Популарни Библиски стихови од मरकुस 13

Сподели

ते सारेयां ने तुसा कने नफरत करणी किजोकी तुसा मेरे चेल्‍ले हिन। पर जिनिये मरदे दम तक विश्वास बिच टिके रैह्णा तिसेरा ही छुटकारा होणा।

किजोकी तुसा नी जाणदे कि से दिन कधाड़ी आणे वाला है, इधेरे तांइ, चुकन्ने रेयो, ते प्रार्थना करदे रेयो!

जिस बेल्ले तुसा कने कचेरी बिच सवाल-जवाब कित्ते जाणे, तां डरदे मत कि कै जवाब दिंगे। से ही बोल्लेयो जे परमेश्वर तिस बेल्ले बोलणे तांइ दस्से, किजोकी बोलणे वाले तुसा नी पर पवित्रात्मा है।

आसमान ते जमीन टली जाँगे, पर मेरी गल्लां कदी भी नी टलणी।”

“तिस रोज या तिस बेल्ले रे बारे अन्दर कुस्की जो भी नी पता, ना स्वर्गदूत अते ना ही पुत्तर जो। पर सिर्फ पिता जो ही पता है।”

जां तुसा लड़ाईयां ते लड़ाईयां री धमकियां सुणगे, तां डरदे मत। हाँ, ए सारी गल्लां तां होणी ही हिन, पर अंत इन्ने तौले नी होणा।

इधेरे तांइ जागदे रेयो, किजोकी तुसा जो पता नी है कि घर रे मालक ने कुस बेल्ले आणा है, संझा या धरात्ते बेल्ले, या मुर्गे रे बांग दैणे रे बेल्ले या भ्याग्गा। इय्यां ना हो कि से चाण-चक्केई आई रेयो ते तुसा सुत्ते रे होन्। अते मैं जे तुसा जो बोल्दा, से ही सबणी जो बोल्दा : चुकन्ने रेयो!”

किजोकी देस-देस रे लोक्कां ने अप्पु अंदर लड़ाईयां करणी ते इक्क राज ने दूज्जे राज पर हमले करणे। मती जगाह् पर हिल्लण आणे, ते अकाल पेई जाणे, पर ए तां तकलिफां री सुरुआत ही है।

पर जरुरी है कि सुब बसेख पैल्ले दुनिया रे सारे देस रे लोक्कां अन्दर रा सूणाई दित्तेया जाए।

किजोकी मते जणेया ने मेरा नां लेई करी आणा, ते बोलणा कि, “मैं ही मसीह है” ते मते जणेया जो भटकाई दैणा।

“पर तुसा चुकन्ने रेयो, किजोकी जां ए सारी चीजां होणा सुरु होणी तां तुसा लोक्कां जो पकड़ी करी पंचायत बिच लेई जाया जाणा ते सभास्थल बिच मारेया-कुट्टेया जाणा, तुसा जो हाकमां ते राज्जेयां सामणे लेई जाया जाणा किजोकी तुसा मेरे चेल्‍ले हिन।” पर ए तुसा तांइ मौक्का होणा कि तुसा तिन्हेरे सामणे मेरी गवाई देई सको।

किजोकी झूठ्ठे मसीह ते झूठे भविष्यद्वक्ता खड़ी उठणे, अते तिन्हा मती किस्म री निशानियां ते चमत्कार वाले कम्म दखाणे ताकि होई सके तां से चुणे रे लोक्कां जो भी धोखा देई दैण।

“तिन्हा रोज्जां बिच, तिन्हा मुसीबतां रे दिनां रे बाद, सूरज न्याहरा होई जाणा, ते चाँद ने रौसनी नी दैणी, ते आसमान का तारे छुड़कणा लग्गी पैणे, ते आसमान री शक्तियां हिलाई जाणी।”