Популарни Библиски стихови од लूका 6

Сподели

देबा होले, तोहरेमन के हों देवल जाई। आदमीमन पूरा नाप दबाय-दबाय के आउर हिलाय-हिलाय के गिरत ले तोहरेमन केर कोरा में साजबैं। काले कि जे नाप से तोहरेमन नापाला, उकरे से तोहरे लगिन हों नापल जाई।”

भला आदमी अपन मन केर बेस भंडार से बेस गोइठमन के निकलायला, आउर बुरा आदमी अपन मन केर बुरा भंडार से बुरा गोइठमन के निकलायला, काले कि जे गोइठमन मन में भरल अहे, ओहे उकर मुँह से निकलेला।

मगर तोहरेमन अपन दुश्मनमन से प्रेम करा आउर उ मनक भलाई करा। आउर फिन पावेक केर आसरा राइख के उधरा ना देबा। तब तोहर इनाम महान होवी आउर तोहरेमन परमप्रधान केर संतान बाइन जबा, काले कि परमेश्‍वर बुरा आदमीमन केर आउर जेमन परमेश्‍वर के धन्यबाद नी देवैना, उ मनक उपरे हों दया करेला।

से लगिन जइसन तोहर आबा दयालु अहे, तइसनेहें तोहरेमन हों दयालु बना।

केखो दोष ना लगावा तो परमेश्‍वर हों तोहरे उपरे दोष नी लगाई। केखो दोषी ना ठहरावा तो परमेश्‍वर हों तोहरेमन के दोषी नी ठहराई, क्षमा करा तो परमेश्‍वर तोहरेमन के हों क्षमा करी।

मगर मोंय तोहरे सुनेक वालामन से कहाथों कि अपन दुश्मनमन से प्रेम करा, जेमन तोहरे से बैर करैना उमन केर भला करा। जेमन तोहरेमन के सराप देवैना, उमन के आशीष देवा, जेमन तोहरेमन केर अपमान करैना, उमन लगिन प्रार्थना करा।

आउर तोहरेमन दोसरमन से अपन लगिन जइसन ब्यवहार चाहाला, तइसनेहें तोहरेमन हों दोसरमन संगे ब्यवहार करा।

जे तोर एक गाल में चटका मारी उकर बटे दोसर गाल हों फेइर दे। आउर जे तोर गामछा के लुइट लेवी, उके झुला लेगेग से हों ना रोकबे। जे केऊ तोर से माँगी, उके देबे, आउर जे केऊ तोर से तोर कोनोवें चीज के लेई लेवी, उके घुराएक ले ना कहबे।

केऊ हों बेस आदमी बुरा काम नी करी, आउर ना तो केऊ बुरा आदमी बेस काम करी।

हरेक आदमी अपन काम से चिन्हाय जायला। काले कि आदमीमन काँटा झूँड़मन से अंजीर फार नी तोरैना, आउर ना झड़बेरी से अंगूर फार।