Proverbios 17
17
1Ícha jína chrókjonieni nio nchíchjin la kjuaxróxin chrókꞌuejóni;
a̱ndá kanhñó náxrjón ti chrókꞌuixin itsjé nkehe chrókjonieni a̱ndá kohya kjuaxróxin.
2Ti nkexro chꞌexón ixra̱ tjenka̱yáxin jína
la kja̱xin tsꞌe̱tue̱hen xje̱en ti làmoé chóntahya kjuasáye,
la ti nkehe tsꞌáyéhe̱ ti ixjan la kja̱xin chꞌan tsꞌáyéhe̱ chꞌan.
3Ti oro la ko ti plata la ticháxi̱n tsꞌatsínkaxín xrohi kixin tso̱tjóá,
kjánchó ti a̱sén ijnko chojni la Itꞌéni Díos mé tsjehe á chaxín tjóá.
4Ti chojni tjenka̱yáxinhña jína la titekakohen ti sin nixja ti nkehe jínahña
la ko ti chojni chꞌia la titekakohen ti sin nixja nkehe nduáhya.
5Ti nkexro tsjanoá ti chojni nóa la tꞌándaxíhi̱n sin ti nkexro kjuíchꞌéna ti sin a,
la ko ti nkexro tsjano kixin xi̱kaha kóhen ti sin nóa la tsjasóte.
6Ti kjuasàya tꞌáyéhe̱ ti nkexro táda la mé ti ìnté sin,
a̱ndá ti kjuasàya kuènté ti xjan la mé ti itꞌé la ko ti ìñé sin.
7Jehya jína kixin ijnko chojni lo̱nti̱ chrónixja itsjé nkehe náxrjón,
o̱ ijnko chojni tꞌe̱to̱an chrónixja kjuachꞌia.
8Ti nkexro chjéhe chichaon ijnko chojni kixin sichꞌe sin ti ixra̱ tjinkaon sin la tjenka̱yáxin sin kixin tjasin sin kjuaxroan
kixin tjacha sin ichꞌe sin kaín ti nkehe tjinkaon sin.
9Ti tjue̱heni kíchóni la sichꞌénehñani sin kjuachꞌia,
a̱ndá ti nkexro chꞌénehe kjuachꞌia ti kícho la xi̱kaha sinchekꞌitjáña ti nkexro tꞌiton.
10Ícha jína chróxrenduéhe ijnko chojni tienxín kixin a̱ntsí tsꞌitja
ke chrókꞌuekon ijnko chojni lo̱nti̱ ndá tienxínhña.
11Ti chojni xra̱hya tónínkaon la nkochríxín xritjeyá kjuanínkaon;
kjánchó ijnko ña̱o la itsi ijnko nkexro a̱ntsí jie̱he sinchekjasóte ti jehe chꞌan.
12Ícha jína chróxétani ijnko ko oso ichjin jie̱he tsíkjinchekꞌitjáña xje̱en,
ke chróxétani ijnko chojni lo̱nti̱ tjenka̱yáxin kixin imá nohe.
13Ti nkexro kjuíchꞌehe ti nkehe nduáhya ti chojni kjuíchꞌehe ijnko nkehe jína,
la í kohya kjuaxróxin tsꞌejó sin ndo̱e sin nkochríxín.
14Ti nkexro kjuankíxin ijnko kjuanínkaon la éxi chrókuakitje̱he̱ ti tja̱tꞌo̱ tꞌinkákonhe̱n yeé ìnta̱,
ícha jína tjoka sáchrókjuixin sin ntiha kixin í chrókꞌuixinhña kjuanínkaon.
15Ti tsondáchro ti juez kixin jína ti nkexro tjenka̱yáxin nkehe jínahña, a̱ndá nchekjasóte chꞌan ti nkexro jína,
la yóí tíha tóxrìe̱nhña Itꞌéni Díos.
16Ijnko chojni lo̱nti̱ la ó chónkó tsochónta itsjé chichaon
kixin xitjahya tsꞌe̱na sin ti kjuaxrexinkaon jína.
17Ti nkexro choxián la nkochríxín tjue̱he ti jaha
la éxi ijnko kichua xi̱kaha tsjinki̱tsa ti ó itsi ti ña̱o náxrjónhña.
18Ti chojni tjanchajie̱he nkehe kuènté íjnko chojni
la lo̱nti̱ sin.
19Ti nkexro imá tóxríhi̱n tjasin ijie̱ la tsjajo̱nko kícho;
ti nkexro imá nchejié a̱sén la tjeyá ti nkehe tsꞌitjáñaxín.
20Ti chojni jínahña la nkochríxín tsꞌitjahya ti nkehe jína;
la ti chojni imá xrichꞌia la nkochríxín tsꞌixin kjuanínkaon.
21Itꞌé ti nkexro chóntahya kjuaxrexinkaon jína la jehó tsochónta kjuaxikaon;
ijnko nkexro lo̱nti̱ la nchechèhya ti itꞌé.
22Ti chéhe̱ a̱sén chojni la mé éxi ijnko xro̱a̱n jína;
a̱ndá ti kjuatꞌává la ncheníhi chojni.
23Ti chojni tjenka̱yáxin ti nkehe jínahña la ómó takja sin chichaon
kixin nduáhya tsochronka sin nkehe kóhen ti ó tsjakꞌe sin ti itjen ti juez.
24Ti chojni jína tienxín la tjeyá ti kjuaxrexinkaon jína;
a̱ndá ti chojni lo̱nti̱ la noehña nkehe tjinkaon.
25Ti chájan lo̱nti̱ la jehó nchekoninkaon itꞌé
la ko nchekꞌává ti ìñé.
26Jehya jína chrókjuinchekjasóte sin ti nkexro jína,
la ko jehya jína chrókjui̱ncheníhí chojni ti nkexro ndoá itjen.
27Ti nkexro chaxín tienxín la tsjéhya nixja
la ko ti nkexro nohe jína, ti nkehe nixja la tónínkákonhña tjoka.
28Ijnko chojni lo̱nti̱
la ti tsotání la tja̱ko̱xi̱n éxi ijnko nkexro tienxín.
Šiuo metu pasirinkta:
Proverbios 17: poeNTplus
Paryškinti
Dalintis
Palyginti
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2016, Wycliffe Bible Translators, Inc. All rights reserved.