Популарни Библиски стихови од Yozhanq Saw 15

Сподели

“Gou dwg go buzdauz, faenhsou dwg gij nge de. Siengzseiz caeuq gou youq hih, gou caemh siengzseiz caeuq de youq, de caemh ndaej dawz haujlai mak, aenvih mbouj miz gou, faenhsou couh gijmaz cungj mbouj ndaej guh daengz.

Faenhsou ij siengzseiz caeuq gou youq; gou caemh siengzseiz ij caeuq faenhsou youq. Cingq luj gij nge buzdauz, hauhnaeuz mbouj nem youq gwnz go de, nge de couh mbouj ndaej dawz mak; yiengq, hauhnaeuz faenhsou mbouj caeuq gou youq, faenhsou caemh ciuqyiengh mbouj ndaej dawz mak.

Yiengq, hauhnaeuz faenhsou siengzseiz caeuq gou youq, caemh ndaejgeiq gij vah gou, ciuq gij vah gou bae guh hih, mboujguenj faenhsou ij aeu gijmaz, gouz couh ndaej lo.

“Mbouj dwg faenhsou senj gou, dwg gou senj faenhsou hawj faenhsou bae dawz gij mak mbouj rox naeuh hih lah. Yienghmwnq faenhsou couh ndaej hij gij coh gou ma gouz, mboujguenj faenhsou gouz daxboh aeu gijmaz, de cungj nyok hawj faenhsou gijmaz.

Mij saek yiengh aiq ndaej beij vih baengzyoux hwj sijndaej vwt diuz mingh bonjfaenh hwj engqgya aiq haem lo.

Famz haeuj gij nge gou, hoeng, mbouj dawz mak hih, couh ngaiz de daet bae. Nge ndaej dawz mak hih, de couh caed ngez ndei, hawj nge de dawz mak engqgya lai.

Faenhsou ij doxaiq, caemh luj gou aiq faenhsou yienghmwnq; gij neix couh dwg gij mingqlingq gou.

Hauhnaeuz faenhsou lai dawz mak, boh gou couh vih yienghneix hwj ndaej najrongh, faenhsou caemh gaengjdingq dwg lwgsae gou.

Yehsuh caeuq gyoengq lwgsae de bae le, couh doiq gyoengqde naeuz: “Gou dwg go buzdauz caen he, daxboh gou dwg guh boux ndaem he.

Doengh boux mbouj siengzseiz caeuq gou youq hih couh luj doengh nge vwt youq rog he ngaiz rai lo, ngaiz vunz nyaeb ma dwk haeuj feiz bae.

Gou naeuz doenghgij saeh neix naeuz faenhsou ni dwg ij hawj faenhsou caemh ndaej vuenheij luj gou, hawj faenhsou ndaej vuenheij raixcaix.

Hauhnaeuz faenhsou soenhsouj gij mingqlingq gou, yiengq couh dwg siengzseiz souj ndei gij aiq gou lo, caemh luj gou soenhsouj gij mingqlingq daxboh gou, siengzseiz souj ndei gij aiq de yienghmwnq.

Faenhsou ij doxaiq; gij neix couh dwg gou dih mingqlingq.”

Hauhnaeuz faenhsou dwg haeuj aen seiqgyaiq neix nex, aen seiqgyaiq neix hih vunz gaengjdingq aiq faenhsou. Hoeng, faenhsou mbouj dwg haeuj aen seiqgyaiq neix law, aenvih gou gaenq dawz faenhsou senj okdaeuj lo, sojhij aen seiqgyaiq neix couh dwgcaengz faenhsou lo.