Itsɛ́ 9
9
Sɔ́lù nyíìlò kpaɖà, tsí gba Yèésù gbɔ́
1Ńǹwèrè nyɛ̀ŋɛ̀#ɛ́, Sɔ́lù òŋu, ó múgírí si kũkũ gé ní òŋu kó wà tsoró bá atɛ̀náànyì-Ɔlá-wa ŋa títí wà sɔ́ ŋa fú ikú. Ńbɛ̀ɛ́, ó lɔ ńɖi-ɔ̀gã́-atsɛbɔ-Ɔ̀ɖáyé ŋa† ńYèrúsàlɛ́mì, 2tsí káà tsìkálɛ̀ fúu ní kó fú òŋu ńǹwé kã̀ŋa, tsí òŋu kó kɛ́ ŋa lɔ ńɖi-onùgbó-ilé-ìkpàɖé-ɔma-Ìyúɖà ŋa† ńǹlú-Ɖàmásì. Ìwé nyɛ̀ŋɛ̀ ŋa#á ní nákó tse tsí à nákó fúu nɔ́ɔ̀nà, tsí bí ó rí ɔnɔbɛ̃̀ɛ̃ gbo, ɔnɔkɛ̃̀ɛ̃ gbo, tsí ó wà tɛ̀ náànyì-Yèésù gé ná, ni kó múu, tsí ɖèé, tsí sɛ̃̀ gbɛ̃́ɛ̃ wá ńYèrúsàlɛ́mì#ɛ́.
3Ńbɛ̀ɛ́, ó ǹɖe, tsí dzì nɔ́ɔ̀nà-Ɖàmásì#ɛ́. Kíbí ó làkóò, tsí tó sɔ́má-ìlú#ɛ́ gé#ɛ́, iná-kã̀ ti nɔ́ɔ̀rɔ̃, tsí má wérí‐ɛ̀ kpó gbòkã́. 4Kíbí iná#á má wérí‐ɛ̀ bɛ́ɛ̀#ɛ́, ó tsubúlɛ̀, tsí ó wà gbɔ́ oŋù-kã̀, tsí oŋù#ɛ́ wà rɔ́ fúu ní: Sɔ́lù! Sɔ́lù! Kí tse tsí ò wà tsoró bá mi bɛ́ɛ̀ ná?
Tsí Sɔ́lù wà bèrèé ní: Ɔ̀gá, ìwɔ ní dzɛ́ nɛ̀ɛ́ ná?
5Tsí oŋù#ɛ́ dzɛ́ fúu ní: Òŋu ní dzɛ́ Yèésù, ɛnɛ yèé ó wà tsoró bá#á. 6Ó ɖi, kó ǹɖe, tsí kó lɔ ńǹlú#ɛ́. Bí ó tó ńbɛ̀, à nákó ɖíre iŋɛ́ yèé ó wà ní kó tse#ɛ́ fúu.
7Kíbí ɛnɛ yèé làkóò báa ŋa#á rí bɛ́ɛ̀#ɛ́, ó nódzo fú ŋa, tsí à ɖóro si kpó dzã̀maa náàrìmáa nyáa wíìnyɛ̀-kã̀ kpókpó. À wà gbɔ́ oŋù#ɛ́, tsí à kò sì wà rí ɔlá‐ɛ̀. 8Tsí Sɔ́lù ǹɖe ńlɛ̀. Tsí kíbí kó tsí odzú gé#ɛ́, kò nyáa rírã ró. Tsí à fa ɔ̀kpá-ɔwɔ́‐ɛ̀, tsí gbɛ̃́ɛ̃ lɔ ńƉàmásì#ɛ́. 9Ó gbé bɛ́ɛ̀ títí fú ɔdzɔ́ mɛ́ɛta, náàrì rírã, náàrì dzɛ, náàrì mɔ.
10Ńbɛ̀ɛ́, atɛ̀náànyì-Yèésù-kã̀ wà ńƉàmásì#ɛ́ bɛ̀. À náa kpèé ní Ànàníyà. Ńǹwèrè nyɛ̀ŋɛ̀#ɛ́, Ɔlá-wa Yèésù mú ara‐ɛ̀ ŋàá, kíbí ɛnɛ yèé fɔ̀ ní à náa wà láàlá bɛ́#ɛ́, tsí wà kpèé ní: Ànàníyà!
Tsí Ànàníyà gbo dzɔ́ŋù fúu ní: Ɔlá-mi, èmi ní.
11Tsí Ɔlá-wa wí fúu ní: Kó ǹɖe, tsí kó lɔ nɔ́ɔ̀nà-kã̀ bɛ́. À náa kpe ɔ̀nà#á ní ɔ̀nà gãgã. Bí ó tó ńlé-Yúɖà, kó bèrènyɛ̀-ɔ̀nyà-kã̀ bɛ̀. À náa kpèé ní Sɔ́lù, tsí ó ti ńǹlú-Tàrísì. Ńǹwèrè nyɛ̀ŋɛ̀ tútútú#ɛ́, Sɔ́lù#ɛ́ wà ńǹre wúwú si, 12tsí ó rí ànyàŋà-kã̀. Ńnɔ́-ànyàŋà#á, ó rí ɔ̀nyà-kã̀, tsí à náa kpèé ní Ànàníyà. Ó rí ní ɛnɛ#ɛ́ wɔ̀ wá ńɖɔ̀-òŋu, tsí mɔ́wɔ́ lé ńǹtá-òŋu ní odzú-òŋu kó tsí.
13Tsí Ànàníyà nyí, tsí wà wí fúu ní: Ɔlá-mi, òŋu gbɔ́ afɔ̀ kpíkpɔ̀ ti nára-ɛnɛ nyɛ̀ŋɛ̀. Ó ɖi, ɔ̀nyà kpíkpɔ̀ wíìnyɛ̀ fú òŋu ti nára-oró yèé náa tse bá ɛnɛ yèé dzɛ́ tɛ̀ɛ̀ ŋa ńYèrúsàlɛ́mì#ɛ́. 14Ó ɖi, ó wá bí òŋu ikpá-kã̀ ni. Ikpá#á ní dzɛ́ ní onùgbó-atsɛbɔ-Ɔ̀ɖáyé† ŋa fúu nɔ́ɔ̀nà ní kó mú ɛnɛ yèé wà tɛ̀ náànyì‐ɛ̀ ńbí ŋa gbo#ɛ́, tsí kó ɖè ŋá.
15Ńbɛ̀ɛ́, Ɔlá-wa rɔ́ fúu ní: Kó lɔ! Ó ɖi, ɛnɛ#ɛ́, ɔ̀nyà-kã̀, tsí òŋu tsã̀ã́ si ni. Òŋu tsã̀ã́, tsí kó mú iŋɛ́ yèé òŋu dzɛ́#ɛ́ ɖíre fú ɔ̀nyà ŋa. Nákó ń ɖíre náàŋírĩ-ìlú-àledzò ŋa, tsí ń ɖíre fú ólú ŋa òŋu ɔma-Ìsàràyɛ́lì† ŋa gbo. 16Ó ɖi, òŋu ká-òŋu nákó mú ìréré yèé ŋa kpó nákó bá kpàɖé náàtsùgbé-òŋu#ɛ́ ɖíre fúu.
17Kíbí Ɔlá-wa wíìnyɛ̀ fúu tã́#á, Ànàníyà ǹɖe, tsí lɔ káà tó ńnɔlé#ɛ́. Tsí ó mɔ́wɔ́ lé ńǹtá-Sɔ́lù, tsí wí fúu ní: Ìnàbí-mi Sɔ́lù, Yèésù Ɔlá-wa, ɛnɛ yèé mú ara‐ɛ̀ ɖíre fɛ́ɛ nɔ́ɔ̀nà kíbí ò bàa#á, òŋu ní bɛ̀ mí wá#á. Ó bɛ̀ mí wá, tsí o sɛ̃̀ rírã ró, tsí Mímí-Ɔ̀ɖáyé† gbo kó tì wɔ̀ ńǹtá-ɛ̀ɛ.
18Ńǹɖì-bɛ̀ gbòkã́#á, iŋɛ́ kã̀ŋa tsubú ti nódzú-Sɔ́lù dzì ńlɛ̀. Iŋɛ́ ŋa#á wà kíbí kpɛ̃̀nkpɛ̃́rɛ̃́ bɛ́. Tsí odzú‐ɛ̀ tsí, tsí ó wà rírã. Ńbɛ̀ɛ́, ó ǹɖe, tsí à wìwɛ̀-Yèésù† fúu. 19Tsí ó dzɛŋɛ́, tsí ara sɛ̃̀ leé wá ńǹɖì‐ɛ̀ ńǹkɛ̀ɛ́.
Tsí Sɔ́lù gbé bá atɛ̀náànyì-Yèésù ŋa ńƉàmásì#ɛ́ bɛ̀. Ó gbé bɛ̀ fú ɔdzɔ́ mɛ́ɛló le kã̀ŋa. 20Ti ńǹlú#ɛ́ bɛ̀ gbòkã́ ní ó kpé afɔ̀-Ɔ̀ɖáyé fífɔ̀ fú ɔ̀nyà ŋa#á. Náa lɔ ńlé-ìkpàɖé-ɔma-Ìyúɖà ŋa ɔ̀kã̀kã̀, tsí wà dzíkɔ̀ fú ŋa. Náa wà fɔ̀ɔ́ nóòtítɔ́ ní Yèésù dzɛ́ Ɔma bíbí-Ɔ̀ɖáyé. 21Tsí ɔ̀nyà kpó yèé wà rɛ̃tígbè‐ɛ̀#ɛ́, ó láre arũ fú ŋa, tsí à wà fɔ̀ ní: Kò tsi ɛnɛ#ɛ́ níì? Òŋu ní náa tsoró bá ɛnɛ-Yèrúsàlɛ́mì yèé ŋa wà tɛ̀ náànyì-Yèésù#ɛ́ nɔ̀. Tsí kò tsi ó wá bí, tsí kó wáa mú ŋa, tsí ɖè ŋá lɔ fú onùgbó-atsɛbɔ-Ɔ̀ɖáyé ŋa niì?
22Ńbɛ̀ɛ́, kíbí Sɔ́lù wà dzíkɔ̀ fú ŋa#á, afɔ̀‐ɛ̀ ŋa tɔ́ wà le máa ró. Ó wíìnyɛ̀ fú ɔma-Ìyúɖà† ŋa yèé wà ńƉàmásì si#ɛ́, tsí wà nyà ɖíre fú ŋa ní Yèésù ní dzɛ́ Kírísítò Agbanɛlà yèé Ɔ̀ɖáyé tsã̀, tsí bɛ̀ wá#á. Kíbí ó wí fú ŋa bɛ́ɛ̀#ɛ́, ó ɖɔ́kpɔ fú ŋa títí à kò ma iŋɛ́ yèé ká wí fúu#ɛ́ ró. 23Náànyìwà#á, ɔma-Ìyúɖà ŋa wáa mú arũ ɖé kpó, ní àŋa kó tse tsí ká kpa Sɔ́lù nóòkú, 24tsí afɔ̀#ɛ́ dzì nétí‐ɛ̀. Ti nára-ɔdzɔ́ nyɛ̀ŋɛ̀#ɛ́, nóòsã́ gbo, nóoru gbo, à náa wà tsɔ́ arũ-ɔgbà-ìlú#ɛ́ náàtsùgbée ká ríi kpa. 25Ńbɛ̀ɛ́, ó ɖi nóoru-ɔdzɔ́-kã̀, tsí atɛ̀náànyì-Sɔ́lù ŋa kɛ́ɛ si ńnɔ́-agbã̀-kã̀, tsí mú okù so agbã̀#á, tsí tìí gbà wáa lɔ náànyì-oɖi-ìlú#ɛ́.
26Tsí Sɔ́lù ǹɖe, tsí lɔ ńYèrúsàlɛ́mì. Kíbí ó tó bɛ̀#ɛ́, ó wà wò ní òŋu kó mú ara-òŋu tamá-atɛ̀náànyì-Yèésù ŋa. Ó ɖi, àŋa kpó, à wà ríi sá. À wà sá, iŋɛ́ yèé tse#ɛ́, à kò nɛ́ àkaralé ní ó wáa ɖi atɛ̀náànyì-Yèésù ìɖéǹɖè. 27Ńbɛ̀ɛ́, Bànàbá wá, tsí gbɛ̃́ɛ̃ lɔ ńɖi-adzítsɛ́-Yèésù† ŋa. Tsí ó kpɛ̀rɔ́ kíbí iŋɛ́ ŋa#á lɔ fú Sɔ́lù gbà#á fú ŋa kpó. Ó fɔ kíbí ó làkóò nɔ́ɔ̀nà, tsí rí Ɔlá-wa, tsí ó wíìnyɛ̀ fúu gbo#ɛ́. Tsí ó fɔ kíbí ńƉàmásì, Sɔ́lù gbódzú tó, tsí wíìnyɛ̀ fú ŋa nóŋù-ɛ̀tsɛ-Yèésù#ɛ́.
28Ti ńǹwèrè nyɛ̀ŋɛ̀#ɛ́, Sɔ́lù náa wà bá adzítsɛ́-Yèésù ŋa si. Tsí òŋu ŋa méèdzì náa dzɔ́ wà lɔ, tsí wà bɔ̀ náàŋírĩ-Yèrúsàlɛ́mì#ɛ́. Tsí náa gbódzú, tsí wà wíìnyɛ̀ fú ŋa nóŋù-ɛ̀tsɛ-Ɔlá-wa. 29Náa wíìnyɛ̀ fú ɔma-Ìyúɖà kã̀ŋa yèé wà fɔ gɛ̀rɛ́kì#ɛ́, tsí náa wà tse àrã́dzìnyà bá ŋa gbo. Tsí àŋa òŋu, à náa wà wo ká kpaá nóòkú. 30Kíbí ìnàbí ŋa gbɔ́ bɛ́ɛ̀#ɛ́, à gbɛ̃́ɛ̃ tó ńKèsàré ní kó lɔ ńTàrísì.
31Ńbɛ̀ɛ́, ɛgbɛ́-Kírísítò kpó yèé wà nérè-Yùɖéyà gbo, yèé wà nérè-Gàlìlé gbo, òŋu yèé wà nérè-Sàmàríyà† gbo#ɛ́ wà ńtútùúrɔ̀ si. Àkaralé-ŋa wà ɖonùgbó, tsí à náa wà nɛ́ àrísá fú Ɔ̀ɖáyé ńnɔ́-ìtsèntse-ŋa. Mímí-Ɔ̀ɖáyé wà ɖáàmí le ŋá, tsí ɔma-ɛgbɛ́-Kírísítò ŋa wà ɖi kpíkpɔ̀ máa.
Òkúta bɔ arɔ-kã̀
32Ńbɛ̀ɛ́, Òkúta ǹɖe, tsí gbà ńǹtá-atɛ̀náànyì-Yèésù ŋa nérè-Yùɖéyà. Ó rɛ̃̀ ńǹlú kã̀kã̀ wérí, tsí nɔ́dzɔ́-kã̀, ó káà tó ńǹlú-Líɖà, ńɖi-ɛnɛ yèé dzɛ́ ti Ɔ̀ɖáyé bɛ̀ ŋa#á. 33Ńǹlú#ɛ́, ó káà rí ɔ̀nyà-kã̀, tsí à náa kpèé ní Ɛ̀nɛ́yà. Arɔ ní ó dzɛ́#ɛ́. Ó sũ̀ si nání, tsí kò nyáa wà ǹɖe ńlɛ̀ báàyí ɔɖɔ̃́ mɛ́ɛdzɔ ní. 34Tsí Òkúta kpèé ní: Ɛ̀nɛ́yà! Yèésù Kírísítò bɔɛ́. Ǹɖe, tsí o kpaɖí aní-ɛ̀ɛ.
Tsí ó sì ǹɖe ɖóro gbòkã́. 35Ńbɛ̀ɛ́, kíbí ɛnɛ-Líɖà ŋa òŋu ɛnɛ-erè-Sàrónì ŋa kpó rí ní Ɛ̀nɛ́yà sɛ̃̀ ɖi abarakpá#á, à nyíìlò kpaɖà, tsí gba Ɔlá-wa gbɔ́.
Òkúta dzí òkú-Tàbítà wá náyé
36Ńbɛ̀ɛ́, ìlú-kã̀ sɔ́má-Líɖà, tsí à náa kpèé ní Yáfà. Ɔnɔbɛ̃̀ɛ̃-kã̀ wà náàŋírĩ-atɛ̀náànyì-Yèésù ŋa bɛ̀, tsí à náa kpèé ní Tàbítà. (Òkpì-ɛ́kɔ#ɛ́ ní dzɛ́ àgbã̀rĩ́#ɛ́. Òŋu ké ní dzɛ́ Ɖòkásì ńgɛ̀rɛ́kì† gbo#ɛ́). Náa tse ore héŋú, tsí náa mɔ́wɔ́ gbè fú adzìyàkú ŋa gbo tó bɛ́ɛ̀. 37Nára-ɔdzɔ́ nyɛ̀ŋɛ̀#ɛ́, Tàbítà#á tsàkɔ̃̀rɔ̃̀, tsí kú. Kíbí à wɛ̀ fú òkú‐ɛ̀ tã́#á, à káà múu tɛ́ ńnɔ́-ilé-ìsã́ŋú-kã̀ ńǹgbèrí. 38Tsí atɛ̀náànyì-Yèésù yèé wà bɛ̀ ŋa#á gbɔ́ ní Òkúta wà ńLíɖà si. Kíbí Líɖà kò dzɛ̃̀ lárè bɛ́ɛ̀#ɛ́, à rã́ ɔ̀nyà méèdzì lɔ ńɖi-Òkúta, tsí à káà tsìkálɛ̀ fúu ní kó wá ńɖi-àŋa nɛ́sɛ̀ nɛ́sɛ̀. 39Tsí Òkúta ǹɖe, tsí lɔ bá ŋa gbòkã́. Kíbí ó káà tó#ɛ́, à gbɛ̃́ɛ̃ lɔ ńlé-ìsã́ŋú#ɛ́. Okpó kã̀ŋa gbo wà bɛ̀, tsí àŋa kpó, à wà sɔkṹ bàràà, tsí à kɛ́ ìwɔ̀ra yèé Ɖòkásì kò si ŋa ńǹrɔ́ǹrɔ́ kíbí ó wà náàyɛ̀ si#ɛ́, tsí ń ɖíre fúu. 40Tsí Òkúta wí fú ŋa ní ká fùɖá kpó. Tsí ó kálɛ̀, tsí wúùre, tsí nyí lɔ ńɖi-òkú#ɛ́, tsí ní: Tàbítà! Ǹɖe!
Tsí ó tsí odzú, tsí kíbí ó rí Òkúta gé#ɛ́, ó ǹɖe dzokó gbòkã́. 41Ńbɛ̀ ní Òkúta mɔ́wɔ́ bɔ̀ fúu, tsí kɛ́ɛ ɖóro#ɛ́, tsí ó kpe okpó ŋa òŋu atɛ̀náànyì-Yèésù-àtíbɔ̀ ŋa, tsí múu ɖíre fú ŋa, tsí à rí ní ó wà náàyɛ̀ si. 42Ńbɛ̀ɛ́, à tse tsí afɔ̀#ɛ́ fɔ́ si ńǹlú#ɛ́ kpó. Kíbí à gbɔ́ bɛ́ɛ̀#ɛ́, ɔ̀nyà kpíkpɔ̀ gba Ɔlá-wa gbɔ́ ńǹlú#ɛ́. 43Tsí Òkúta gbé ńǹlú-Yáfà#á bɛ̀ títí fú àsòkò-kã̀. Ó káà sɔ̀ ńɖi-akĩ́rĩ-awɔ-kã̀. À náa kpèé ní Sìmɔ́nì.
Šiuo metu pasirinkta:
Itsɛ́ 9: ngl
Paryškinti
Kopijuoti
Palyginti
Dalintis
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© (Active), Wycliffe Bible Translators, Inc. All rights reserved.