Популарни Библиски стихови од Mataio 13

Сподели

Ma ko nā fatu haito na lūlū ki luga o te kelekele lelei, e fakatuha ki nā tino e lagona te fekau ma mālamalama lelei ai; e fua mai e kilātou nā fua, ko iētahi e taki tau helau, ko iētahi e taki tau ono hefulu, ma iētahi e taki tau tolu hefulu.”

Ko nā fatu haito na pakukū ki te mea e ola ai nā vao mātuituia, e fakatuha ki nā tino e kilātou lagona te fekau a te Atua; kae ko popōlega o te olaga ma te mānumanu ki koloa o te lalolagi, kua taomia ai te fekau ma hē fua mai ai ni fua.

Ko nā tino e kilātou lagona te fekau e uiga ki te Mālō o te Atua kae hē mālamalama lelei e uiga ki ei, e fakatuha kilātou ki nā fatu haito na pakukū ki luga o te auala. E hau ia Hatani oi hamu kehe nā mea na totō ki o lātou loto.

Ko nā fatu haito na pakukū ki luga o te kelekele fatufatua, e fakatuha ki nā tino e kilātou talia ma te fiafia te fekau i te taimi lava e lagona ai e kilātou. Kae e hē loloto o lātou aka, ma e hē tūmau mataloa ai foki. Ko te taimi lava e pa mai ai nā puapuagā ma nā fakahāuāga ona ko te fekau, e vave lele oi uma to lātou talitonu.

“Ko te Mālō o te lagi e fakatuha vēnei. Na maua e he tamāloa he koloa tāua e tanu i he fenua. Kua tumu tona loto i te fiafia oi na toe tanu ai e ia ke galo, kae kua fano oi fakatau atu nā mea uma lele a ia, ma na totogi ai te fenua tēnā mo ia.

Ka ko iētahi fatu haito na pakukū ki luga o te kelekele lelei oi na fua mai ai nā fuāhaito: ko iētahi na fua mai e taki tau helau, ko iētahi e taki tau ono hefulu ma iētahi e taki tau tolu hefulu.”

Kae tuku vēia nā haito ma nā vao kino ke ola fakatahi ake ke pa ki te taimi o te helehelega. I te taimi tēnā, ka lea au ki nā tino helehele haito ke laga muamua ki luga nā vao kino ma tanoa fai lukulukuga, ma huhunu. Oi fātoā fakaputu mai ai nā haito ma kave ki loto o toku fale haito.’ ”