Сподели

Зашто јас не се срамам од Христовото благовестие, бидејќи тоа е Божја сила за спасение на секого што верува, најпрво на Јудеец, а потоа и на Елин.

Бидејќи во него се открива Божјата правда, од вера и во вера, како што е напишано: „Праведникот ќе живее преку верата.“

И навистина, она што е во Него невидливо, односно Неговата вечна си­ла и Божественост, уште од создавањето на светот јасно се гледа кај создадените нешта, за тие да немаат изговор.

Зашто, иако Го познаа Бога, тие не Го прославија како Бог, ниту, пак, Му заблагодарија, туку се заблудија во своите помисли, и нивното неразумно срце им се помрачи

Тие ја заменија Божјата вистина со лага и му се поклонија и му служеа на созданието наместо на Соз­да­те­лот, Кој е благословен довека. Амин!

Зашто Божјиот гнев се открива од небото над секоја безбожност и неправда на луѓето кои вистината ја спречуваат со неправда.

Затоа Бог ги предаде на срамни страсти: нивните жени го заменија природното општење со противприродно. И мажите, исто така, напуштајќи го природното општење со женскиот пол, се распалија со желби еден кон друг и вршеа срамни работи мажи со мажи, примајќи ја на себе заслужената отплата за својата заблуда. И бидејќи не се потрудија да Го познаат Бога, Бог ги предаде на нивниот изопачен ум – да го прават она што не прилега

тврдејќи дека се мудри, тие обезумија, и славата на нераспадливиот Бог ја заменија со лик на распадлив човек, на птици, на четириножни животни и на лазачи.