Забур 136
136
Бабилдин есиррин арза
1 Бабилдин вацӀарин къерехра
ацукьна шехьнай, Сигьан хтайла рикӀел.
2Ана цӀвелин тарарикай
куьрснай чна чи кинурар.
3Ана чун есирда кьурбуруз
чавай манияр кӀан жедай,
тунвайбуруз дарда чун
чавай шадвал кӀан жедай,
лугьудай: «Чаз са мани лагь
Сигьандин манийрикай».
4Чна мани гьикӀ лугьудай Реббидиз
яд чилел?
5За вун жувакай атӀайтӀа, Ярусалим,
зи эрчӀи гъил атӀурай.
6За вун рикӀел хуьз тахьайтӀа,
ккӀуй зи мез сивин къавук,
эциг тавуртӀа за Ярусалим
кьиле жуван шадвилин.
7РикӀел хкваш, я Ребби, Эдамдин инсанар
бабилвийри Ярусалим кьур юкъуз,
лагьай бере абуру:
«ЧукӀур ая, чукӀур ая
ам бинедал кьван».
8Эй Бабил, вичин барбатӀвал
мукьвал алайди,
вуна чаз вуч авунайтӀа
гьадан эвез вав агакьар хъийирди
бахтавар я.
9Ви куьрпеяр кьуна къванцихъ
гелядайди бахтавар я.
Šiuo metu pasirinkta:
Забур 136: ЛезПК
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© Институт перевода Библии, 2010-2024