मीका 6
6
इस्राएल कै खिलाफ परमेसवर का अभियोग
1जो बात यहोवा कहवै सै, उसनै सुणो उठकै, पहाड़ां कै स्याम्ही वाद-विवाद कर, अर टील्ले भी तेरी सुणण पावैं। 2हे पहाड़ो, अर हे धरती की अटल नींव, यहोवा का वाद-विवाद सुणो, क्यूँके यहोवा का अपणी प्रजा कै गैल मुकद्दमा सै, अर वो इस्राएल तै वाद-विवाद करै सै।
3“हे मेरी प्रजा, मन्नै तेरा के बिगाड़या सै? के करकै मन्नै तेरे ताहीं थका दिया सै? 4मेरै खिलाफ गवाही दे! मै तो तेरे ताहीं मिस्र देश तै लिकाड़ ले आया, अर गुलाम्मी के घर तै मै तेरे ताहीं छुड़ा ल्याया; अर तेरी अगुवाई करण नै मूसा, हारुन अर मरियम ताहीं भेज दिया। 5हे मेरी प्रजा, याद कर, के मोआब के राजा बालाक नै तेरै खिलाफ कौण सी योजना बणाई? अर बोर के बेट्टे बिलाम नै उस ताहीं के सलाह दी? अर शित्तीम तै गिलगाल ताहीं की बात्तां नै याद कर, जिसतै तू यहोवा के धार्मिकता के काम समझ सके।”
6“मै के लेकै यहोवा कै स्याम्ही आऊँ, अर उप्पर रहण आळे परमेसवर कै स्याम्ही झुकूँ? के मै होमबलि कै खात्तर एक-एक साल के बाछड़े लेकै उसकै स्याम्ही आऊँ? 7के यहोवा हजारों मिंढयाँ तै, या जैतून के तेल की लाखां नदियाँ तै खुश होवैगा? के मै अपणे अपराध के प्रायश्चित म्ह अपणे जेठ्ठे नै या अपणे पाप के बदले म्ह अपणे जन्माए होए किसे नै देऊँ?” 8हे माणस, वो तेरे ताहीं बता चुक्या सै के आच्छा के सै; अर यहोवा तेरै तै इस्से नै छोड़ और के चाहवै सै, के तू न्याय तै काम करै, अर कृपा तै प्यार राक्खै, अर अपणे परमेसवर कै गैल नम्रता तै चाल्लै?
9यहोवा की वाणी इस नगर नै पुकार रही सै, अर सारा ज्ञान, तेरे नाम का भय मानणा सै: राजदण्ड की, अर जो उसनै देण आळा सै उसकी बात सुणो#6:9 राजदण्ड की, अर जो उसनै देण आळा सै उसकी बात सुणो यानिके परमेसवर के छो की फटकार ताहीं सुणो! 10के इब ताहीं दुष्ट के घर म्ह बुराई तै पाया होया धन अर छोट्टा एपा घृणित न्ही सै? 11के मै कपट का तराजू अर बाध घाट के बाटां की थैल्ली लेकै पवित्र ठहर सकूँ सूं? 12उरै के अमीर माणस उड़दंग का काम देख्या करै सैं; अर उरै के सारे रहण आळे झूठ बोल्लै सैं अर उनके मुँह तै छळ की बात लिकड़ै सैं। 13इस कारण मै तेरे ताहीं मारदे-मारदे घणाए घायल करुँ सूं, अर तेरे पापां कै कारण तेरे ताहीं उजाड़ देऊँ सूं। 14तू खावैगा, पर छिकण न्ही पावैगा#6:14 तू खावैगा, पर छिकण न्ही पावैगा पाप अर सजा के मेल तै प्रकट होवै सै के वो संयोगवश न्ही था लेकिन परमेसवर के सही न्याय कै कारण था। परमेसवर का श्राप उनके खाण-पीण पै भी होगा। उसतै उनका पोषण न्ही होगा।, तेरा पेट जळदा ए रहवैगा; अर तू अपणी जायदाद लेकै चाल्लैगा, पर बचा ना सकैगा, अर जै कुछ तू बचा भी ले, उसनै मै तलवार चलाकै लुटवा दियुँगा। 15तू बोवैगा, पर काटण न्ही पावैगा; तू जैतून का तेल लिकाड़ैगा, पर लगाण न्ही पावैगा; अर दाख रौंदैगा, पर दाखमधु पीण न्ही पावैगा। 16क्यूँके वे राजा ओम्री अर उसके बेट्टे अहाब की सारी विधियाँ, अहाब के घरान्ने के सारे काम्मां पै चाल्लै सैं; अर थम उनकी योजना कै मुताबिक चाल्लो सो; इस करकै मै तेरे ताहीं उजाड़ दियुँगा, अर इस नगर के रहण आळयां पै ताळी बजवाऊँगा, अर थम मेरी प्रजा की बदनाम्मी सहोगे।
Šiuo metu pasirinkta:
मीका 6: BGC
Paryškinti
Kopijuoti
Palyginti
Dalintis
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.