Популарни Библиски стихови од मरकुस 14

Сподели

अते बोल्लेया, “ओ अब्बा, पिता, किजोकी तुसा सब किच्‍छ करी सकदे इधेरे तांइ इस दुख जो मेरे का हटाई लेयो, ताकि मेरे जो ए सब ना सहणा पेयो, पर तां भी जिय्यां मैं चाह्‍ंदा तिय्यां नी, पर जे तुसा चाह्‍ंदे, से ही हो।”

यीशु ने तिन्हा त्रै चेल्‍लेयां जो बोल्लेया, “तुसी मेरी गल्ल मनणा तां चाह्‍ंदे, पर तुसा शारीरिक तौर पर कमजोर हिन। इधेरे तांइ चुकन्ने रेयो ते प्रार्थना करदे रेयो ताकि तुसा परिक्षा बिच ना पेयो।”

मैं तुसा जो सच बोलदा कि सारी दुनिया अन्दर जित्ते भी सुब बसेख रा प्रचार कित्तेया जाणा, तित्ते इस जनानी रे इस कम्म रा जो याद कित्तेया जाणा।”

ते तिन्हा त्रैनी चेल्‍लेयां जो बोल्लेया, “मेरा मन बड़ा उदास है, इत्ते तांइ कि मैं मरणे वाला है। तुसा इत्ते ही रुको, ते जागदे रेयो।”

जां से खाया ही करदे थिये, यीशु ने रोट्टी लेई, अते आशीष मंगी करी तोड़ी, अते चेल्‍लेयां जो दित्ती, ते बोल्लेया, “लेयो, ए रोट्टी मेरे सरीर जो दर्शांदी।”

फिरी तिन्हा ने अंगूर रे रस्स रा डुंगा लेई करी परमेश्वर रा धन्यवाद कित्ता, अते से भी अपणे चेल्‍लेयां जो दित्तेया ते उन्हा सब जणेयाँ ने तिस बिच का पित्तेया। ते यीशु ने चेल्‍लेयां जो बोल्लेया, “ए अंगूर रा रस्स मेरे खून जो दर्शांदा, जे परमेश्वर री लोक्कां कने वाचा जो साफ तौर पर पक्का करदा। ते ए मते लोक्कां रे पाप्पां का छुटकारे तांइ बहाया जाणा।

जां से मणू रस्ते बिच थिये, तां यीशु ने अपणे चेल्‍लेयां जो बोल्लेया, “तुसां सबणी जणेया ने मेरे जो छड्डी दैणा, किजोकी पवित्रशास्त्र बिच लिख्खे रा है, ‘मैं रखवाले जो मारणा, ते भेड़ां ने तितर-बितर होई जाणा।’

उठ्ठो ते चलो! दिख्खो, मेरे जो पकड़वाणे वाला नेड़े आई रेया।”

यीशु ने पतरस जो जवाब दित्ता, “मैं तेरे कने सच बोल्दा, अज्ज रात्ती ही मुर्गे रे दो वरी बांग मारणे का पैल्ले तैं तीन्न वरी मेरे जो पहचानणे का मुकरणा।”