Laoidhean 24
24
LAOIDH 24
Isaiah 49.13-17
1A neamha togaibh luathghair ait;
a thalamh, binn‑cheol seinn;
A shléibhte, canaibh co‑sheirm chiùil,
's gach dùil air feadh gach linn!
2Feuchaibh da tròcaireach ar Dia!
cluinnibh a bhriathra gràis;
Do'n anam thruagh bheir comhfhurtachd,
is saors' o dhochann bàis.
3Sguiribh, an làithibh goirt 'ur claoidh',
d'ur caoidh 's d'ur gearan cruaidh:
An saoil sibh nach toir Dia fa'near
staid gach aoin neach d'a shluagh?
4An dìobair màthair cìochran maoth
a brollaich, le h‑an‑iochd?
Nach maothaich osna 's deòir a cridh'
's nach gabh i truas d'a sliochd?
5Ach, arsa Dia, ged chaochail iochd
d'a gineil anns gach mnaoi,
Mo ghaol is m'iochd‑sa do mo shluagh,
gun chaochladh mairidh chaoidh.
6Domhain air dèarnaibh mo dhà làimh,
ainm Shioin ghearr mi sìos;
A balla briste càiridh' mi,
's a h‑àrois togaidh rìs.
Šiuo metu pasirinkta:
Laoidhean 24: LSN1987
Paryškinti
Kopijuoti
Palyginti
Dalintis
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© Comann Bhìoball na h‑Alba 1826, 1987
© Scottish Bible Society 1826, 1987