Популарни Библиски стихови од Valoma 5

Сподели

Neke kangi pe twali twave vanya ndzanangifu, uNguluvi aawoneesiidze uwende waakwe ukwesu, wugendela wa kumutawula uKilisiti afuwe wiimila weesu.

Uluhuuvilo ulo lusikutuyeyewusa pakuva twidzeela ukutigila, uNguluvi átwitiye uwende waakwe mu numbula dzeesu wugendela mwa Mubepo uMwimike ye átupeeliye.

Kangi, nde tuvedze tuli mu mumuko, twisigala nu lukeelo pakuva twidzeela ukutigila, imumuko dzikutupeela uwisamutima. Uwisamutima uwo we weene uwukutupeela uwukangafu wa numbula, nu wukangafu wa numbula wukutupeela uluhuuvilo.

Neke, pakuva uNguluvi átwidikiye ukuvedza vagolofu wugendela wa kumufuuwa uYesu, lino tuli nu lutengamaso nave wugendela mwa Mutwa veesu uYesu Kilisiti. Wugendela wa lufuuwo lwesu, uKilisiti átuhambwise twingile mu lusungu lwa Nguluvi, kangi twave tukwikala mu lusungu ulo. Mu ulo, tuli nu lukeelo pakuva twihuuvila ukutigila, tulaavedzasa nu Nguluvi mu ndolo dzaakwe.

Umusika gwe aahaaguwe uNguluvi pe twali tungaya ngufu, uKilisiti aadzile mu kufuwa wiimila weesu ye tusili vagolofu.

Neke lino, pakuva twídiikwe ukuvedza vagolofu wugendela mu danda ya Yesu, ndakyene tuhadza twipokwa wugendela mwa Yesu ukuhuma mu ligooga lya Nguluvi.

Kangi, ngita umuunu yumwinga kye aakaanile ukumwidika uNguluvi, akuvahulilaga avaanu voloofu vavedze vanya ndzanangifu, ndeeni umuunu yumwinga ye amwidiike uNguluvi, alavahulila avaanu voloofu viidikilwe ukuvedza vagolofu.

Kangi si luulo hela, nda haamu, pamwinga na ulo, uNguluvi átuhambwise tukeele hiilo, wugendela mwa Mutwa veesu uYesu Kilisiti ye átuteepwidze nu Nguluvi.