Популарни Библиски стихови од 1 Kolinita 2

Сподели

Ta hesi 'ida yaliyayaina weyahina Buki He'asisi 'ina hepwaila 'igwaeya, “Sahena tagwaegwae Yehoba 'ana tohelauwao 'adi lema bwebwe'ana hedadena 'i'atububuya. Geya 'eta loheya 'ida 'iteya bo 'ihesagohe ma 'ida nuwasabwalena lemaina, weyahina bwebwe'ana hedada.”

Ta hesi 'eguma geya, geya'abwa wete sisanasanapu, weyahina 'oidiya 'abehega ginaula yauyauledi tuwa. Coinega geya sowasowahidi ma ginaulaedi sisanapudi, weyahina Yehoba Yaluyaluwana geya 'i'abihenuwa sabwalenidi.

Ta hesi Yaluyaluwa Tabuna 'oinega Yehoba sanapuina 'i'abilatuheya 'oida, weyahina Yehoba Yaluyaluwana ginaula mabwaiyana 'isanapudiya. Coinega Yehoba 'ina nuwatuhu dahwadahwaidi wete 'isanapudiya.

Yehoba Yaluyaluwana geya gogo gabulena yaluyaluwadi gide, ma hesi Yehoba 'i'ebwaegita Yaluyaluwanaina, 'oinega tanuwa sabwalena 'ina helauwedi taudi 'iheguyaiyediya.

Ma wete 'igu guguya 'oimiya geya gwae waiwaidi nuwana sanapu 'oidiyega, ta hesi Yaluyaluwa Tabuna 'ina waiwaiyega. Coinega 'igu guguyaina wahesagoheya ma wada hemisae 'abehega geya tomota 'idi sanapu 'oinega, ta hesi Yehoba 'ina waiwaiyega.