1. Mojsije 37
37
O Josif thaj lešće phral
1O Jakov trajilas ando Hanaan kaj trajilas lesko dad sago stranco. 2Akava si zapis pale Jakovešći familija.
Kana o Josif sas terno čhavo katar dešuefta brš, čarjarelas e stadurja e phralenca save sas čhave e Bilhaće thaj e Zilpaće, romnjenđe katar lesko dad. O Josif motholas pire dadešće pale bilačhe buća save lešće phral ćerenas.
3O Izrael katar sa pire čhave majbut volilas e Josife, kaj bijandilo lešće ande lešće purane brš. Zato ćerda lešće barvalo ukrasime ogrtači. 4Kana e Josifešće phral dikhline kaj lengo dad volilas les majbut katar sa lendar, gadići mrzan les kaj majbut nijek šukar alav našti mothonas lešće.
5Jekhvar o Josif dikhla suno thaj mothoda o suno pire phralenđe, a von zbog godova još majbut mrzanas les.
6O Josif phendas lenđe: “Ašunen sosko suno dikhlem: 7Phandavasas o điv ande snopurja ando polje, kana mungro snopo katar jekhar vazda pe thaj vortosajlo, a tumare snopurja ćidine pe oko leste thaj poklonisajle lešće.”
8Lešće phral pe godova phendine lešće: “So tu gndis te vladis pe amende? So kames te aves amaro gospodari?”
Zbog lesko suno savo sas les thaj zbog godova so phendas lenđe, još majbut mrzanas les.
9O Josif dikhla vi aver suno thaj phendas pire phralenđe: “Ašunen mande. Palem sas man suno. O kham, o čhonut thaj e dešujek čereja poklonisajle angle mande.”
10Kana godova phendas pire dadešće thaj pire phralenđe, lesko dad čhuta muj pe leste thaj phendas: “Čefal suno si gadava savo dikhlan! Zar ćiri dej, me thaj ćire phral avas te pokloni men angle tute dži ke phuv?” 11Thaj dok lešće phral sas zavidne lešće, lesko dad inćarelas o gindo pe godova suno.
12Kana jekhar lešće phral đele te čarjaren pire dadešće stadurja pašo Sihem, 13o Izrael phendas e Josifešće: “Džanes kaj ćire phral čarjaren e stadurja pašo Sihem. Ajde, bičhalava tut lende.”
O Josif phendas: “Lačhe.”
14O Izrael phendas lešće: “Dža thaj dik, dali si sa laćhe ćire phralenca thaj e stadonenca. Askal bolde tut te phenes manđe.” Gajda bičhalda les andar e Hevronsko dolina.
Kana o Josif areslo ando Sihem, 15dikhla les jek manuš sar lutil ando polje thaj phučla les: “So rodes?” 16O Josif phendas: “Rodav mungre phralen. Phen manđe, moliv tut, kaj čarjaren o stado?”
17O manuš phendas: “Đeletar akatar. Ašundem len sar phendine: ‘Hajde te džas ando Dotan.’ ”
O Josif đelo pale pire phral thaj arakhla len ando Dotan. 18Von već dadural line les sama. No, majsigo nego so avilo paše lende, ćerdine pe svato te mudaren les. 19Phendine jek avrešće: “Ake, avel okova gospodari e sunengo. 20Hajde te mudaras les thaj te čhudas les ande jek katar akala bare hainga. Phenasa kaj hala les e divljo životinja. Askal dikhasa so avela lešće sunenca!” 21Kana ašundas godova o Ruvim, kamelas te spasil les andar lenđe vas.
Phendas: “Na te mudaras les! 22Na čhoren o rat! Čhuden les ande akaja bari haing akate ande pustinja, ali na vazden o vas pe leste.” O Ruvim godova phendas te spasil e Josife andar lenđe vas thaj te boldel les lešće dadešće.
23Kana o Josif areslo ke pire phral, von fuljardine lestar okova barvalo ukrasime ogrtači, 24pa astardine les thaj čhudine les ande haing. E haing sas čuči thaj nas andre paj.
25Askal bešline te han. Ande godova vazdine e jakha tha dikhline e Jišmajelenđi karavana sar avelas andar o Gilad. Lenđe kamile sas natovarime e začinenca, e balsameja thaj e smirnava save inđarenas ando Egipat. 26Askal o Juda phendas pire phralenđe: “So avela men katar godova te mudaras amare phrale thaj garavas lesko smrto? 27Hajde te bićinas les akale Jišmajelenđe. Na te vazdas o vas pe leste kaj si amaro phral, amaro rat.” Thaj e phral čhutine kan leste. 28Kana e midjanske trgovcurja naćhenas paše lende, e phral inkaldine e Josife andar e haing thaj pale biš rupune love bićindine les e Jišmajelenđe save inđardine les ando Egipat.
29Kana o Ruvim bolda pe ke haing thaj dikhla kaj o Josif naj ande late, pharadas pire drze pe peste, 30askal bolda pe ke pire phral thaj phendas: “Naj o čhavro! So ćerava akana?”
31Askal e phral line e Josifesko ogrtači, dine čhurjasa jeće jarco thaj o ogrtači makhline ande lesko rat, 32pa o ogrtači inđardine pire dadešće thaj phendine: “Arakhlam akava. Le dik dali si akava o ogrtači katar ćiro čhavo.”
33O Jakov pindžarda o ogrtači thaj phendas: “Ej, gada si o ogrtači mungre čhavesko! Varesavi divljo životinja hala les! O Josif si rastrgnome pe kotora!”
34Askal o Jakov pharadas pire drze thaj lijas pe peste o kostret thaj but đes rovelas pale pesko čhavo. 35Sa lešće čhave thaj lešće čheja avenas te utešin les, ali vo či kamla uteha, nego phendas: “Kućiva pale mungro čhavo dok me či merav.”
Gajda lesko dad rovelas pale leste.
36A okola Midjancurja bićindine e Josife ando Egipat, e Potifarešće, savo sas jek katar e Faraonešće bare službenikurja, thaj zapovedniko pe dvorsko straža.
Šiuo metu pasirinkta:
1. Mojsije 37: RČB
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
1. Mojsije 37
37
O Josif thaj lešće phral
1O Jakov trajilas ando Hanaan kaj trajilas lesko dad sago stranco. 2Akava si zapis pale Jakovešći familija.
Kana o Josif sas terno čhavo katar dešuefta brš, čarjarelas e stadurja e phralenca save sas čhave e Bilhaće thaj e Zilpaće, romnjenđe katar lesko dad. O Josif motholas pire dadešće pale bilačhe buća save lešće phral ćerenas.
3O Izrael katar sa pire čhave majbut volilas e Josife, kaj bijandilo lešće ande lešće purane brš. Zato ćerda lešće barvalo ukrasime ogrtači. 4Kana e Josifešće phral dikhline kaj lengo dad volilas les majbut katar sa lendar, gadići mrzan les kaj majbut nijek šukar alav našti mothonas lešće.
5Jekhvar o Josif dikhla suno thaj mothoda o suno pire phralenđe, a von zbog godova još majbut mrzanas les.
6O Josif phendas lenđe: “Ašunen sosko suno dikhlem: 7Phandavasas o điv ande snopurja ando polje, kana mungro snopo katar jekhar vazda pe thaj vortosajlo, a tumare snopurja ćidine pe oko leste thaj poklonisajle lešće.”
8Lešće phral pe godova phendine lešće: “So tu gndis te vladis pe amende? So kames te aves amaro gospodari?”
Zbog lesko suno savo sas les thaj zbog godova so phendas lenđe, još majbut mrzanas les.
9O Josif dikhla vi aver suno thaj phendas pire phralenđe: “Ašunen mande. Palem sas man suno. O kham, o čhonut thaj e dešujek čereja poklonisajle angle mande.”
10Kana godova phendas pire dadešće thaj pire phralenđe, lesko dad čhuta muj pe leste thaj phendas: “Čefal suno si gadava savo dikhlan! Zar ćiri dej, me thaj ćire phral avas te pokloni men angle tute dži ke phuv?” 11Thaj dok lešće phral sas zavidne lešće, lesko dad inćarelas o gindo pe godova suno.
12Kana jekhar lešće phral đele te čarjaren pire dadešće stadurja pašo Sihem, 13o Izrael phendas e Josifešće: “Džanes kaj ćire phral čarjaren e stadurja pašo Sihem. Ajde, bičhalava tut lende.”
O Josif phendas: “Lačhe.”
14O Izrael phendas lešće: “Dža thaj dik, dali si sa laćhe ćire phralenca thaj e stadonenca. Askal bolde tut te phenes manđe.” Gajda bičhalda les andar e Hevronsko dolina.
Kana o Josif areslo ando Sihem, 15dikhla les jek manuš sar lutil ando polje thaj phučla les: “So rodes?” 16O Josif phendas: “Rodav mungre phralen. Phen manđe, moliv tut, kaj čarjaren o stado?”
17O manuš phendas: “Đeletar akatar. Ašundem len sar phendine: ‘Hajde te džas ando Dotan.’ ”
O Josif đelo pale pire phral thaj arakhla len ando Dotan. 18Von već dadural line les sama. No, majsigo nego so avilo paše lende, ćerdine pe svato te mudaren les. 19Phendine jek avrešće: “Ake, avel okova gospodari e sunengo. 20Hajde te mudaras les thaj te čhudas les ande jek katar akala bare hainga. Phenasa kaj hala les e divljo životinja. Askal dikhasa so avela lešće sunenca!” 21Kana ašundas godova o Ruvim, kamelas te spasil les andar lenđe vas.
Phendas: “Na te mudaras les! 22Na čhoren o rat! Čhuden les ande akaja bari haing akate ande pustinja, ali na vazden o vas pe leste.” O Ruvim godova phendas te spasil e Josife andar lenđe vas thaj te boldel les lešće dadešće.
23Kana o Josif areslo ke pire phral, von fuljardine lestar okova barvalo ukrasime ogrtači, 24pa astardine les thaj čhudine les ande haing. E haing sas čuči thaj nas andre paj.
25Askal bešline te han. Ande godova vazdine e jakha tha dikhline e Jišmajelenđi karavana sar avelas andar o Gilad. Lenđe kamile sas natovarime e začinenca, e balsameja thaj e smirnava save inđarenas ando Egipat. 26Askal o Juda phendas pire phralenđe: “So avela men katar godova te mudaras amare phrale thaj garavas lesko smrto? 27Hajde te bićinas les akale Jišmajelenđe. Na te vazdas o vas pe leste kaj si amaro phral, amaro rat.” Thaj e phral čhutine kan leste. 28Kana e midjanske trgovcurja naćhenas paše lende, e phral inkaldine e Josife andar e haing thaj pale biš rupune love bićindine les e Jišmajelenđe save inđardine les ando Egipat.
29Kana o Ruvim bolda pe ke haing thaj dikhla kaj o Josif naj ande late, pharadas pire drze pe peste, 30askal bolda pe ke pire phral thaj phendas: “Naj o čhavro! So ćerava akana?”
31Askal e phral line e Josifesko ogrtači, dine čhurjasa jeće jarco thaj o ogrtači makhline ande lesko rat, 32pa o ogrtači inđardine pire dadešće thaj phendine: “Arakhlam akava. Le dik dali si akava o ogrtači katar ćiro čhavo.”
33O Jakov pindžarda o ogrtači thaj phendas: “Ej, gada si o ogrtači mungre čhavesko! Varesavi divljo životinja hala les! O Josif si rastrgnome pe kotora!”
34Askal o Jakov pharadas pire drze thaj lijas pe peste o kostret thaj but đes rovelas pale pesko čhavo. 35Sa lešće čhave thaj lešće čheja avenas te utešin les, ali vo či kamla uteha, nego phendas: “Kućiva pale mungro čhavo dok me či merav.”
Gajda lesko dad rovelas pale leste.
36A okola Midjancurja bićindine e Josife ando Egipat, e Potifarešće, savo sas jek katar e Faraonešće bare službenikurja, thaj zapovedniko pe dvorsko straža.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės