ဢီႉသႃႇယႃႉ 35
35
တၢင်းမူၼ်ႈပျေႃႇၶဝ်ၸိူဝ်းဢၼ်လႆႈၶၢမ်ႇတၢင်းထုတ်ႇၼုၵ်ႈဢဝ်
1ထိူၼ်ႇဢိၵ်ႇတင်းပၢင်ႇပဵင်းၼၼ်ႉ တၵ်းၸူမ်းသိူဝ်းလႄႈ တီႈဢၼ်သဵတ်ႇဢၼ်ယဵၼ်ၼၼ်ႉ တၵ်းသႂၢင်ႇသိူဝ်းသေလႄႈ မွၵ်ႇမွၵ်ႇ မိူၼ်ၸိူဝ်ႉၼင်ႇ မွၵ်ႇၼိင်းသီႇဢေႃႈ။- 2တၵ်းမွၵ်ႇမွၵ်ႇၼမ်ၼႃႇလူင်လၢင်လႄႈ တၵ်းမီးတၢင်းဢၼ်မူၼ်ႈပျေႃႇ တၢင်းဢၼ်ႁဵတ်းၵႂၢမ်းသေလႄႈ သႂၢင်ႇသိူဝ်းဢေႃႈ။ တၵ်းပျေႉၸုမ်ႇဝႆႉတင်းမုၼ်ၽုင်းလွႆလေႇပၼုၼ်ႇ ဢိၵ်ႇတင်း သရေႇတၢင်းဢၼ်ႁၢင်ႈလီႁၢင်ႈငၢမ်း လွႆၵရမေႇလႃႉ တင်းသႃႇရုၼ်ႇၼၼ်ႉလႄႈ ၶဝ်တၵ်းလႆႈႁၼ် မုၼ်ၽုင်းထႃႇဝရႃႉၽြႃး ဢိၵ်ႇတင်း သရေႇတၢင်းဢၼ်ႁၢင်ႈလီႁၢင်ႈငၢမ်း ၽြႃးပဵၼ်ၸဝ်ႈႁဝ်းဢေႃႈ။- 3သူဢွၼ်ၵၼ်ႁႂ်ႈမိုဝ်းဢၼ်ဢမ်ႇမီးႁႅင်းၸိူဝ်းၼၼ်ႉ မၼ်ႈၶိူင်ႇလႄႈ ႁႂ်ႈႁူဝ်ၶဝ်ႇဢၼ်ၸၢင်ႈတူင်ႉၸၢင်ႈၶွၼ်းၸိူဝ်းၼၼ်ႉ ၵႅၼ်ႇၶႅင်တႃႉ။- 4ဢွၼ်ၵၼ်လၢတ်ႈတီႈၶဝ်ၸိူဝ်းဢၼ် ႁူဝ်ၸႂ်ၸၢင်ႈၵူဝ်ၸၢင်ႈႁႄၼၼ်ႉလႄႈဝႃႈ၊ ဢဝ်ႁႅင်းတႃႉ။ ယႃႇပေမႆႈၸႂ်၊ ဝႃႈၼင်ႇၼႆတႃႉ။ လွင်ႈမၼ်းၸမ်ႉ ၽြႃးပဵၼ်ၸဝ်ႈသူၼၼ်ႉ တၵ်းပႃးဢဝ်တၢင်းဢၼ်ပၼ်ဢပႅတ်ႈ၊ တၢင်းဢၼ်ၽြႃးပဵၼ်ၸဝ်ႈ ၸီႇယၢင်ႇတၢမ်ႇၼၼ်ႉ သေလႄႈမႃးဢေႃႈ။ မၼ်းၸဝ်ႈတၵ်းမႃးလႄႈ ၵႄႇသႄႇၶျွတ်ႈဢဝ်သူဢေႃႈ။- 5မိူဝ်ႈၼၼ်ႉ တႃၶဝ်ၸိူဝ်းဢၼ်တႃမွတ်ႇၼၼ်ႉ တၵ်းမီးတၢင်းဢၼ်ပိုတ်ႇလႅင်းလႄႈ ႁူၶဝ်ၸိူဝ်းဢၼ်ႁူၼူၵ်ႇၼၼ်ႉ တၵ်းမီးတၢင်းဢၼ်ၽုၺ်ႇပိုတ်ႇငိၼ်းလီဢေႃႈ။- 6ၶဝ်ၸိူဝ်းဢၼ်တိၼ်ၵႅင်ႉၼၼ်ႉ တၵ်းၵျွၵ်းဝႅၼ်မိူၼ်ၸိူဝ်ႉၼင်ႇ တိုင်လႄႈလိၼ်ႉၶဝ်ၸိူဝ်းဢၼ် ဢႃႉၼၼ်ႉတၵ်းႁဵတ်းၵႂၢမ်း ဢေႃႈ။ လွင်ႈမၼ်းၸမ်ႉ ၼမ်ႉဢွၵ်ႇႁူးတၵ်းဢွၵ်ႇၵႃႈတီႈထိူၼ်ႇလႄႈ ၼမ်ႉႁွင်ႈၼမ်ႉၵႄး တၵ်းလႆၵႃႈၼႂ်းပၢင်ႇပဵင်းဢေႃႈ။- 7တီႈဢၼ်သၢႆဢရွင်ႇၵၢင်ဝၼ်းထွင်ႇမိူၼ်ၼင်ႇႁၢင်ႈပဵၼ်ၼမ်ႉၼၼ်ႉတၵ်းပဵၼ်ၼမ်ႉၼွင်လႄႈ လိၼ်ဢၼ်ႁႅင်ႈႁွင်ၼၼ်ႉ တၵ်းပဵၼ် တီႈဢၼ်မီး ၼမ်ႉဢွၵ်ႇႁူးတင်းလၢႆဢေႃႈ။ ၵႃႈၼႂ်းတီႈယူႇတီႈၼွၼ်းမႃလိၼ်ၼၼ်ႉတၵ်းလႆႈပဵၼ် တီႈဢၼ်တူၼ်ႈမႆႉဢေႃႈ ဢိၵ်ႇတင်း တူၼ်ႈၵမႃႇ ဢွၵ်ႇမႃးဢေႃႈ။- 8ၵႃႈတီႈၼၼ်ႈတၵ်းမီးသဵၼ်ႈတၢင်းလူင် ဢိၵ်ႇတင်းသဵၼ်ႈတၢင်းလႄႈ သဵၼ်ႈတၢင်းၼၼ်ႉတၵ်းလႆႈၶၢမ်ႇတၢင်းဢၼ်ႁွင်ႉႁဵၵ်ႈၸိုဝ်ႈ သဵၼ်ႈတၢင်းဢၼ်မူတ်းၸၢင်ႇဢေႃႈ။ ၵေႃႉဢၼ်ဢမ်ႇမူတ်းသႂ်ၼၼ်ႉ ဢမ်ႇလႆႈတႆႇလႆႈၵႂႃႇၵႃႈၼႂ်းမၼ်းၼၼ်ႉ။ တၵ်းလႆႈပဵၼ်ပုၼ်ႈ ၶဝ်ၸိူဝ်းဢၼ် ၵႂႃႇၼၼ်ႉၵူၺ်းဢေႃႈ။ ၶဝ်ၸိူဝ်းဢၼ်ၸွမ်းသဵၼ်ႈတၢင်းၼၼ်ႉ ၵႂႃႇၼၼ်ႉ၊ ပိၵ်ႉသမ်ႉပဵၼ်ၵေႃႉဢၼ်မိူၵ်ႈ သေၵေႃႈ ဢမ်ႇလႆႈပိူင်ႈတၢင်းၽိတ်းတၢင်းၵႂႃႇ။- 9ၵႃႈတီႈၼၼ်ႈဢမ်ႇလႆႈမီးသၢင်ႇသီႈ တူဝ်ႁၢႆႉတူဝ်ၵျၢမ်း။ ဢမ်ႇလႆႈၶိုၼ်ႈလႆႈၸူးသေတူဝ်။ ႁႃလႄႈဢမ်ႇလႆႈထူပ်း။ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ် ထုတ်ႇၼုၵ်ႈဢဝ်ၼၼ်ႉၵူၺ်း တၵ်းလႆႈၸွမ်းသဵၼ်ႈတၢင်းၼၼ်ႉဢေႃႈ။- 10ၶဝ်ၸိူဝ်းဢၼ် ထႃႇဝရႃႉၽြႃး ၵႄႇသႄႇဢဝ်လွတ်ႈၼၼ်ႉ တၵ်းဢွၼ်ၵၼ်ၶိုၼ်းမႃးလႄႈ ပႃးတင်း တၢင်းဢၼ်ႁဵတ်းၵႂၢမ်းယူႇ သေလႄႈ ႁွတ်ႈထိုင်ၵႃႈတီႈဝဵင်းၸီႉဢုၼ်ႇလႄႈ တၢင်းဢၼ်ၸူမ်းသိူဝ်း ထႃႇဝရႃႉၼၼ်ႉ တၵ်းတိူဝ်ႉသႂ်ႇဝႆႉယူႇ ၵႃႈတီႈႁူဝ်ၶဝ်ဢေႃႈ။တၢင်းဢၼ်မူၼ်ႈပျေႃႇဢိၵ်ႇတင်း တၢင်းဢၼ်သႂၢင်ႇသိူဝ်းၼၼ်ႉ တၵ်းၶိုတ်းၶဝ်လႄႈ တၢင်းဢၼ်မႆႈၸႂ်ၶီၸႂ် ဢိၵ်ႇတင်းတၢင်းဢၼ် ၶၢင်းၶီၶၢင်းၽၢၼ်ၼၼ်ႉ တၵ်းလႆႈဢွၵ်ႇပၢႆႈၵႂႃႇဢေႃႈ။
Copyright © 2021 by OMF International, Shan Baptist Churches Fellowship