Популарни Библиски стихови од Valoma 6

Сподели

Umuunu ye ali musutu va ndzanangifu, uluhombo lwakwe ye fuwa ya mbeepali. Neke kangi uNguluvi átupeeliye uluwonolo lwa wuumi uwa mbeepali mwa Kilisiti Yesu, uMutwa veesu.

Indzanangifu yisivatema kangi, pakuva unyeenye musili mu wutemi wa milagililwe, nda haamu, muli mu wutemi wa lusungu lwa Nguluvi.

Pe twadzabiikwe, twali ngita twafuwe nu kusiilwa nave, kwe kutigila twakamiingʼiiswe nave mu fuwa. Ngita uKilisiti kye aadzulubwiswe ukuhuma ku wulungu wugendela wa ngufu ngomi dza Daada, ndeeni na yuufwe, twali ngita twadzulubwiswe nave, ukuta tuvedzage ni migendele mipiya mu miikalile gyesu.

Kangi mutanage ukufitawula ifipagwa fyenyo fya mivili fivedzage fya kulimila indzanangifu. Nda haamu, mwitawulilage nu kufitawula ifipagwa fya mivili fyonda fivedzage fya kulimila uwugolofu, nu kumutovela iligendwa uNguluvi, pakuva unyeenye muli vaanu ve ávadzulubwise, ukuta mwingile ku miikalile imipiya.

Pa ulo twidzeela ukutigila, uwumuunu weesu uwulovela waatoveleliilwe pa kipindulihidzo pamwinga nu Kilisiti, ukuta uwumuunu weesu wa ndzanangifu wutipulwe, tutanage ukuvedza vasutu va ndzanangifu kangi.

Unyeenye naanye mwiwonage ngita múfuwe ulwa wutemi wa ndzanangifu, neke kangi lino, muli vuumi pa kumukeeledza uNguluvi wugendela wa kukamiingʼaswa nu Kilisiti Yesu.

Lino tutigile kiki? Ongo, tuginage ukulima indzanangifu, ukuta uNguluvi aginage ukutoongelehedza ulusungu? Nambi, lusiivedza ewo! Ulwa mola ya kulima indzanangifu, uneefwe tuli ngita túfuwe. Kulingʼaana na ulo, tuginage wuli ukulima indzanangifu?

Muludzeelage ukutigila, wone mwitawulile ukuvedza vasutu va muunu wuli nu kudziidika dze iikeela, apo mwivedza vasutu vaakwe. Kwe kutigila, ngana mwininiila uwuhosi, mwivedza vasutu va wuhosi, uko kwihula ifuwa. Ngana mukumuniniila uNguluvi, mwivedza vasutu va Nguluvi, uko kwihula ukwidikilwa ukuvedza vagolofu.

Pakataali, pe musamudzeeliye uNguluvi, mwali vasutu va ndzanangifu. Lino ndikumuhongedza uNguluvi, pakuva unyeenye múfuuviilwe imbulanidzo dza Wukilisiti dze mwánukiye, kangi mwininiila ni numbula yonda. Kangi uNguluvi ávadinduliye ukuhuma mu wusutu wa ndzanangifu, ávahambwise muvedzage vasutu vaakwe, ukuta mulimage uwugolofu.