उत्पत्ति 17
17
अब्राम अर करार का निशान
1जिब अब्राम निन्यानवे साल का होग्या, फेर यहोवा नै उसतै दर्शन देकै कह्या, “मै सर्वशक्तिमान परमेसवर#17:1 सर्वशक्तिमान परमेसवर इब्रानी भाषा म्ह सर्वशक्तिमान परमेश्वर नै एलशदाई कह्या सै। सूं; मेरी मौजूदगी म्ह चाल अर सिध्द होन्दा जा। 2मै तेरे गैल करार करुँगा, अर तेरी पीढ़ी नै भोत घणी बढ़ाऊँगा।” 3फेर अब्राम मुँह कै बळ गिरया#17:3 मुँह कै बळ गिरया आराधना करी अर परमेसवर उसतै या बात करदा गया, 4“देख, मेरा करार तेरे गैल होरया सै, इस करकै तू घणी जात्तां का मूलपिता होवैगा। 5इस करकै इब तै तेरा नाम अब्राम न्ही रहवैगा पर तेरा नाम अब्राहम होवैगा; क्यूँके मन्नै तेरे ताहीं घणी जात्तां का मूलपिता ठहराया सै। 6मै तन्नै घणा फलवन्त करुँगा, अर तन्नै जात-जात का मूल बणा दियुँगा, अर तेरी पीढ़ी म्ह राजा पैदा होवैगें। 7अर मै तेरे गैल, अर तेरै बाद आण आळी पीढ़ियाँ तक तेरे वंश कै गैल भी इस आशय तै युग-युग का करार करुँ सूं, के मै तेरा अर तेरै बाद तेरी पीढ़ी का भी परमेसवर रहूँगा। 8अर मै तन्नै, अर तेरे बाद तेरी पीढ़ी नै भी, यो सारा कनान देश, जिस म्ह तू परदेशी होकै रहवै सै, इस तरियां देऊँगा के वो युग-युग तक उनकी खुद की धरती रहवैगी, अर मै उनका परमेसवर रहूँगा।”
9फेर परमेसवर नै अब्राहम तै कह्या, “तू भी मेरै गेल्या करे होए करार नै निभाईये; तू अर तेरै बाद तेरी पीढ़ी भी अपणी-अपणी पीढ़ी म्ह उसका पालन करै। 10मेरै गेल्या करया होया करार, जिसका पालन तन्नै अर तेरे बाद तेरी पीढ़ी नै करणा पड़ैगा, वो योए सै: थारे म्ह तै हरेक माणस का खतना हो। 11थम अपणी-अपणी खलड़ी का खतना करा लियो: जो करार मेरै अर थारै बिचाळै सै, उसका योए निशान होवैगा। 12पीढ़ी-पीढ़ी म्ह सिर्फ तेरे खानदान के ए लोग न्ही पर जो तेरे घर म्ह पैदा होया हो, या परदेशियाँ नै जिन ताहीं तन्नै रपिये देकै मोल लिया हो, इसे सारे माणस भी जिब आठ दिन के हो जावै, फेर उनका खतना करया जावै। 13जो तेरै घर म्ह पैदा हो, या तेरे रपिये तै मोल लिए जावै, उसका खतना जरुर करया जावै; इस तरियां मेरा करार जिसका निशान थारी देह म्ह होवैगा वो युग-युग रहवैगा। 14जो माणस बिना खतना रहवै, यानिके जिसकी खलड़ी का खतना ना हो, वो माणस अपणे माणसां म्ह तै नाश करया जावै, क्यूँके उसनै मेरै गेल्या करे होए करार ताहीं तोड़ दिया।”
करार का बेट्टा इसहाक
15फेर परमेसवर नै अब्राहम तै कह्या, “तेरी जो घरआळी सारै सै, उसनै तू इब सारै ना कहिए, उसका नाम सारा होवैगा। 16मै उसनै आशीष दियुँगा, अर तेरे तै उसकै जरिये एक बेट्टा दियुँगा; अर मै उसनै इसी आशीष दियुँगा, के वो जात-जात की मूलमाता हो ज्यागी; अर उसकी पीढ़ी म्ह राज्य-राज्य के राजा पैदा होवैगें।” 17फेर अब्राहम मुँह कै बळ गिर ग्या अर हाँस्या, अर मन ए मन कहण लाग्या, “के सौ साल कै माणस कै भी औलाद होवैगी अर के सारा जो नब्बे साल की सै बेट्टा पैदा करैगी?” 18अर अब्राहम नै परमेसवर तै कह्या, “इश्माएल तेरी निगांह म्ह बण्या रहवै! योए भोत सै।” 19फेर परमेसवर नै कह्या, “जरुर तेरी घरआळी सारा कै तेरे तै एक बेट्टा पैदा होवैगा; अर तू उसका नाम इसहाक धरिये; अर मै उसकै गेल्या इसा करार करुँगा जो उसकै बाद उसकै खानदान कै खात्तर युग-युग का करार होवैगा। 20इश्माएल कै बारै म्ह भी मन्नै तेरी सुणी सै; मै उसनै भी आशीष दियुँगा, अर उसनै भी फलवन्त करुँगा अर भोत-ए बढ़ा दियुँगा; उसतै बारहा प्रधान पैदा होवैगें, अर मै उसतै एक बड्डी जात बणाऊँगा। 21पर मै अपणा करार इसहाक कै ए गेल्या पूरा करुँगा जो सारा तै आगले साल कै इस्से ठहराए होए बखत म्ह पैदा होवैगा।”
22फेर परमेसवर नै अब्राहम तै बात करणी बन्द करी अर उसकै धोरै तै उप्पर#17:22 उप्पर वो निकल कै चल्या गया चल्या ग्या। 23फेर अब्राहम नै अपणे बेट्टे इश्माएल ताहीं लिया अर, उसकै घर म्ह जितने पैदा होए थे, अर जितने उसकै रपिये तै मोल लिये गये थे, यानिके उसके घर म्ह जितने माणस थे, उन सारया नै लेकै उस्से दिन परमेसवर कै वचन कै मुताबिक उनकी खलड़ी का खतना करया। 24जिब अब्राहम की खलड़ी का खतना होया तो वो निन्यानवें साल का था। 25अर जिब उसकै बेट्टे इश्माएल का खलड़ी का खतना होया तो वो तेरह साल का था। 26अब्राहम अर उसकै बेट्टे इश्माएल दोनुआं का खतना एक ए दिन होया। 27अर उसके घर म्ह जितने माणस थे जो घर म्ह पैदा होए, अर जो परदेशियाँ कै हाथ तै मोल लिये गये थे, सारया का खतना उसकै गेल्या ए होया।
Šiuo metu pasirinkta:
उत्पत्ति 17: BGC
Paryškinti
Kopijuoti
Palyginti
Dalintis
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.