Популарни Библиски стихови од 1 Vakolindo 2

Сподели

Napo kangi, ngita kye lúsimbiilwe mu Wusimbe uWiimike ukutigila, “Sikwali umuunu ye aagelile ukudziwona nambe kudzipulika, dzisinaa dzigelaga ukwingila mu numbula ya muunu, uNguluvi dze avagelanidziye avakumwenda.”

Lino umuunu ye angaya Mubepo va Nguluvi, asiikwanukila idziihuma kwa Mubepo uyo, pakuva ukwakwe idzo, dze dzeene dza wupuva, kangi iilemwa ukudzifika. Umuunu asiilemwa ukudzifika idzo wugendela wa ngufu iya Mubepo uyo swe.

Neke kangi uNguluvi átuvilatuliye uneefwe uluhalawukagudzi waakwe wugendela mwa Mubepo. Pakuva uMubepo uMwimike iikomandza dzonda, nambe dza ku kinyele kwa Nguluvi.

Lino uneefwe sitwanukiye imihoodzehedze gya pe naanyi, ukuta tuhoodzage ngita avaanu va pe naanyi, nda haamu, twanukiye uMubepo ye iihuma kwa Nguluvi, ukuta tudzifike dze átupeeliye uNguluvi mu lusungu lwakwe.

Umusika pe ndaawulanidzaga nu kudalika, sindaalongaga amadzwi ga luhalawukagudzi ga kuvakoofya ukuta mufuuwe, nda haamu, ndaalongaga amadzwi agaawoneesaga ingufu dza Mubepo uMwimike. Ndaalimile idzo, ukuta ulufuuwo lwenyo lutanage ukuhuuvila uluhalawukagudzi lwa vaanu, nda haamu, luhuuvilage ingufu dza Nguluvi.