1. Mojsije 40
40
O Peharniko thaj o Pekari
1Pale varesavi vrjama, dogodisajlo kaj o egipatsko carosko peharniko thaj o pekari sagrešisardine vareso protiv piro gospodari, o egipatsko caro. 2O faraon holjajlo pe akala pire duj službenikurja, po glavno peharniko thaj po glavno pekari, 3thaj čhuda len ande tamnica ando ćher ko zapovedniko pe dvorsko straža, kaj sas phanglo vi o Josif. 4O zapovedniko odredisardas lenđe e Josife te služil lenđe.
Pošto varesavi vrjama sas ande tamnica. 5Ande isto rjat o Egipatsko caresko peharniko thaj vi o pekari dikhline sune thaj svako suno sas les lesko značenje.
6Kana o Josif detharinako avilo lende, dikhla kaj liduj snuždisajle, 7thaj phučla len: “Sostar sen ađes gajda snuždime?”
8Von phendine lešće: “Liduj džene dikhlam sune, ali naj khonik te tumačil len amenđe.”
O Josif pe godova phendas lenđe: “Naj li o Del godova savo del te tumačin pes e sune? Hajde mothon manđe tumare sune.”
9Gajda o glavno peharniko phendas e Josifešće piro suno: “Ande mungro suno dikhlem angle mande e lozako čokot 10thaj pe leste trin terne loze. Thaj tek so teljardine e pupoljkurja, e loza procvetosarda thaj pe drak paćajine e bobice. 11Ando vas inćaravas e faraonesko pehar, pa lijem godoja drak, iscedisardem lat ande faraonesko pehar thaj čhutem les ande faraonesko vas.”
12O Josif phendas lešće: “Ake so godova suno značil: Trin terne loze si trin đesa. 13Pale trin đesa o faraon vazdela ćiro šoro thaj boldela tut ande ćiri služba, pa palem čhoja o pehar ande faraonešće vas sago vi majsigo, dok sanas lesko peharniko. 14A kana avela tuće lačhe, de tut gođi mande, av ljubazno thaj spomeni man e faraonešće te inkalel man andar akaja tamnica. 15Kaj e silava semas inđardo andar e phuv e Jevrejenđi, a ni akate khančeja či zaslužisardem te čhuden man ande tamnica.”
16Kana o glavno pekari dikhla kaj o Josif lačhe tumačisardas e peharnikosko suno, phendas e Josifešće: “Vi me dikhlem suno: Pe mungro šoro sas trin korpe palo mangro. 17Ande okoja savi sas majopre, sas svako vrsno pecivo palo faraon, ali e čiriklja hanas andar e korpa pe mungro šoro.”
18O Josif phendas lešće: “Ake so godova suno značil: Trin korpe si trin đesa. 19Pale trin đes o faraon čhinela ćiro šoro thaj unglavela ćiro telo po kaš thaj e čiriklja hana ćiro mas tutar.”
20Gajda vi sas: o trito đes sas e faraonesko rođendan. O faraon pripremisardas gozba pale sa pire službenikurja thaj angle lende inkalda e glavne peharniko thaj e glavne pekare. 21E glavne peharniko bolda ande lešći služba, pa vo palem čholas o pehar ande faraonešće vas, 22a e glavne pekare ungladas, baš sago kaj o Josif tumačisardas lenđe.
23Ali o glavno peharniko bistardas po Josif thaj či spomenisarda les e faraonešće.
Šiuo metu pasirinkta:
1. Mojsije 40: RČB
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės