Популарни Библиски стихови од Rôm 11

Сподели

Yé abe e mʉr, ebě, nye ó b'á komlo bisá bíbyɛ̂h. Byé á kwɨmlɨ ntémé ó, ɨ́ nzɨ̌ nyé. Sá yɨ́yɛ̂h, yê tɨ̂ʼ ó, lɨ́ esú lé. Mɨná gúmlaa gá nye njʉ̌m dǐ e njʉ̌m dǐ. Amɛn.

Sâ buo ókúm mé Nzyɛ̌m! Ocwóó wé le ngwɨ́á wé, byé abe le odumo. Nzé dí e nkul egʉ́a mítíʼá mí lémé wé? Nzé dí e nkul egʉ́a bísyɛ́ɛla nyé dí esâ bí?

Yê cɛmá ɨ́ Mekaná mé Nzyɛ̌m ó: Nzé dí egʉ́a mípahlá mé Dâ Nzyɛ̌m ɛ̌? Nzé dí e nkul edwe nyé metwɨ́ɨ́?

Ɨ́ myǎ bʉ̂r gá wɨ́ná wɨ̂, yé ntémé, yé e mâ dœ́h é bʉ̂r lé á lîʼ ɨ́ kúl bʉ̂r o b'Ɨ́zraɛ̂l lɨ́, bʉ̌r Nzyɛ̌m á boo twâr ɨ́ mpam nyé lɨ́ esú lɔ́ɔ́ bá. Nye á twâr bé ó, ɨ́ mpam nyé. Nye á bé atwâr bé ɨ́ lɔ̌b bísyɛ́ɛla bimpâ byɔ́ɔ́. Yé bé nye á twâr bé ó, ɨ́ lɔ̌b bísyɛ́ɛla byaá nó, lɛ́ɛ́, mpam á bé akǎ be mpâm.

Kúl bʉ̂r o b'Ɨ́zraɛ̂l, yé ó mpʉ̌ lɨ́ ólivier, yé á be e milɔ́ɔ́ myé á be agúmo mpumó mí yɨ́. Bê nzě syɛ̂h mílɔ́ɔ myaá, ntɔ̂ʼ nʉa myúú mílɔ́ɔ́ mí lɨ́ ólivier yé á pâh ɨ́ dwǐʼ yɨ́, ntɔ̂ʼ nɛr myé tɨ̂ʼ ɨ́ kuó lɨ́ yaá. Jwɨʼ gwár e gwár yaá ó bɨ́n á nɛrɔɔ ɨ́ kúl óYúden yɨ́. Bɨ̌n ntɔ̂ʼ pûhla e bé lɨ́ edirǎ nyɔm ɨ́ bitûl bi dí eduho ɨ́ mikaalé bí. Bitûl byaá, byé ó dí edwe mépwaʼ ɨ́ milɔ́ɔ mi dí minɛrá ɨ́ kuó lɨ́ mí. Mpʉ yé dí nó yɨ́, apyêh gá milɔ́ɔ́ mí lɨ́ mû sí syɛ́hɔɔ mí. Bɨ́n ódoʼo nó, bɨ̌n agʉ́a gá ó, ntʉ bɨ́n, milɔ́ɔ, dí enkɛ́ɛ míkaalé. Mikaalé míɛ ó dí enkɛ́ɛ mílɔ́ɔ.