Populiarios Biblijos eilutės iš Eksodosy 2

Dalintis

Ary Andriamanitra nandre ny fitarainany. Ary Andriamanitra nahatsiaro ny fanekeny tamin’i Abrahama sy Isaka ary i Jakoba. Ary Andriamanitra nijery ny Zanak’Israely. Ary Andriamanitra nahafantatra azy.

Taona maro taorianan’izany dia maty ny mpanjakan’i Ejipta; ary ny Zanak’Israely dia nisento noho ny fanompoany ka nitaraina; dia niakatra tany amin’Andriamanitra ny fitarainany noho ny fanompoany.

Ary rehefa lehibe ny zaza dia noentiny tao amin’ny zanakavavin’i Farao ka tonga zanany. Ary ny anarany nataony hoe Mosesy, fa hoy izy: Satria tamin’ny rano no nakako azy.

Ary hoy ny zanakavavin’i Farao taminy: Ento ity zaza ity, fa ianao no ataoko mpitaiza azy, ary izaho no handoa ny karamanao. Dia noentin-dRavehivavy ny zaza ka nampinonoiny.

Dia nidina ny zanakavavin’i Farao mba handro tao amin’ny Neily fa ny mpanompovaviny dia nitsangantsangana teny amoron’ny Neily; koa raha nahita ilay vata kely teo anaty zozoro ny zanakavavin’i Farao dia naniraka ny mpanompovaviny iray izy mba haka izany.

Tamin’izany andro izany, rehefa lehibe i Mosesy, dia nandeha nankany amin’ireo rahalahiny izy ka nijery ny fanompoany mafy ary nahita lehilahy ejiptiana nikapoka ny iray tamin’ny Hebreo rahalahiny. Dia niherikerika izy, ka nony hitany fa tsy nisy olona, dia novonoiny ilay Ejiptiana ary nasitriny tao anaty fasika ny fatiny.