Populiarios Biblijos eilutės iš Eksodosy 3

Dalintis

Hoy Andriamanitra tamin’i Mosesy: Izaho izay Izy. Ary hoy koa Izy: Izao no holazainao amin’ny Zanak’Israely: Izaho izay Izy no naniraka ahy ho atỳ aminareo.

Ary hoy Izy: Homba anao tokoa Aho! Ary izao no famantarana ho anao fa Izaho no naniraka anao: Rehefa entinao mivoaka avy any Ejipta ny olona dia hanompo an’Andriamanitra eto amin’ity tendrombohitra ity ianareo.

Ary hoy Izy: Aza manakaiky etỳ; esory amin’ny tongotrao ny kapanao fa tany masina io ijoroanao io.

Ary hoy NY TOMPO: Hitako tokoa ny fahorian’ny oloko izay any Ejipta, ary reko ny fitarainany noho ny ataon’ny mpampahory azy; eny, fantatro ny fijaliany. Koa midina Aho izao hanafaka azy amin’ny tanan’ny Ejiptiana ka hitondra azy hiakatra hiala amin’izany tany izany ho any amin’izay tany soa sy malalaka, dia any amin’izay tany tondra-dronono sy tantely, any amin’ny tanin’ny Kananita, ny Hetita, ny Amorita, ny Perizita, ny Hivita ary ny Jebosita.

Ary ilay Anjelin’NY TOMPO niseho taminy tao anaty lelafo teo amin’ny roimemy iray ka hitany fa indro, nirehitra afo ilay roimemy kanefa tsy levona.

Koa avia ianao ankehitriny hirahiko ho any amin’i Farao hitondra ny Zanak’Israely oloko hivoaka avy any Ejipta.