Популарни Библиски стихови од Kur 8

Сподели

Abafumu ku baateireho n'emiguruko yaabo kureeta emibu, baaremwa. Haza egyo mibu yaashugyeera abantu n'enyamaishwa. Abafumu baagira Faraaho bati: Mbwenu eki Ruhanga niwe yaakikoresa orukumu rwe. Kwonka omutima gwa Faraaho gwaguma gugangaire; yaayanga kubahurira, nk'oku Mukama yaagambire.

Bwanyima Nyakubaho akagambira Musa ati: Za owa Faraaho, omugire oti: Nyakubaho naagira ati: Reka abantu bangye bagyende, babone kumpeereza.

Kwonka Faraaho ku yaareebire haabaho okuyugirwa, yaagangaaza omutima, yaayanga kubahurira, nk'oku Nyakubaho yaabaire agambire.

Kwonka ku oraayangye kubareka bakagyenda, niinyija kuteeza ensi yaawe yoona ebikyere.

Bwanyima Nyakubaho akagira Musa ati: Gambira Arooni oti: Banga enkoni yaawe, oteere omucuucu gw'aha nsi, gurugwemu emibu omu nsi ya Misiri yoona.

Haza Nyakubaho nikwo yaakozire. Haija emizinga y'eshohera, yaataaha omwa Faraaho, n'omu maju g'abaheereza be, n'omu nsi ya Misiri yoona. Ensi yaasiisikara ahabw'ezo shohera.