Populiarios Biblijos eilutės iš 1 Korintus 2

Dalintis

Ampo' inang aha tiuki' yaling di Suha' Masero naoatee, ”Pano di tau ang ma'kalemu dai' di Puang Alataala, puha napatokaing ang mahahsa', ang dake' aha naita bahtu' nahingngi hupatau anna dake' aha mentama di pihki'na.”

Tau ang dai ungnginsang Puang Alataala dai si umpetahpa' inde pepakuhu ang sule yaho mai di Inaha Maserona Puang Alataala, ampo' si nasanga nei' pa'karanna to maho. Aka' tau ang hali untahimbo Inaha Masero, dianto supu ang la mala ungnginsang yato ang natula' Inaha Masero.

Ampo' tainsangnga' kita' inde pahtuyunna Puang Alataala, aka' puhamingkea' kita' napainsangngi ungngolai kakuasaanna Inaha Maserona. Inde Inaha Masero umpahehsa ingkänna-ingkänna siamo, moi pahtuyunna Puang Alataala ang dake' nainsang hupatau.

Daingkea' aha untahimbo pepaturu ang situhu' pihki'na to lino, ampo' ang tatahimbo dianto Inaha Maserona Puang Alataala anna malaingkea' ungnginsang yato ingkänna ang puha nabeaingkea' yaling di mana' pa'kalemunna.

Anna yato kaheba ang kupainsangngikoa' mating, dai kupepainsangnging sitonda kamanähängang anna datoukoa' aha kuse'de'. Ampo' kakuasaannaete' Inaha Masero lambi' ungnginsammi ungngoatee tahpa si'daetee' yato kaheba ang kubaha mating. Dahi nasuhung anna umpetahpa'ia' yato kaheba, tadia aka' kakeaka'anna hupatau, ampo' aka' kakuasaanna Puang Alataala.