Популарни Библиски стихови од Yexejqel 34

Сподели

Giimun mu ka wada uka. Pbrnahun mu wada lwaqun. Plbuun mu ka mnangal luqah. Pklmeun mu ka wada mnarux. Wano ba mtbeno na ka phqilun mu. Sdoi mu pgntena tmabu ka dheya.’”

Hmuwa mesa migin miric na ali wada mkrehak ka rahul miric na ka mtabu we, mpuyu ku so kiya migin ku miric mu. Mkrehak ani inu meeniq ali msurung ma mnkuung ciida we, pbrahun mu dmoi baga peeyah hiya ka dheya.

“Rnengo so nii ka Utux Tmninun Bukung: ‘Qtai! Yaku nanak ka maha migin miric mu ma, slayun mu.

Tbugun mu nanak ka rahul miric mu ma, psngayun mu nanak ka miric mu. Rnengo Utux Tmninun Bukung ka nii.

Dseediq yamu nii we, seediq mu kiya. Kiya ka miric tnbugan speriq mu. Yaku we Utux namu Baro. Rnengo Utux Tmninun Bukung ka nii.”

“Laqi seediq! Rngage kari pgeela ka dmtabu Israel. Rngagi ka dheya, rmnengo so nii ka Utux Tmninun Bukung: Smtali su bale! Tmabu dheya nanak ka dmtabu Israel. Uxe mtabu rahul miric ka mtabu peni?